Moderator.az-ın araşdırmasına görə, bazarlarda qiymətlər fərqlidir. Məsələn, Türkiyə  istehsalı olan karandaş dəsti 7-8 manatdırsa, Rusiya istehsalı olan karandaş 6 manatadır,  Çin istehsalı isə 1-2 manat arasında dəyişir. Qiymət baxımından Çin istehsalından baha, Rusiya və digər ölkələrdən ucuz olan bu şirkətin məhsullarının keyfiyyəti sual altındadır. Hazırda məktəbli ləvazimatları mağazalarında çantalar 20 manatdan başlayır. Nisbətən davamlı və uzunömürlü təəssüratı yaradan çantalar 35-45 manatdan başlayır. Bu qiymət müxtəliuf mağazalara görə dəyişir - 100 manata və daha bahalı çantalar tapa biləcəyiniz də istisna olunmur. 24 vərəqli Rusiya istehsalı dəftər nisbətən enlidir və vərəqləri daha qalındır, qiyməti 60 qəpikdir. 

 

 

 

 

-Gündəlik qida xərcləri; 4-7 manat,

 

 -Zəruri tədris ədəbiyyatı ilə təminat üzrə xərclər; aylıq 20-30 manat,

 

-Tibbi xərclər; aylıq 30-70 manat 

 

-Məktəbə gediş-gəliş xərcləri; aylıq 10-20 manat

 

-Dil və hazırlıq kursları; aylıq 150-300 manat 

 

-Geyim xərcləri; aylıq 70-100 manat.

 

Ekspert qeyd edib ki, bundan başqa digər davamlı zəruri xərclər də olur: “12 vərəqli dəftərlər 40 qəpiyədir, 60 qəpiyə Rusiya istehsalı olanları da var. 40 vərəqli dəftərlər 50-60, dəftər üzləri 50, pozan 20-80, qələmyonan 1.80 qəpiyədir. Gündəliyin qiyməti 2-4 manatdır. Sadə qələmin da ən ucuzu 30 qəpikdir. Albom 50 qəpikdən 1 manat 50 qəpiyə qədər qiymətlərdə təklif edilir. Rəngli qələmlərin qiyməti 1 manatdan başlayır, 5 manata qədər artır. Plastilinin isə ucuzu 1 manatdır. Məktəbli çantaları 40-150 manata, məktəbli forması 50-120 manata başa gəlir. Yəni, şagirdi məktəbə yola salmaq valideynə aylıq ən azı 150 manata başa gəlir. Düşünürəm ki, məktəbli formalarının verilməsi ilə bağlı yükü də dövlət öz üzərinə götürməlidir. Bütün şagirdlər üçün istənilən nəqliyyat növü pulsuz olmalı, məktəbliləri daşıyan ayrıca avtobuslar təşkil edilməlidir. Fikrimcə, bunlar həyata keçirilsə, təhsilin əhatə dairəsi daha da genişlənər və əlçatanlıq təmin olunar. Çünki nəqliyyat problemi rayon yerlərində şagirdlərin vaxtında və davamlı dərsə getməsinə təsir edir. Bu əsasən soyuq, yağışlı və qarlı havalarda müşahidə edilir. Bunlarla bərabər düşünürəm ki, böyük tənəffüsdə şagirdlərə isti yemək və meyvə verilməlidir. Çox şagirdin məktəb bufetindən istifadə etməyə maddi durumu əl vermir. Təbii ki, bizimlə Avropanın gəlirlilik səviyyəsi eyni deyil. Amma müqayisə etsək, bizdə xərclərin 7-8 dəfə az olması məlum olar. Məsələn, Almaniyada şagirdin aylıq xərci təqribən 800 avroya bərabərdir. Almaniyanın bu nəticəsi orta aylıq maaş, illik gəlirin yüksək olmasından xəbər verir. Məsələn, İrlandiyada bu işdə ən böyük yardım göstərən institutlardan biri kilsədir. Hər şagirdə kilsə tərəfindən ayrıca vəsait ayrılır. Bu, kilsənin tarixi ənənəsidir. Avropa ölkələrində qeyri-hökümət təşkilatları, müxtəlif fondlar, kommersiya təşkilatları, iri şirkətlər məktəblərdə müəyyən layihələr həyata keçirir, bunun üçün vəsaitlər ayırırlar. Azərbaycanın da qabaqcıl beynəlxalq təcrübədən istifadə etməsində yarar var. Yükü təkcə dövlətin üzərinə atmamaq da olar. Özəl şirkətlər bu işə sponsorluq etsə, müxtəlif dərnəklərin maliyyələşməsini holdinqlər öz üzərlərinə götürsə, vəziyyət dəyişər. Həm qurumlar daha keyfiyyətli xidmət edər, həm də dövlət büdcəsinə müəyyən qədər qənaət etmiş olarlar”. 

 

 

 

Jurnalist Naibə Qurbanova deyir ki, məktəb bazarlığı deyəndə ilk ağıla gələn məktəbli forması olur:  “Məktəbli formasının hazırlanması ilə bağlı da artıq neçə ildir ki, Bakı Tikiş Evi məşğul olur. Onların təqdim etdiyi məhsullar ürəyimcə olmadığına görə, dörd ildir ki, geyimləri özüm parça alıb tikdirmişəm. Bu isə təxminən 70-80 manata başa gəlib. Bu ildən isə oğlum özəl məktəbdə təhsil alacaq deyə, geyimləri lisey özü verdi. Digər geyimlərə gəlincə, bu il 95 manat ayaqqabıya, 80 manat çantaya xərcləmişəm. Ən bahalı geyim ayaqqabıdır, çünki bütün günü ayağında olur deyə, çalışıram ortopedik, keyfiyyətli olsun. Dərs ləvazimatları bazarlığına təxminən 150-180 manat xərcləmişəm. Əvvəl kitabları da özümüz alırdıq deyə, bu xərc üçqat çox idi, bu il isə dərsliklər liseydən verilib. Təxmini hesablamalarıma görə, məktəb bazarlığımız 500-600 manata başa gəlir”.

 

 

 

Aparıcı Pərvin Əsgərli deyir ki, qızının məktəbə getməsi üçün 200 manatdan çox xərci çıxıb: “Qızımın məktəbə getməsi üçün 200-250 manat arası maliyyə xərcləmişəm.  Belə ki, məktəb çantası 90 manat, geyim 50 manat, digər məktəb ləvazimatları isə müəllim- valideyn iclasında dəqiq bilinəcək. Təminən 100 manat kitab-dəftərlər üçün nəzərdə saxlamışam”.