Əməkdar artist Ruhəngiz Allahverdiyeva Moderator.az-ın suallarını cavablandırıb.

 

 

- Bizim işimiz nə idi ki?!Toy idi də. Toy yoxdursa nə edək?Azərbaycanda toy çox böyük bir biznesdir, görün toylardan nə qədər insan ailəsinə qazanc aparırdı. Şou proqramlar var təkcə, mən heç birində yoxam, getmirəm.

 

 

- Dəvət deyəndə ki, bu işləri prodüsserlər görür. Mənim prodüsserim yoxdur, təbii ki, məni də o şou proqramlarda görmək istəyənlər var. Qonaq getmişəm də, oxumuşam da deyiblər ki, yeni yerlər çox açılıb, gəlin oxuyun, amma məsafə çox uzaqdır, sərf etmir mənə.

 

 

- Prodüsserim heç vaxt olmayıb.Sadəcə olaraq hər zaman yanımda ya qardaşım olub, ya da oğlum. Heç bir ölkəyə tək getməmişəm. O zaman heç belə şeylər yox idi.

 

 

- Az miqdarda pensiya və əməkdar artist fəxri adıma görə aldığım məvaciblə dolanıram. Kimlərsə gedib Rusiyada işləyirlər, sözün düzü mənə də dəvət var, amma getmirəm.

 

 

- Biri var  bir gün gedib toy oxuyub gələsən, bir də var aylarla gedib oxuyasan. Mən övladlarımı qoyub uzunmüddətli Rusiyaya toylara gedə bilmərəm.

 

 

- Böyük ölçülü geyimlərimi kiçildə bilirəm, üstünə əlavələr edirəm, dizayn verirəm. Bir də mən gözəl saç düzümləri edirəm. Adi günlərdə sadə edirəm, durub xüsusi günlərdə də özüm etsəm bəlkə bərbərdən də gözəl edərəm.Çox istedadlarım var. Əlimdən hər cür iş gəlir. İnstaqramda səhifəmi izləsəniz görərsiniz ki, əl işlərimi də orada paylaşıram.

 

 

- Bir dəfə Speys radiosunda "Yanar saat" verilişində idim. Aparıcı mənə bu mövzuda bir neçə sual verdi və söhbət əsnasında mən də danışdım. Verilişdən sonra kimsə mənə avtomobil açarı göndərmişdi. Bilmirdim kimdir, verilişin aparıcısı Anar mənə dedi ki, bu açarlar sənin üçün gəlib. Bu hər bir xanıma nəsib olmur ki, adını bilmədən, üzünü görmədən kimsə sənə təmənnasız nəsə hədiyyə edir. Mənə olan bu hörmət və sayğıya görə tanımadığım insana min dəfə təşəkkür etdim və açarı geri qaytardım. Elə bildim ki, avtomobili  mən sürdüm, məndədir.

 

 

-Bu mənim sadəliyimdir. Allah məni belə yaradıb, məni bu mühitdən, bu xasiyyətdən heç kim döndərə bilməyəcək. Bu günləri nazir qızı da, padişah qızı da olsaydım belə olacaqdım. Əgər gözəl sənətkarımız Zeynəb Xanlarova kimi də olsaydım bu xasiyyətdə olacaqdım. Mənim sadəliyimi heçnə dəyişə bilməz. Mənə belə yaşamaq çox rahatdır. Bəlkə də Allah təala mənim ruhumu kiminsə bədənində təcəssüm etdirib dünyaya göndərəcək, onu da mən bilmirəm. Bu gün mən yaşayıramsa özümün insanlığımdan, vicdanımdan istifadə edirəm.

 

 

-Zatən mənim xasiyyətim hər zaman belə olub. Demirəm ki, müasirlik olmasın, biz ondan istifadə etməyək. Müasirlik o deyil ki, hamı soyunub ortalığa düşməlidir. Gəlin texnikadan götürək. Zamanla biz ütünü qoyub qızdırardıq, saçımızı ütülüyərdik, şirinçayla saçımızı burardıq. Vaxtilə bunlar bizə bir kömək oldu. İndi bunları müasir üsullarla həll edirik. Bu müasirliklər pis deyil.Amma elə müasirliklər var ki, onlardan biz istifadə etməsək yaxşıdır.

 

 

-Necə gəldi şəkillər paylaşıram. Yani ürəyim nə istəyirsə, kimin şəkilini istəyirəmsə yayımlayıram. İnstaqram üçün xüsusi fotosessiya etmirəm. Bəzən deyirlər ki, sil o fotoları, sən bilirsən kimsən? Deyirəm ki, kiməm?Əstağfurullah, Allah deyiləm ki. Mən hamı kimi adi insanam. Hamı kimi dünyaya gəldim, qismət olsa da hamı kimi dünyamı dəyişəcəm. Allah təala bu həyatda mənə 3 şey verdi. Birincisi mən hər zaman böyüklərə sayğı göstərdim, danışığımı, oturuşumu bildim və heç vaxt pulun hərisi olmadım. Pul hamıya lazımdır, mənə də lazımdır. Neçə min kilometr dərinlikdə, dəryanın dibində olan canlıların ruzisini verən Allah sənin ruzini də mütləq verəcək. Hər zaman bunu düşündüm və yoluma davam etdim.