“İlkin hesablamalara görə ermənilər tərəfindən Qarabağa 1 milyon mina basdırılıb və Qarabağdan 1 milyon adam qaçqın düşüb. Bu o deməkdir ki, ermənilər hər adambaşına bir mina basdırıblar”

 

“Son hadisələr göstərdi ki, ətraf mühiti ən çox korlanan ərazi bizim Qarabağdır. Ərazini korlayan isə nə onun təbiəti, nə florasıdır, bunu korlayan torpaqlarımızı işğal etmiş adamlardı. İşğaldan sonra da korlamaqda davam edən bu alçaqlardı, şərəfsizlərdi”

 

Bunu Moderator.az-a açıqlamasında “Ulduz” jurnalının baş redaktoru, şair Qulu Ağsəs deyib. Q.Ağsəs düşmənin Qarabağda adambaşına bir mina basdırdığını bildirib:

 

“Son hadisələr göstərdi ki, ətraf mühiti ən çox korlanan ərazi bizim Qarabağdır. Ərazini korlayan isə nə onun təbiəti, nə florasıdır, bunu korlayan torpaqlarımızı işğal etmiş adamlardı. İşğaldan sonra da korlamaqda davam edən bu alçaqlardı, şərəfsizlərdi. Allah bizim həmkarlarımıza və icra nümayəndəsinin müavininə rəhmət eləsin, yaralı həmkarlarımıza da kömək olsun. 

 

İlkin hesablamalara görə ermənilər tərəfindən Qarabağa 1 milyon mina basdırılıb və Qarabağdan 1 milyon adam qaçqın düşüb. Bu o deməkdir ki, ermənilər hər adambaşına bir mina basdırıblar. Bunun fəsadları isə uzun illər davam edəcək. Ermənilər minalanmış ərazilərin xəritəsini versələr belə illər lazımdır ki, o ərazilər təmizlənsin. Əgər bir balaca ərazidə bu qədər mina varsa, heç onda ətraf mühitdin qorunmağından danışmağa dəyməz. Çünki bir mina həm havanı, həm torpağı, həm bitki örtüyün və həm də su mənbələrin dağıdır. Bir sözlə, mina ətrafa ölüm saçır. Mina olan yerdə isə nə mühit, nə də ətraf var. Ona görə son hadisədən sonra ümid edək ki, beynəlxalq təşkilatlar nəhayət  bircə dəfə olsun ermənilərin xətrinə dəyəcək bir söz deyəcəklər. Düzdü, mən heç onlardan bunu gözləmirəm. Fransız jurnalist Fransa hökumətini tənqid edib bildirdi ki, hökumət buna münasibət bildirməlidir, amma bildirmir. Özləri etiraf etdi ki, hökumət buna münasibət bildirmir. Azərbaycanın atəşkəsdən sonra öz torpağında saxladığı terrorçuya görə bəyanat verən Avropa ölkələri indi bu cür məsələlərdə susurlar. Biz yaralı erməni hərbçisini xəstəxanaya yerləşdiririk, ona vəkil tuturuq, bütün hüquqları qorunur, amma bununla belə bizə bəyanat verirlər. Dünən isə mətbuat nümayəndələri öz vəzifə borcunu yerinə yetirərkən minaya düşərək həlak olub. Hələ belə fikirlər var ki, bu minalar sonradan basdırılan minalardı və əgər bu varsa, deməli ermənilər Azərbaycan sərhədlərini pozurlar. Bizim həlak olan jurnalistlərimizə görə isə Avropadan Ermənistana heç bir təpki görmürük. Ermənilər çox rahatça oturublar və sosial şəbəkələrdə bunun keyfini çıxarırlar. Heç bir ölkə də onlara bir söz demir, sanki bunlar bütün aləmdən təcrid olunub.  

 

Ermənistanın buna heç bir reaksiyası yoxdur. Çünki arxayındırlar ki, onsuz da bunlardan heç bir şey tələb olunmayacaq. Qafqazda Azərbaycana ən böyük təhlükə, bizim ətraf mühiti də korlayan məhz bu dırnağarası dövlət və millətdi. Bunlar artıq nəinki regional təhlükəsizliyə, hər şeyə təhlükə yaradır. Hər bir yer öz obasıyla, adət-ənənəsiylə tanınır. Ağdam, Zəngilan, Qarağacı qəbiristanlığı, ordakı məscidlər ermənilərin simasıdı, sifətidi. Ona görə ətraf mühiti qorumaq istəyiriksə, ilk növbədə erməni terrorunun qarşısını almaq lazımdır. Bunlar bütün dünyanı təhdid edirlər, çünki onların əli təkcə Qafqazla məhdudlaşmır”.

 

Qeyd edək ki, bu gün 5 iyun Ümumdünya ətraf mühitin mühafizəsi günüdür.