Moderator.az Kəlbəcər rayonunun millət vəkili Aqil Məmmədovun “Yeni Sabah”a müsahibəsini təqdim edir:

- İnanın ki, torpaqların azad olunması məcburi köçkünlərdə elə bir əhval-ruhiyyə yaradıb ki, bəlkə də ilkin olaraq bu barədə düşünmürdülər. Bu gün də çoxları düşünmür ki, hansısa şirkətlər və yaxud dövlət tərəfindən o evlər təmir olunsun, onlar da dövlətin hesabına məskunlaşsınlar. Bu gün də çoxlu sayda kollektiv şəkildə müraciətlər var, cənab prezidentə ünvanlayırlar ki, xahiş edirik bizə imkan yaradın – təbii ki, burada imkan dedikdə ərazilərin minadan təmizlənmə prosesinin başa çatmasını nəzərdə tuturlar - gedib orada öz hesabımıza həyat şəraiti qurub yaşayaq.

Elə ailələr var ki, deyir orada çadır şəraitində də yaşayaram. Yəni bu istiqamətdə əhval-ruhiyyə çox yüksəkdir və belə başa düşürəm ki, hamı bu istəkdədir. Çünki 30 ilə yaxın bu arzu ilə yaşamışıq ki, biz o torpaqlara qayıdaq. Bu gün gözləmək lazım deyil ki, orada tam şəkildə tikinti aparılsın sonra gedək. Bu mənim şəxsi fikirlərimdir. Düzdür, dövlətin özünün proqramı var, cənab prezidentin tapşırığı da var ki, yaşayış məntəqələri mərhələli şəkildə bərpa olunacaq. Amma öz hesabına ev tikmək istəyənlərə də şərait yaradılmalıdır.

 

-  Əvvəla ilkin olaraq həmin ərazilər təhlükəsizlik baxımından təmin edildikdən sonra dövlətin qəbul etdiyi qərarlara əsasən mərhələli şəkildə bu məsələlər öz həllini tapacaq.  

- Mən elə düşünmürəm. Çünki bizim hüquqlarımız var və bu hüquqlar dövlət tərəfindən qorunur. Biz istədiyimiz yerdə yaşaya bilərik. Tutaq ki, sən mütləq Laçına getməlisən, burada yaşaya bilməzsən kimi qadağa ola bilməz. Birinci mərhələdə bizim bildiyimizə görə bunlar könüllülük şəklində həyata keçiriləcək. Əgər vətəndaş istəyirsə ki, burada yaşasın, ona heç kim maneçilik yaratmamalıdır. 

Sizə bir məsələni də qeyd edim, indi digər rayonların sakinləri də bu gün bizə müraciətlər edir ki, biz Kəlbəcər rayonunun pasport qeydiyyatına necə dura bilərik ki, gedək orda yaşayaq və orada işləyək. Mən hesab edirəm ki, hətta burada doğulan sakinlərin böyük əksəriyyətində geri qayıtmaq arzusu olacaq. Ola bilər ki, bəziləri getmək istəməsin, onlara da hər hansı problem yaranmamalıdır.  

İndi Kəlbəcər sakinlərini daha çox narahat edən məsələ Kəlbəcər-Ağdərə yolu ilə bağlıdır. Amma narahat olmağa dəyməz, belə düşünürəm ki, qısa zamanda bu yolda da hərəkət bərpa olunmalıdır. Zamanla bunlar öz axarına düşəcək. Həmçinin Toğanalı kəndindən Kəlbəcərə tunel yolu çəkilir. Bu da çox rahat bir yol olacaq. Bundan başqa beynəlxalq hava limanının tikintisi də nəzərdə tutulur, bu, gələcəkdə həm orada yaşayanların rifahının yaxşılaşmasına, həm də  turizmin inkişafına töhfəsini verəcək.  

- Bəli, cənab prezident həmin ərazilərdə xüsusi nümayəndəliklərin yaradılması ilə bağlı fərman imzalayıb. Bu o demək deyil ki, həmin ərazilərdə olan icra hakimiyyətləri ləğv olunub. Çünki fərmanda bununla əlaqədar heç bir bənd yoxdur.  Xüsusi nümayəndənin təyin olunması azad olunmuş ərtazilərdə tikinti, quruculuq və abadlıq işlərinin daha sürətli və keyfiyyətlə aparılmasından ibarətdir.