"Vaxtilə onun qarşısında ikiqat əyilənlər, əlini öpənlər bu gün danışmağa başlayıb..."

"Rusiyanın Şimali Koreya və İranla əməkdaşlığı güclənir" - Pentaqon

ABŞ rusiyalı məmurları ələ salaraq BRIKS görüşünü "pozub"

Hər ay paket olaraq verilən 15 min manatı maaş kimi almışam - Naxçıvanın sabiq maliyyə nazirinin məhkəməsi

"Rusiya 15 ukraynalı döyüşçünü edam edib" - "Human Rights Watch"

"Rusiya cəbhədə hücumdan öncə fasilə verib" - ISW

“Pişiyin bığlarını kəsib azdırdılar, mən isə ona alleqorik komediya həsr etdim” - MARAQLI + FOTO

“6-cı sinfə qədər oğlumla qızım bilmirdilər ki, ataları itkin düşüb, Əliyar cəhbəyə gedəndə dedi ki...” - nəşi tapılan şəhidin xanımı - ÖZƏL + FOTO

Qazaxın kəndləri yaxınlığında vəziyyət gərginləşdi...-Əlavə qüvvə yeridildi...-VİDEO

"Vaxtilə onun qarşısında ikiqat əyilənlər, əlini öpənlər bu gün danışmağa başlayıb..."

Müsahibə

Oxunub: 13139

02 Aug 2020 | 13:09

Moderator.az Milli Məclisin Regional məsələlər komitəsinin sədri, hakim Yeni Azərbaycan Partiyası icra katibinin müavini Siyavuş Novruzovun son hadisələrlə bağlı modern.az - a verdiyi müsahibəni təqdim edir:

- Siyavuş müəllim, həm sərhəddə, həm cəbhə xəttində ermənilər mütəmadi təxribatlar törədir. Buna qarşı həm Azərbaycan daxilində, həm də xaricdə soydaşlarımız yüksək şəkildə birlik nümayiş etdirirlər. Paralel olaraq Türkiyə ilə Azərbaycan Ordusu birgə təlimlər keçirir. Sizcə, nələr baş verir?

- Soydaşlarımızın həmrəyliyini çox yüksək qiymətləndirirəm. Birinci növbədə Ali Baş Komandanın göstərişləri tam şəkildə həyata keçirilir... Tovuz hadisələri çox ciddi məsələ idi. Ermənilər 3 il idi ki, buna hazırlaşırdılar. Onlar bu müddət ərzində diqqəti yayındırmaq üçün Qazax və digər yerlərdə təxribatlar törədirdilər. Bunun səbəbi nədən ibarət idi? Səbəbi o idi ki, Tovuzdan keçən bütün kommunikasiya xətlərini ermənilər dağıtmaq istəyirdilər. Bu ideya isə ermənilərin deyildi. Baxın, bu gün Belarusda nələr baş verdiyini görürsünüz. Bunların hamısı eyni proseslərdir. Deməli, bunların əsas məqsədi ondan ibarət idi ki, Azərbaycanın həmin ərazilərdən keçən dəmir yolu və digər strateji əhəmiyyətli xətləri dağıtsınlar. Təsəvvür edin ki, həmin ərazilərdən keçən boru kəmərləri vasitəsi ilə Qazaxıstanın nefti Türkiyəyə gedir. Bu xətlər vurulsaydı, sabah onlar öz neftini bu kəmər vasitəsi ilə necə göndərəcəkdi? Ona görə də məcbur qalıb yolu dəyişməlisən. Yolu da ya Rusiya, ya da İran vasitəsi ilə dəyişə bilərsən. Məqsəd bu idi... Gəlib-gedənlər hamısı pafosla danışır. Prezident çox düzgün olaraq qiymətləndirdi bu məsələni.

- Bu hadisələrdə xalq və hakimiyyət bir yerdə addımlar atdı. Hətta xaricdəki azərbaycanlılar da bu məsələyə aktiv qoşuldular. Müstəqillik qazandığımızdan bəri ilk dəfə belə böyük və mütəşəkkil şəkildə addımlar atıldı...

- Bütün bunlar cənab Prezidentin dünyada olan hörməti idi. İndi təsəvvür edin, 130 dövlət cənab Prezidentin təklifi ilə BMT-yə müraciət edib. Bu məsələlər müzakirə olunacaq. Xaricdə yaşayan soydaşlarımızın hər biri bu işdə iştirak eləməlidir və iştirak da etdi.

- Bəs müxalifətin bu məsələlərə yanaşmasına necə baxırsınız?

- Müxalifətin böyük bir hissəsi xalqın, dövlətin yayında oldu. Bir hisssi isə həmişəki kimi... Baxın, bəziləri Ermənistanı müdafiə edirlər. Ermənistanın maraqlarından çıxış edirlər. Guya deyirlər ki, Ermənistanda bu döyüşlərdə bir nəfər də ölməyib. Bizim generalımız, polkovnikimiz, mayorlarımız şəhid oldu. Allah onlara qəni-qəni rəhmət etsin. Onlar böyük bir dövlətçiliyi, dövlətçiliyimizi qorudular. Vaxtilə bizim Brüsseldə nümayəndəmiz işləyən, anası Gəncə ermənisi olan Arif Məmmədov heç olmasa, yediyi çörəyə hörmət etsin. 20 il Azərbaycanın nümayəndəsi işləmisən. İşləmək istəmirdinsə, ərizəni verib çıxardın. İşdən çıxmamısan, azad ediləndən sonra erməniləri müdafiə etməyə başlamısan. Çünki qanında bizə düşmənçilik var.

- Azərbaycanın daxilindəki müxalifətin mövqeyini necə qiymətləndirirsiniz?

- Daxildəki müxalifətin bir qismi başda Əli Kərimli olmaqla, ancaq ermənidən pul alıb, anti-Azərbaycan təbliğatı aparır. Milli Şuraya daxil olanların biri də ortaya çıxıb Azərbaycanı müdafiə eləmədi. Əli Kərimli çıxıb yalandan bəyanat verdi. Ondan bir gün qabaq Osmanqızının televiziyasına çıxıb görün hansı müsahibəni verdi. Əsas odur ki, bütün bunları xalq görür, bilir.

- Siyavuş müəllim, sizcə biz niyə imkan veririk ki, onlar ermənilərin təsirinə düşsünlər?

- Bilirsiniz, milli maraqlara, Vətənin maraqlarına qarşı çıxmaq xəyanətdir. Onlar Vətənə xəyanət edirlər. Dövlətçilik əleyhinə çıxışlar edirlər. Hökuməti istəmirsən, müxalifətçilik edirsən, bunu başa düşürəm. Xalqın, millətin, dövlətin əleyhinə getmək ancaq cinayətdir.

- Bu günlərdə Milli Elmlər Akademiyasının prezidenti Ramiz Mehdiyevin də bir bəyanatı oldu. Aydın oldu ki, bəzi qüvvələr düşünür ki, hakimiyyət daxilində müəyyən qruplaşmalar var. Ramiz Mehdiyev deyir ki, ömrü boyu Heydər Əliyev siyasi kursuna sadiq olub və bundan sonra da olacaq. Sizcə bu nə demək idi?

- Vaxtilə onun qarşısında ikiqat əyilənlər indi haqqında xoşagəlməz sözlər deyirlər. Vaxtilə onun əlini öpənlər bu gün danışmağa başlayıb. Mən bunların hamısının şahidi olmuşam.

- Söhbətimizin əvvəlində ümumi bir fikir oldu ki, xalq son hadisələrdə yekdilliklə birlik nümayiş etdirdi. Amma içimizdə də sizin dediyiniz kimi, bəzi qüvvələr var ki...

- Azərbaycanda 30 min erməni yaşayır. Onların uşaqları, nəsli-nəcabəti var. Onların hamısı bu gün sosial şəbəkələrdə anti-Azərbaycan təbliğatı aparır. Çoxusunun anası, çoxunun arvadı ermənidi... Amma bütün anti-təbliğat aparanlar da onlardır.

- Yaltaqlıq, əl öpənlik məsələsinə toxundunuz. Milli Məclisdən gözlənti var ki, yaltaqlığı qadağan edən bir qanun layihəsi ortaya çıxsın. Bəzən yaltaqlığın pik həddinin şahidi oluruq. Bunun qarşısını necə almaq olar?

- Elələri indi də var. Onları adbaad sadalaya bilərəm. Yaltaqlıq yox, əməli-salehlik etmək lazımdır. Eləmirlər də, bunların da xarakteri belədir.

- Azərbaycanda sürətli şəkildə kadr və struktur islahatları aparılır. Bu siyasət hakim partiyada da gedəcəkmi? Məsələn, rayon partiya rəhbərlərindən xeyli yaşlı adamlar var...

- Axı bizdə qayda-qanun var. Partiyanın rayon təşkilatı sədrini dəyişmək üçün konfrans keçirilir. Koronavirusla əlaqədar konfranslar onlayn keçirilir. İşlərimizi onlayn idarə edirik.

- Bütün rayon təşkilatları ilə bağlı konfrans keçiriləcək?

- Yox, müəyyən qədər addımlar atılır. Həm də bu məsələ yaşla əlaqədar deyil. Adam var ki, yaşlıdı, amma əla işləyir. Adam da var ki, cavandı, heç bir işlə məşğul olmur.

- Sosial şəbəkələrdə son zamanlar baş verənlər göstərir ki, bu platformaya nəzarət olmasa dövlətin, millətin mənafeyi sual altında qalacaq. Sizin özünüz də bir müddət öncə sosial şəbəkə istifadəçilərinin hədəfinə çevrilmişdiniz. Nə etmək lazımdır?

- Vaxtında demişəm ki, sosial şəbəkələrə qeydiyyat yalnız şəxsiyyət vəsiqəsi ilə olmalıdır. Biri anasının adı ilə, başqası atasının adı ilə daxil olur. Ya da tamam fərqli profillər yaradırlar. Onları şəxsiyyət vəsiqəsi ilə qeydiyyata alsaq, hər mənada işimiz asanlaşar. Türkiyə bununla bağlı addım atdı. Biz də qəbul etməliyik. Baxırsan, normal profildi, qadın şəkli qoyub, sonra məlum olur ki, kişidir. Kişi adı ilə, şəkli ilə yazan adam qadın çıxır. Ona görə, bu məsələdə tənzimləmə vacibdir.

- Son zamanlar bəzi köhnə siyasətçilər, o cümlədən xaricdə yaşayanlar aktivləşiblər. Hətta konkret Rəsul Quliyevin açıqlamaları, təklifləri daha çox diqqət çəkir. Sizcə, onun aktivləşməsi nə ilə əlaqədardır?

- Rəsul Quliyev 30 ildir oturub Amerikada, Amerika xüsusi kəşfiyyatına işləyir, ona görə, oradakı erməni lobbisinin dili ilə danışır. Deyir, Qarabağın bir hissəsini ermənilərə verib, münaqişəni həll etmək olar. Necə yəni? Torpağı vermək olar? Yaxşı xatirimdədir, ümummilli lider Heydər Əliyev Dağlıq Qarabağla əlaqədar bir toplantı keçirirdi. Keçmiş strukturların, hüquq-mühafizə orqanlarının rəhbərləri, siyasətçilər hamısı iştirak ediblər. Orada məsələ qalxdı ki, Dağlıq Qarabağ Ermənistana verilsin, ətraf əraziləri geri alaq. Cənab Prezident İlham Əliyev də həmin toplantıda iştirak edirdi. Heydər Əliyev, İlham Əliyev və Murtuz Ələsgərov bu fikirləri səsləndirənlərin başına bir oyun açdılar, gəl görəsən. Dedilər ki, Azərbaycanın 1 metr torpağını belə ermənilərə vermək mümkün deyil. Ümummilli lider dedi “bu torpaq sənindir ki, verirsən?” Görün vəziyyət necə idi? Ona görə Rəsul Quliyevin dedikləri sayıqlamadan başqa bir şey deyil.

- İlin əvvəlindən bu yana xeyli yeni siyasi partiya qeydiyyata alındı. Bu proseslərdən sonra Azərbaycanın siyasi palitrasının dəyişəcəyini düşünə bilərikmi?

- Azərbaycanda elə partiyalar var ki, 1990-cı illərdən qeydiyyata alınıb. Halbuki, nə partiya işləyir, nə bir tədbir keçirir, nə siyasi prosesdə iştirak edir. Siyasi sistem yenidən formalaşdırılmalıdır. Yeni nəsil gəlməlidir. Bu gün-sabah mən də gedəcəm, yerimə yeni bir adam gəlməlidir. Siyasət dünyası da eyni şeydir. Artıq Azərbaycan siyasi sistemindən adamlar özləri istefa verməlidir. Yeni partiyaların qeydiyyata alınması müsbət haldır.