“Kasıblar bu BAYRAQ altında Vətəni QORUYUR, oliqarxlar isə TALAYIR...”

Xalq artisti onları tənqid etdi: “Villaları, maşınları, qızılları efirdə reklam etməyin, gözə soxmağın nə mənası var ki?”

Ukraynalı qaçqınlara kömək edən rus şərləndi və təcrudxanada ölü tapıldı...-FOTOLAR

“Məktəblilər arasında hərbi bilik yarışının keçirilməsi ona görə vacibdir ki...”

"Jurnalistika Yer kürəsinin heç bir yerində cinayət olmamalıdır"

Britaniya XİN rəhbəri Kreml üçün qorxunc bəyanat verib, Zaxarovanın "gözləri kəlləsinə çıxıb"...

Çeçenistanda Ramzan Kadırov adlı "fələstinli" dünyaya gəldi...

"Türkiyə İsraillə bütün ticarət əlaqələrini kəsib" - "Bloomberg"

"Rusiya ukraynalılara qarşı kimyəvi silah tətbiq edir" - ABŞ Dövlət Departamenti

“Kasıblar bu BAYRAQ altında Vətəni QORUYUR, oliqarxlar isə TALAYIR...”

Oxunub: 5214

09 Nov 2019 | 12:00

“Kasıblar bu BAYRAQ altında Vətəni QORUYUR, oliqarxlar isə TALAYIR...”

....Hədsiz can-fəşanlıq edib, dil-dil ötüb özünü gözə soxan kəslərdən, bayramda-filanda haylı-küylü çıxışlar yapan, rəngbərəng paylaşımlar edənlərdən ehtiyat edirəm. Bəzən belələrinin varlığından Allah rizası üçün əsəbiləşirəm, iyrənirəm... Çünki bu münafiq məxluqların içini, qeyri-səmimiliyini görürəm, oxuyuram...

***

28 May, 18 Oktyabr, 26 İyun günlərində olduğu kimi, 9 Noyabr – Dövlət Bayrağı günümüzdə də elə kəslər Azərbaycan xalqından, dövlətindən, bayrağından, bu dəyərlərə, atributlara sevgisindən dəm vurur ki... Üçrəngli bayrağımız altında, Vətənə, Xalqa, dövlətçiliyimizə, milli, dini dəyərlərimizə, Qarabağımıza qarşı minbir xain oyunlardan çıxan belə çoxrəngli, çoxüzlü məxluqları görəndə onların əvəzinə utanıram bu Bayraqdan...

***

Dünən oraq-çəkicli, beşkünc ulduzlu sovet-rus bayrağı altında Kremldən, İvan İvanoviçdən qorxa-qorxa, siçovul kimi küncə-bucağa qısıla-qısıla ölkəni alt-altdan yeyib-dağıdanlar, milli dəyərlərimizə xor baxanlar, yalnız rus, Avropa mahnıları dinləyib, kəlməbaşı rus sözü işlədib, rus dilini bilməyənlərə “çuşka” deyənlər 1990-cı illərdən bəri ÜÇRƏNGLİ, AYPARA-ULDUZLU AZƏRBAYCAN BAYRAĞI altında müstəqillik(!), azadlıq(!) qazanıblar... Hakimiyyət, vəzifə kürsülərindən yararlanaraq mümkün qədər xalqın, ölkənin yeraltı-yerüstü sərvətlərini dağıtmaq azadlığı, müstəqilliyi... İndi belələri sözdə türklükdən, müsəlmançılıqdan dəm vurur, canfəşanlıqla Türkiyə leksikonundan kəlmələr işlədir, Azərbaycan bayrağına sarılır, türkü oxuyur, cürbəcür pozlar verirlər...

***

Yaxşı ki, biz kasıblara, övladlarımıza, ən azı, hərbi xidmət boyunca Azərbaycan Bayrağı altında Vətən uğrunda canını qurban vermək müstəqilliyini çox görməyiblər...

***

Elə onlardan üstünlüyümüz də bundadır: vicdanlı, qeyrətli kasıblar, onların övladları bu BAYRAQ ALTINDA Vətən, Qarabağ uğrunda vuruşur, korrupsioner, dələduz oliqarxlar, rüşvətxor, saxtakar məmurlar isə eyni BAYRAQ ALTINDA Vətəni, ölkəni dağıdır, xalqı talan edir...

***

Nə yazıqlar ki, bu müqəddəs BAYRAĞIMIZ ALTINDA, eləcə də Heydər Əliyev, hazırkı dövlət başçısı İlham Əliyevin portretləri altında həm yaxşı, təmiz, həm də pis, çirkin işlər görülür. Birdən məqamı gələndə o rüşvətxor məmurları, rəisləri “iş başında” tutub birbaşa üzlərinə də deyirəm: “Utanmırsınız, bu müqəddəs DÖVLƏT BAYRAĞININ, çıxışlarınızda başlarına and içdiyiniz DÖVLƏT LİDERLƏRİNİZİN portretləri altında nə iş görürsünüz?!. Belə deyəndə səsləri çıxmır... Həyalarından yox, qorxularından...

Təəssüf ki, onlar da utanan üz yoxdur... Prezident hər yığıncaqda “özünüzü yığışdırın” deyir- lazımi nəticə çıxarırlar? Çətin... Ona görə ki, arxaları böyükdür, sistemləşiblər, şəbəkələşiblər bu BAYRAQ altında...

***

Həmişə bir sual da bəndənizi düşündürür: görəsən, Azərbaycan bayrağı altında sənədlər imzalayıb rüşvət alıb, korrupsiya, maxinasiya əməliyyatları, saxta tədbirlər icra edib varlanan-hallanan, milyardlar qazananlar bu BAYRAQ UĞRİNDA ölümə gedərlərmi?.. Heç inanmırıq... Amma bəlkə də gedərlər. Çünki o var-dövləti məhz bu BAYRAQ ALTINDA, ona sığınıb qazanırlar... Bilsələr ki, o BAYRAQ yıxılsa, var-dövlətləri, hakimiyyətləri əldən çıxacaq, bəlkə də ölümə gedərlər...

Elə yəqin, buna görə də dövlət bayramlarında, BAYRAQ GÜNÜNDƏ belə can-fəşanlıq edirlər...

***

Nə isə, bu bayram günündə mənfi emosiyalara çox köklənməyək – Yer üzündə heç də hər şey qara rəngdə deyil. Vətənimiz Azərbaycanda da neqativ hallarla yanaşı, ürəkaçan məsələlər də çoxdur. Bizim Vətən, Qarabağ, Bayraq uğrunda canlarından keçə bilən minlərlə Mübarizlərimiz, Şirinlərimiz, Əliflərimiz, İsrafillərimiz, Koroğlularımız var... Hətta az-çox çirkaba bulaşmalarına rəğmən bu Vətən, bayraq, Qarabağ uğrunda ölümə də hazır olan, qəlbən xalqa bağlı qalan rəhbərlərimiz, məmurlarımız da var. Soruşacaqsınız ki, kimlərdir? Amma adlarını açıqlaya bilmərəm- bu BAYRAQ altında onların başlarını kəsə bilən xainlərimiz çoxdur hələ, təəssüf ki...

Bayraq gününüz mübarək! Allah bu BAYRAQ, VƏTƏN, QARABAĞ uğrunda şəhid düşən oğullarımıza rəhmət eləsin, qazilərimizə, həm gerçək hərbi, həm də mənəvi-ideoloji savaşa hazır olanlarımıza isə cansağlığı versin!..