Bunu Moderator.az-a açıqlamasında müğənni Əli Mirəliyev müğənni Afət Fərmanqızının İmadəddin Nəsiminin “Sığmazam” qəzəlini hind musiqisi üzərində oxumasına münasibət bildirərkən deyib. Ə.Mirəliyev deyib ki, burda cinayət bir şey yoxdur:

“Bu haqda çox danışılıb. Afət gərək İmaddədin Nəsiminin qəzəlinə toxunmayaydı. Amma eləyib də, o qədər Azərbaycanda biabırçı vəziyyətdə mahnı oxuyan müğənnilər var, bu da onlardan biridir, nə olsun, nə var ki, burda? cinayət eləməyib ki. Orda bir sözü düzgün tələffüz etməyib: “məndə sığarikən cahan” yox, “məndə sığar iki cahan”. Afət də deyir ki, bir nəfər mənə dedi ki, belə düzdür. İki cahan yerlə-göy deməkdir. Ona mən də, xalq artisti Şeyx Əbdül də sual verdi, amma and-aman elədi ki, bəs mən də gənc müğənniyəm, istədim oxudum. Dedim ki, adam bir bilənlərdən soruşar sonra oxuyar da. Afət oxumağı bacarır, çünki ona başqa mahnıları da oxutdurdum. Sadəcə gərək öz sözləri düzgün tələffüz edəydi”.