Milli Məclisin deputatı Aydın Mirzəzadə Moderator.az-a müsahibə verib. Onunla söhbəti təqdim edirik:

- Gəncənin yeni icra başçısı Niyazi müəllimi mən  4 ilə yaxın müddətdir ki, tanıyıram. Mən Mingəçevir şəhərindən Milli Məclisin deputatıyam. O isə Mingəçevir şəhərinin icra başçısı işləyirdi. Bu müddət ərzində o, özü haqqında çox müsbət fikirlər formalaşdırıb. Mədəni, sakit, təmkinli, insanı dinləməyi bacaran və eyni zamanda kollektivlə işləməyi sevən bir rəhbər kimi özünü tanıda bilib. Hər zaman Mingəçevirin problemləriylə bağlı ciddi addımlar atıb. Onun vaxtında çöl sahili zona daha da, abadlaşdırıldı və turistlərin cəlb edilməsi üçün gözəl məkana çevrildi. Onun cənab prezidentin etimadını doğrultduğunu düşünürəm. Heç bir şübhə yoxdur ki, o qısa zamanda gəncəlilərin sevgisini qazana biləcək. Niyazi Bayramov, müasir Azərbaycanın yetişdirdiyi çox uğurlu idarəetmə menecerlərindən biridir və ona gələcək fəaliyyətində uğurlar arzu edirəm.

- Paytaxt Bakıda isə merin yeri boşdur, deyəsən burada dediyiniz o uğurlu idarəetmə meneceri tapılmır...

- Bəli, bir müddətdir ki, Bakı şəhər icra hakimiyyəti  başçısı vəzifəsi boşdur. Mənə elə gəlir ki, çox da uzaq olmayan bir vaxtda yeni başçının təyinatı baş tutacaq. Cənab Prezidentin təyinatları həmişə uğurlu olur. Cənab Prezident etimadı doğruldan, yeni ideyalarla yaşayan, vətəndaşlarla sıx təmasda olan, problemlərin həllinə cəsarətlə gedən insanlara üstünlük verir. Yəni bu baxımdan Bakı şəhərinə də icra başçısının təyin olunması uzaq bir dövrə təsadüf etməyəcək.

- Vətəndaşlarla sıx təmasda, əlaqədəyəm. Mənim mobil nömrəmi Mingəçevirdə bilməyən yoxdur (gülümsəyərək). Ona görə də şərti olaraq demək olar ki, mən hər gün seçicilərimin qəbulunu keçirirəm. Tək Mingəçevirdən deyil, Respublikanın digər bölgələrindən də qəbuluma gələnlər olur. Qaldırdıqları məsələlər müxtəlifdir. İşlə təminat, təhsil,  eyni zamanda sosial problemlər kimi müraciətlər olur. Son zamanlar təkliflərlə çıxış edənlər də çoxalıb. Təbii ki, bu məni sevindirir. Hesab edirəm ki, vətəndaşlarımız sosial aktivdirlər. Ən əsası hesab edirəm ki, deputat üçün vacib olan Milli Məclisin qapısının seçiciləri üçün daim açıq olmasıdır.

- Həmin dövrdə də Azərbaycandaydım. Deyərdim ki, bu səfəri tarixi hadisə kimi qiymətləndirirəm.  Xanım Angela Merkelin Azərbaycana səfəri ilk dəfədir. Baxmayaraq ki, alman şirkətləri Azərbaycanda aktiv fəaliyyət göstərirlər. Eyni zamanda Azərbaycan Avropanın enerji təmainatında aktiv rol oynayır. Əslində xanım Angela Merkel regiona yox, Azərbaycana səfərə gəlmişdi. Ermənistan bu gün nəinki Almaniyanın, dünya üçün heç bir maraq kəsb etmir. Mən hesab edirəm ki, Ermənistana səfər sadecə olaraq bir protokol xarakteri daşıyır. Azərbaycan iqtisadiyyatı isə Cənubi Qafqaz iqtisadiyatının 65 faizini təşkil edir. Təsadüfi deyil ki, Almaniya Azərbaycanı özünün ən iri ticarət tərəfdaşı adlandırır. Əlbəttə, xanım Merkelin Azərbaycana səfəri iqtisadi məsələləri ön plana çəkib. Almaniya üçün əsas prioritet iqtisadi məsələlərdir.

- Parlamentdə müxalifət təmsil olunur. Burda təxminən 15-ə qədər müxalifətdən olan deputatlar var. Onlar demək olar ki, bütün məsələlərdə iqtidar siyasətinə alternativlik göstərirlər. Bu baxımdan parlament həqiqətən siyasi döyüş meydanıdır. Hər iclasda biz bunu görə bilərik. Eyni zamanda hər bir ölkədə olduğu kimi, Azərbaycanda da parlamentdən kənar müxalifət olacaq. Qanun çərçivəsində fəaliyyət göstərəni də var və yaxud da qanunları tanımayan radikal çıxış edənlər də var. Bunların fəaliyyəti qarşılarına qoyduqları məqsədə və özlərinin sosial bazasına görədir.

- Paşinyan hələ daxili və xarici siyasət məsələlərində nə qədər qəribə görünsə də, özünün prioritetlərini  ortaya qoya bilməyib. Onun müəyyən qədər qərb meyillərini göstərməsi, hələ onun Avropa yönümlü siyasət aparması demək deyil. Paşinyan, əvvəlki sələfləri kimi, iki stolda oturmağa üstünlük verib. Bir tərəfdən qərbə meylliliyini gösətərir, digər tərəfdən isə Rusiyadan ucuz qaz, təmənnasız silah, dövlət sərhədlərinin qorunmasını və Ermənistanın qeyri-şərtsiz müdafiə olunmasını istəyir. Nə dərəcədə bu davam edəcək, bunu demək çətindir. Hələ ki o, öz siyasi rəqiblərini sıradan çıxarmaqla məşğuldur. Təcrübəsizliyinə görə, Paşinyanın qısa zamanda hakimiyyətdən gedəcəyini fikirləşmək də düzgün deyil. Paşinyan Dağlıq Qarabağ məsələsində hələ konkret bir mövqe ortaya qoymayıb.

- Bu, tək regionun deyil, dünyanın çox  ağrılı bir probleminin həlli deməkdir. Bu tip problemlər dünyada kifayət qədərdir və  ən maraqlısı budur ki, bu problemlər bir sıra hallarda qanlı hərbi qarşıdurmaya gətirib çıxarır. Problemin mövcud olduğu 27 il ərzində, SSRİ-i dağıldıqdan sonra tərəflər birincisi mehriban qonşuluq münasibətini qoruyub saxladılar. Artıq nəticə var. Ümumən tərəfləri qane edən bir qərar qəbul edilib. Hər bir tərəf özünün daxili sularında balıq tutulması üçün zonaya malikdir. Mən hesab edirəm ki, bu məsələ tamamailə özünün həllini tapıb. Bundan sonraki məsələlər barəsində isə  beş tərəfli yox, iki tərəfli qərar veriləcəkdir.