Moderator.az saytı gənc və istedadlı Gəncə Dövlət Universitetinin tələbəsi Göyüş Şəfizadə ilə müsahibəni təqdim edir:

-Salam! Mən - Şəfizadə Göyüş Nofəl oğlu 21.08.1996-cı ildə Bakı şəhərində anadan olmuşam. 2014-cü ildə Kəlbəcər rayon B.Cəfərov adına 1 saylı tam orta məktəbi bitirmişəm. Elə həmin ildə Gəncə Dövlət Universitetinin Tarix-Coğrafiya fakültəsinin Sosial İş ixtisasına qəbul olmuşam. Hal-hazırda III kursu bitirib, IV kursa keçirəm və Yeni Azərbaycan Partiyası Gəncə Şəhər Təşkilatı Gənclər Birliyinin Təşkilatı İşlər Departamentinin sədri vəzifəsində çalışıram. Tempus CURDEUS proqramı çərçivəsində 14.03.2016-cı il tarixindən 01.04.2016-cı il tarixinədək Portuqaliya Respublikasının paytaxtı - Lissabonda yerləşən Lusofona Universitetində qısa müddətli təhsil almışam.

-Tempus CURDEUS (“Curriculum Development and Capacity Building in the field of EU Studies”) - “Avropa Birliyi araşdırmaları üzrə kirrikulumların işlənib hazırlanması və qabiliyyətlərin inkişaf etdirilməsi” adlı Beynəlxalq bir layihədir. Beynəlxalq layihə haqqında universitetimizin rəsmi saytından xəbər tutdum və Beynəlxalq Əlaqələr şöbəsinə müraciət etdim. Qəbul olmaq üçün birinci mərhələsi test (inigilis dilində) və ikinci mərhələsi müsahibə (ingilis dilində) olan iki mərhələdən keçmək lazım idi.  

-Hər iki mərhələdən keçəndən sonra nəticələr açıqlandı. Seçimim isə göstərdiyim nəticəyə uyğun olaraq dəyişirdi. Və göstərdiyim nəticəyə uyğun olaraq Portuqaliya Respublikasının Lissabon şəhərində yerləşən Lusofona Universitetinə qəbul oldum. 

-İngilis dilində.

-Universitetə yaxın bir ərazidə yerləşən tələbə yataqxanasında qalır və qidalanırdım. Bütün xərcləri isə Avropa İttifaqı tərəfindən ayrılmış təqaüd ilə qarşılayırdım. 

-Sualınıza Azərbaycan tarixi üçün çox əhəmiyyətli “Lissabon sammit”i haqqında olan bilgimlə başlayıram. 1996-cı il dekabrın 2-4-də Portuqaliyanın paytaxtı Lissabon şəhərində ATƏT-in növbəti zirvə toplantısı keçirilmişdir. Azərbaycan Respublikasının Prezidenti Heydər Əliyev çevik və dəqiq diplomatik addımları ilə Azərbaycanın Dünya Birliyi tərəfindən müdafiə olunmasına nail olmuşdur. Ölkəmiz daima inkişafdadır. Daha sonra bildiyimiz kimi, “2012 Avroviziya Mahnı Müsabiqəsi”nin Azərbaycanın paytaxtı Bakı şəhərində təşkil olunması, “2015 Avropa Oyunları”nın paytaxtımızda keçirilməsi və.s bu kimi beynəlxalq layihələrə ölkəmizin ev sahibliyi etməsi artıq Azərbaycanın dünya miqyasında yetərincə tanınması üçün zəmin yaradırdı.  

“Sarı Gəlin” - Azərbaycan xalq mahısıdır. Türklüyümüzə, türkcəmizə, vətənimizə, ulularımıza sahib çıxmaq istəyənlər Azərbaycanın minilliklərə dayanan möhtəşəm tarixini və zəngin kültürünü özəlləşdirə və saxtalaşdıra bilməz.! 

16.03.2016-cı il tarixində Lusofona Universitetində ölkəmizin təqdimatı zamanı müəllim və tələbə heyətindən ibarət auditoriyada “Sarı Gəlin” mahnısını ifa etdik. Hətta bu mahnının tarixi barəsində ətraflı məlumat verməyimiz bu mahnının bir daha türk səsi olduğunu sübut etdi.

-Bildiyimiz kimi, 31 Mart “Dünya Azərbaycanlılarının soyqırım günüdür”. Hər il ölkəmizdə və ölkəmizin hüdudlarında müxtəlif təbliğat, təşviqat xarakterli tədbirlər həyata keçirilir. Mən də bir azərbaycanlı olaraq soyqırım haqqında olan acı həqiqətləri və vacib faktları geniş auditoriya kütləsinə çatdırdım. Bu məlumatları auditoriyaya çatdırarkən digər əcnəbilərin əvvəlcə müharibə şəraitində olmasını təsdiq edən replikaları: “Onsuzda müharibə şəraitidir. Müharibə şəraitində insanların qırılması normaldır” məni daha da geniş formada çıxış etməyə sövq etdi. Sonda isə onları soyqırım ilə bağlı erməni vəhşiliklərinin yer aldığı video və fotolardan ibarət hazırladığım videoçarx ilə tanış etdikdən sonra auditoriyada belə bir sual yarandı: “Bu vəhşiliklər insanlığa sığarmı?!”

-Ölkənin gələcək inkişafı biz gənclərdən asılıdır. Savadlı və ictimai fəal gənclik gələcəkdə Azərbaycanı daha böyük uğurlara aparacaq. Buna görə hər birimiz üzərimizə düşən məsuliyyəti anlamalı, Azərbaycanın inkişafına çalışmalıyıq, bunun üçün də daima oxumalı, yorulmadan işləməli və öhdəliklərimizi layiqincə yerinə yetirməliyik.