““Amnesty International” beynəlxalq insan haqları təşkilatı Azərbayacana təzyiq göstərmək üçün bir neçə məsələləri fakt kimi əlində tutub”.

Bu sözləri Müasir Müsavat Partiyasının sədri Hafiz Hacıyev “Amnesty International” beynəlxalq insan haqları təşkilatının fevralın 22-də Azərbaycanla bağlı açıqladığı məsələləri şərh edərkən deyib.

Xəbər verdiyimiz kimi bu gün “Amnesty International” beynəlxalq insan haqları təşkilatı hesabat yaydı. Hesabatın Azərbaycan haqda bölməsində xoş söz yoxdur. Bildirilib ki, Azərbaycanda müxalifətçi fəalların, insan haqları təşkilatlarının və müstəqil mətbuatın repressiyaya məruz qaldığı, beynəlxalq qurumların müşahidəçilərinin isə ölkəyə buraxılmır və s. İndiyədək beynəlxalq insan haqları qurumlarının tənqidlərini hakimiyyət təmsilçiləri rədd edib, ölkədə təməl hüquq və azadlıqların tam təmin olunduğunu bildirib. Bəs “Amnesty International”  beynəlxalq insan haqları təşkilatının bu hesabatın necə dəyərləndirmək olar və beynəlxalq insan haqları qurumları Azərbaycandan niyə narahatdır?

Partiya sədri qeyd edib ki, əgər biz beynəlxalq təşkilatlarla əlaqə qurub onlarla bir yerdə işləmək istəyiriksə və bu sahədə müəyyən öhdəliklər götürmüşüksə, o öhdəliklərə əməl etməliyik:

“Mən də “Amnesty International” beynəlxalq insan haqları təşkilatının Azərbaycanla bağlı açıqlaması ilə tanışam. Biz gərək bundan sonra Azərbaycanın daxili məsələlərində həssaslığa yol verək. Yəni biz dünyada gedən proseslərə uyğun işimizi qurmalıyıq. Düşünürəm ki, «Amnesty International» beynəlxalq insan haqları təşkilatı Azərbayacana təzyiq göstərmək üçün bir neçə məsələləri fakt kimi tutub. Amma gərək biz də ayıq olaq. Avropada, ABŞ-da ümumiyyətlə dünyada insan haqlarına qarşı həssas fikir formalaşıb. Onlar istəyirlər ki, bu sahədə nəyəsdə nail olsunlar və biz bu addımı alqışlayırıq. Əlbəttə insan haqları istər beynəlxalq təşkilatlar tərəfindən, istərsə də hər bir ölkənin daxilində qorunmalıdır. 

Amma onu da qeyd edim ki, “Amnesty International” beynəlxalq insan haqları təşkilatı bir az məsələləri şişirdir. Yəni bu açıqlamada Azərbayacana qarşı qərəzli münasibət var. Bu qərəzli münasibətlə də mən razı deyiləm. Amma açıqlamanın bəzi hissəsi ilə razıyam və onların tövsiyələrinə qulaq asmaq lazımdır. Beynəlxalq təşkilatların bütün fikirlərin qulaq ardına vermək olmaz. Əgər biz beynəlxalq təşkilatlarla əlaqə qurub onlarla bir yerdə işləmək istəyiriksə və bu sahədə müəyyən öhdəliklər götürmüşüksə, o öhdəliklərə əməl etməliyik. Sadəcə daxilimizdə müəyyən qüvvələr var ki, hər an çalışırlar bu sahədə müəyyən nöqsanlar yaratsınlar və bu nöqsanları da beynəlxalq təşkilatların əlinə fürsət kimi versinlər. 

Hər dövlətə xəyanət edəni də biz başlı-başına buraxa bilmərik. Daxildə olan məmur təbəqəsi qanunlara riayət etsələr biz görərik ki, Azərbaycanda insan haqlarının qorunması sahəsində də müəyyən irəliləyişlər əldə olunub. Amma çox təəssüf ki, bu belə deyil və bu məqam da bizim üçün utanvericidir. Ölkə prezidenti bu sahəyə çox diqqət və qayğı ilə yanaşır. Azərbaycanda sərbəst toplaşmaq hüququ var, amma bəzi məmurlar bu hüquqdan başqa cür istifadə edirlər. Bir daha qeyd etmək istəyirəm ki, mən “Amnesty International” beynəlxalq insan haqları təşkilatının bəzi fikirləri ilə razı deyiləm. Amma bu təşkilatın tam əksinə də gedə bilmərəm ki, onlar hər şeyi yalan deyir. Hər halda çalışmaq lazımdır ki, göstərilən nöqsanları aradan qaldırmaqdan ötrü müəyyən məsələlərdə biz də öz daxili siyasətimizdə güzəştə gedək.

Azərbaycana qarşı bu qərəzli fikirləri formalaşdıran məmur təbəqlərimiz həmişə xaricdə də Azərbaycana qarşı utanverici fikirlərin deyilməsinə imkan yaradırlar. Düşünürəm ki, bundan sonra bu məsələlərə də son qoyulacaqdır. Qocalar evinin nəslinə aid olan hakimiyyət daxili qruplar bu məsələdə həmişə prezidenti fakt qarşısında qoyublar. Prezident də Avropa, Qərbə gedəndə istər mediya nümayəndələrinin, istərsə də rəsmi qurumların nümayəndələrinin sualları ancaq insan haqlarının pozulmasında olur. İnsan haqların qorunması məsələsi ölkəmizdə nəzarətdə saxlanılmalıdır. Əgər belə olsa, bu ölkəmizin irəliyə doğru inkişafında mühüm bir tövhə olardı. Mən istərdim ki, bizim hörmətli hüquq mühafizə orqanları müəyyən dairələrdə işgüzar fikir formalaşdırmaqdan ötür küçədə gedənləri döyüb həbs etməsinlər və söz deyənin dilin kəsmək arzusunda olmasınlar. Biz partiyalar da istəyirik ki, ölkəmizdə vətəndaş həmrəyliyi, mediyaya basqı olmasın və ölkəmiz haqqında demokratik fikir formalaşsın. Amma nə etmək olar ki, Azərbaycanda məmur təbəqəsinin özləri və övladları rüşvətə, cinayətə qoşulub. Bunu da deyən kimi ya mediyanın dilin kəsirlər, ya da o fikiri işlədən insanın. Bütün bunlara görə biz insan haqları məsələsində də ortaya ciddi mövqe qoymalıyıq.

Beynəlxalq təşkilatlar da Azərbaycana təzyiq etməklə nəyəsə nail olmaq istəyirlər. Buna görə biz çalışmalıyıq ki, daxildə olan proseslərdə əks tərəfə pas verməyək. Bir vaxtlar mən deyirdim ki, Xədicə İsmayılovun tutlmasında əsas yoxdur. Bunu əsas tutular və dünyanı qaldırdılar Azərbaycanın üstünə. Yaxud da İntiqam Əliyevin ölkədən çıxması məsələsinə icazə verilmir. Sonradan icazə verildi getdi nə etdi ki? İndi də bir necə insanlar var ki, onların azad olunmasını Avropa Məhkəməsi və başqa beynəlxalq qurumlar məsələ kimi qaldırıb. Mən deyirəm ki, fakt kimi qarşımıza qoyulan bu insanlar azad olunsun. Məsələn İlqar Məmmədovun azad olunması Azərbaycanda faciyəyə səbəb ola bilməz. Keçmiş səhiyyə naziri ətarfında da müəyyən qıcıq verici fikirlər səsləndirilir. Mən bunlara ehtiyac duymuram. Azad olunanlar həbsdən çıxıb nə etdilər ki, indi həbsdə olanlar da çıxıb nə edələr. Buna görə də ölkənin imicinə zərbə vurmağa dəyməz. 

Mən həmisə bu cür mövqedə olmuşam və istəmişəm ki, Azərbaycanda milli həmrəylik olsun. Milli həmrəylik olmayan yerdə gec-tez siyasi fırtınaları baş verəcək. Bildiyimiz kimi Azərbaycanı daxildə də istəməyən qüvvələr çoxdur. Biz çalışmalıyıq ki, o insanlar istəyinə nail ola bilməsin. Hökumət də öz geosiyasi mövqeyin qorumaqdan ötür hansısa yollara əl atacaq. Amma biz bir xalq olaraq bu məsələlərdə birləşməliyik. Mən istərdim ki, “Amnesty International” beynəlxalq insan haqları təşkilatının açıqlamasında adları keçən insanlar yaxın günlərdə prezidentimiz tərəfindən əfv olunsun. Prezidentimiz ona qarşı gedən insanları belə bağışlamağı bacarır. Mən inanıram ki, prezident bu sahədə də öz fikirin ortaya qoyacaq”.