Moderator.az-ın məxfi konspiroloq-ekspertinin  bu günlərdə dərc etdiyimiz “Azərbaycanı xaosdan Rotşildlər qoruyur...”(moderator.az/news/162980.html )başlıqlı müsahibəsində irili-xlrdalı bəzi ölkə prezidentlərinin əslində prezident yox, dünyanı yönləndirməyə çalışan qlobal güclərin konkret ərazilər üzrə rezidenti olduğu iddia edilmişdi.  

Bu istiqamətdə araşdırmalarımız göstərdi ki, doğrudan da son onilliklərdə bir sıra dövlət başçılarının seçilərkən xalqa, dünyaya verdikləri vədlərlə, eləcə də sonrakı çıxışlarıyla əməlləri uzlaşmır. Biri bəyan edir ki, dünyada sülh və əmin-amanlıq yaradılmasına dəstək olacaq, münaqişələrin həllinə çalışacaq, terrorçuluqla mübarizə aparacaq,  planetdə yoxsulluğun, aclığın qarşısını alacaq. O birisi deyir ki, ölkədə korrupsiyaya qarşı mübarizə aparacam, xalqın yaşayış səviyyəsini yüksəldəcəyəm, yeni iş yerləri açacağam. Amma  belə prezidentlərin fəaliyyətləri müddətində söylədikləri istiqamətdə yalnız kosmetik, manipulyativ addımlar atdığının, dünyada heç bir münaqişənin həll olunmadığını, əksinə, yenilərinin yarandığının, terrorçuların, az qala, hər bir dövlətə  meydan oxuduğunun, insanların müharibə və münaqişələr girdabında qarışqa kimi qırıldığının, milyonlarla adamın qaçqın düşməsinin, ac-susuz qaldığının və s. şahidi oluruq. Bu biri vəd vermək həvəskarının isə ölkəsinin daxilində bütün sahələrdə korrupsiya daha da güclənir, əyalət başçıları sakinlərə divan tutur, yeni açılmış  50-60 nəfərlik iş yerləri, uzağı, bir ildən sonra bağlanır, xalq kredit və sələm içində boğulur, kəndlər boşalır, bəziləri tamamilə yox olur,  intihar, qətl, oğurluq və s. kütləviləşir. Belə olan halda həmin dövlət başçılarının demoktariyanın inkişafına, münaqişələrin  həllinə, sülhün bərqərar olmasına,  korrupsiyanın kökünün kəsilməsinə, xalqın rifah halının yüksəlməsinə  xidmət etməsinə necə inanasan? Bu suallar artıq sadə insanları da  çox düşündürür.  Bu baxımdan iri dövlət başçılarının fəaliyyətinin konspiroloji araşdırmasının məqsədəuyğun olduğunu hesab etdik. İlk olaraq daxili, iqtisadi problemləri daha çox olan Rusiyadan başlamağa qərar verdik...

(Yazının əvvəlini bu linkdən oxuya bilərsiz:

//www.moderator.az/news/163496.html))

Bütün məşhur və nüfuzlu liderlər kimi Rusiya prezidenti Vladimir Putinin də hakimiyyətə necə gəlməsi çoxları üçün maraqlıdır.  Rusiyada İvan Qroznı dövründən bəri  “dərin dövlət”  deyilən gizli qurumların olduğuna inanan bəzi tədqiqatçılar Putinin  də  məhz  həmin qurumların xətti ilə Rusiyanı yenidən güclü imperiya kimi dirçəltmək məqsədilə Kremlə gətirildiyini iddia edirlər. Buna isə Rusiya prezidentinin babası Spiridon İvanoviç Putinin çar II Nikolay ailəsinin ən yaxın dostu və məsləhətçisi olmuş, Rusiya imperiyasının taleyində böyük rol oynadığı rəvayət edilən məşhur görücü Qriqori Rasputinin qayğısı ilə böyüməsini əsas gətirirlər. Guya ilahi qüvvələrin diktəsi ilə fəaliyyət göstərən Rasputin davamçılarına Putinlər nəslini irəli çəkməyi tapşırıbmış. Bu versiyaya və reinkarnasiya(ruhun guya ölən insandan başqasına keçməsi) tərəfdarları əsasən Putin  Rusiya ruhunu dirçəldib irəli aparmaq məqsədli ilahi missiyanın icraçısıdır... 

Bəzi konspiroloqlar isə Putinin Rusiya lideri kimi yetişdirilməsinin də, hakimiyyətdə uzun müddət qala bilməsinin bir səbəbini də guya onun öncə xatırlatdığımız aşpaz babası Spiridon İvanoviçin dünyanı yönləndirən oliqarx yəhudilərin (məsələn, Rokfellerlərin) göstərişi ilə Lenini də, Stalini də zəhərləməsində axtarırlar. Faktlar göstərir ki,  doğrudan da Spiridon Putin Leninin də, Stalinin də aşpazı olub. Bu başqa söhbətin mövzusudur...  

Putinin hələ sovet dönəmində “KQB”nin Almaniyanın Drezden şəhərindəki nümayəndəsi kimi çalışdığı vaxt Qərbi Almaniya kəşfiyyatı ilə işləmək haqqında müqavilə imzalaması barədə sənədlər var. Sonra isə o, hələ 1993-cü ildən məşhur Malta ordeninin üzvü olan Rusiyanın ilk prezidenti Boris Yeltsinin patronajlığı altında ABŞ MKİ(CİA) və belə qurumlarla sıx bağlı olan digər mason lojalarının təsiri altına düşüb. Və həmin xətlə Leninqrad meri Anatoli Sobçakın yanına köməkçi gəlib,  sonra isə pillə-pillə FTX sədri, daha sonra baş nazir və sonda eks-prezident Yeltsinin “tövsiyəsi” ilə Rusiya prezidenti “seçilmişdir”. Bir sıra mənbələrə görə, Rokfellerin Üçtərəfli Komissiyasının, yaxud “Komitet-300” adlanan dünya oliqarxlarının digər mason təşkilatının qərarı ilə Putin Yeltsinin ölümündən sonra yəhudi mənşəli Abramoviç, Deripaska və Çubaysın himayəsinə verilmişdir. Putinin “patron”larından Abramoviç və Deripaska neçə illərdir “Forbes” jurnalının milyarderlər siyahısında rus oliqarxları arasında ön yerləri tuturlar... 

30 ildən çox keçmiş SSRİ dönəmindən məşhur olan sovet ordusunda (sonradan Rusiya ordusunda) Baş Kəşfiyyat İdarəsinin (“QRU”) əməkdaşı, general İqor İvanoviç Parinovov Putinin Drezdendə imzaladığı sənədin əslini görməsə də, fotokopiyasını gördüyünü təsdiqləyir. Lakin iddia edir ki, Putin Almaniyanın deyil, ABŞ Mərkəzi Kəşfiyyat İdarəsinin agenti, hətta həmin qurumun ən böyük proyektidir. Doğrudur, kəşfiyyat generalı bunu isbat edən əsaslı sənədlər ortalığa qoymasa da, təcrübəli xüsusi xidmət əməkdaşı kimi neçə illər boyu hazırkı Rusiya prezidentinin çıxış, manera, hərəkət və əməllərini izləyərək bu qənaətə gəlir: “Putinin hansı xarici kəşfiyyat tərəfindən ələ alınması vacib deyil, əsas odur ki, bu adam ABŞ-a və bütün Qərbə işləyir. Onun “Rusiyada Qərb təsirini zəiflətmək” və “Rusiyanın dağılmasının qarşısını almaq uğrunda qəti mübarizəsinə” gəlincə, bu hamısı əsl əməlləri ört-basdır etmək üçün görüntüdür. Onun “anti-Amerikanizmi” də eyni məqsədə xidmət edir. Məqsəd isə Rusiyanı ABŞ-dan tam asılı olan bir ölkəyə, onun bir əyalətinə çevirməkdir. 

Həmişə oğru doğrudan bərk bağırır. Rusiya iqtisadiyyatı çöküb, sənaye yoxdur. Kreml isə “xarici düşməni” göstərir. Deməli, ölkə daxilində heç nəyi düzəltmək lazım deyil. Putinin hər şeyi Amerikanın üstə yıxmaq əmrindən sonra ölkə taleyin ümidinə buraxılıb. Fırıldaqçılar, korrupsionerlər, kələklə hakimiyyət başına gələnlər uzaqlaşdırılmayacaq. Ağıllı başlar irəli getməyəcək, lazımsız qanunların qəbulu, milli layihələr, islahatlar, elm və təhsilin çökdürülməsi və bütün bu ləkəli sistem inkişaf etməkdə davam edəcək. 

Siz müxalifətə nifrət edə bilərsiniz. Ancaq müxalifət- ölkənin inkişafının dayağıdır. Müxalifətə təzyiq göstərmək siyasəti yalnız bir məqsədə - ölkəni inkişafdan saxlamağa xidmət edir. Birbaşa demək lazımdır: “Putin düşmən kəşfiyyatının rezidentidir!” Elə bilirsiz ki, Putin anlamır ki, onun müxalifət arasında “Qərbin təsir agentlərini” axtarmaq siyasəti ölkədə oğurluğun, korrupsiyanın inkişafına xidmət edir, çünki ona qarşı çıxış edənlər yoxdur? İnsan haqqında onların sözlərinə görə yox, əməllərinə görə qərar vermək gərəkdir... Putinin vətənpərvər çıxışları? Belə çıxışlar kifayət qədərdir... 

Bəs neçə yüz milyardlarla rubl niyə ABŞ banklarında saxlanılır? Bu, ölkənin “stabil ehtiyat fondudur”? Sual olunur: niyə həmin fond Almaniyada, yaxud Çində deyil, məhz Amerikada ”“ Putinin həmişə Rusiyanın bütün bədbəxtliklərində günahkar saydığı bir ölkədə saxlanılır? Putin deyir ki, amerikanlara Rusiyada öz şirkətlərini inkişaf etdirməyə imkan vermək olmaz. Ancaq bu gün ABŞ-da Rusiya şirkətləri artıq ölkə bazarının xeyli hissəsini tutublar. Nyu-York ştatında yanacaq-doldurma məntəqələrinin yarısı “LUKoyl” şirkətinə məxsusdur. Qoy ruslar öz pullarını Amerikaya qoyub oranı inkişaf etdirsinlər, əksinə olmasın... Amerikanlar Rusiya şirkətlərini həvəslə öz ölkələrinə dəvət edirlər, ruslar da öz milyardlarını ABŞ iqtisadiyyatına qoyurlar. Bu ABŞ-a sərfəlidir... 

Putin ölkəni Amerika köləsi olmaqdan xilas edibmi? Amerikanlara bir şey lazımdır ”“ ucuz xammal alacaqlar və öz mallarını sırıyacaqları Rusiya bazarı! Amerikanlar öz məqsədlərinə çatıblar. Tarixdə ilk dəfə olaraq! Putinin hesabına! Bu gün Rusiya Amerikadan hər şey alır və Amerika mallarının hesabına yaşayır. Öz mobil telefonlarınıza, Almaniyadan alınan avtomobillərinizə (həmin avtozavodların yeni texnologiyaları və nəzarət paketləri ABŞ-a məxsusdur), televizorların markasına, aviaparka, kinoteatrların afişalarına, kompüterlərə, printerlərə, dəzgahlara, şirəçəkənlərə və s. baxın. Hamısı ya birbaşa ABŞ istehsalıdır, ya da bu ölkənin Qərbi Avropaya, yaxud Asiyaya satdığı texnologiyalar əsasında hazırlanıb».

“QRU” generalı öz müsahibəsini bu sözlərlə bitirir: “Mən qocayam və tezliklə pensiyaya çıxacam. Ancaq mən Rusiyanın düşməni olan Amerika agenti Putindən fərqli olaraq həmişə Rusiyanın maraqları uğrunda vuruşmuşam. Və bu mübarizəni dayandırmaq fikrim yoxdur. Və inanıram ki, gün gələcək Rusiya orqanları bu xəyanətkarı üzə çıxaracaq və onun taleyini hərbi tribunal həll edəcəkdir”...

Bu və digər suallara cavab tapmaq istəyirsinizsə, Moderator.az-ı izləyin!