Bütün dünyada tanınmış Osmanlı padşahı Qanuni Sultan Süleymanı yatağa salaraq 71 yaşında ölümünə səbəb olan "Podaqra" xəstəliyi olub. Sultan Süleymana ağrılarla əzab verən bu xəstəlik günümüzdə də hər yüz nəfərdən beşində rast gəlinir. Asid turşusunun qanda kristallaşması nəticəsində əmələ gələn "Kralların xəstəliyi" podaqra ənənəvi tibbin olduğu kimi, müasir tibbin də bəlasıdır. Mütəxəssislər bildirir ki, o zaman bu xəstəliyin daşıyıcısı olan Sultan Süleyman həkimlərinin verdiyi pəhrizə əməl etmədiyi üçün xəstəlikdən müalicə oluna bilməyib. Pəhriz gözləmədiyinə, sevimli yeməyi olan quzu ətiylə plovdan imtina edə bilmədiyinə, həmçinin də çox hərəkət etmədiyinə görə xəstəliyi şiddətlənib. O zaman bu xəstəliyin müalicəsi üçün dərmanlar olub, ancaq həkimlər Sultan Süleymana söz keçirə bilməyiblər. Bu üzdən də Sultan Süleyman bu xəstəlikdən müalicə oluna bilməyib. 

Moderator.az  yenilməz Osmanlı sultanlarını taxtdan endirən xəstəliklər haqqında  da məlumatları təqdim edir.

Osmanlı İmperatorluğunun qurucusu olan Osman Qazi 1326-ci ildə ürək çatışmazlığından ölüb.

2-ci Osmanlı padşahı Orxan Qazi 1362-ci ildə, 82 yaşında iflicdən ölüb. 

6-cı Osmanlı padşahı II Murad şiddətli baş ağrısı səbəbiylə yatağa düşüb və üç gün sonra, 1451-ci il fevralın 3-də vəfat edib. Ölüm səbəbi beyinə qan sızma və ya beyindəki şiş olub. 

9-cu Osmanlı padşahı Yavuz Sultan Səlim 1520-ci ilin 21 sentyabr gecəsində xərçəngdən vəfat edib.

10-cu Osmanlı padşahı Qanuni Sultan Süleyman 1566-cı ildə Zigetvar mühasirəsinin son günü, 6-7 sentyabr gecəsi beyin qansızmasından vəfat edib.

12-ci Osmanlı padşahı III Murad 17 yanvar 1595-ci ildə prostat xərçəngindən ölüb.

Osmanlı padşahı III Mehmed bir gün saraya qayıdarkən yolda qarşılaşdığı birisi ona "56 gün sonra gələcək qəzadan xilas ol. Qafil olma padşahım" deyir. Bu hadisə III Mehmedə dərindən təsir edib. Padşah bundan sonra yeməkdən kəsilib və 1603-cü il 22 dekabrda ürək tutmasından ölüb.

15-ci Osmanlı padşahı olan və Osmanlı tarixində "Dəli" padşah kimi tanınan Sultan Mustafa 1623-cü ildə taxtdan endirilib. 20 Yanvar 1639-cu ildə növbə zamanı ölüb.

17-ci Osmanlı padşahı IV Muradın ölüm səbəbiylə bağlı iki ayrı iddia var. Qərb mənbələri qaraciyər serrozu, Osmanlı mənbələri isə damla xəstəliyindən öldüyünü iddia edir. O, 8 Fevral 1640-cı ildə ölüb.

19-cu Osmanlı sultanı IV Mehmed 1687-ci ildə taxtdan endirildikdən sonra dörd il həbs həyatı yaşayıb. Yoluxduğu pnevmoniya xəstəliyinin şiddətlənməsindən 6 yanvar 1693-cü ildə vəfat edib.

20-ci Osmanlı padşahı II Süleyman 40 il sarayda həbs həyatı yaşadıqdan sonra 1691-ci ildə taxta çıxıb. Vyanadakı əzablı illərində çətin keçən dörd illik bir padşahlıqdan sonra 6 Fevral 1695-ci ildə böyrək çatışmazlığından ölüb.

22-ci Osmanlı padşahı II Mustafa 1703-cü ildə bir üsyan nəticəsində taxtdan endirilib. Bu hadisənin kədərinindən xilas ola bilməyib və 29 dekabr 1703-cü ildə prostat xərçəngindən ölüb.

23-cü Osmanlı padşahı, əyləncələriylə məşhur Lalə Dövrünün padşahı olan Üçüncü Əhməd 1730-cu ildə Müdirə Xəlil üsyanı nəticəsində taxtdan endirilib. İllərlə Topqapı Sarayında həbs həyatı yaşadıqdan sonra şəkər xəstəliyindən ölüb.

27-ci Osmanlı padşahı I Əbdülhəmid 1787-1791-ci illərdəki Osmanlı-Rus Müharibəsi zamanı Anapa Qalasının rusların əlinə keçdiyi xəbərini eşidəndə beyninə qan sızıb. Bir müddət sonra 7 apredə 1789-cu ildə ölüb.

30-cu Osmanlı padşahı II Mahmud yoluxduğu vərəm xəstəliyindən qurtula bilməyərək, 1 İyul 1839-cu ildə dincəlmək üçün getdiyi bacısı Əsma Sultanın Çamlıcadakı köşkündə,  54 yaşında vəfat edib.

31-ci Osmanlı padşahı, Tanzimat dövrünü başladan Əbdülməcid sultan 25 İyun 1861-ci ildə atası II Mahmud kimi vərəmdən ölüb.

33-cü Osmanlı padşahı V Murad taxtda ən qısa müddət qalan Osmanlı padşahıdır. Xroniki şəkər xəstəsi olan sultan bu xəstəliyin bədənində meydana gətirdiyi fəsadlar nəticəsində 29 avqust 1904-cü ildə ölüb.

34-cü Osmanlı padşahı, "Qızıl Sultan mı, Ulu Xaqan mı" deyə Osmanlı tarixinin ən çox müzakirə edilən padşahı olan II Əbdülhəmid 10 fevral 1918-ci ildə Bəylərbəyi Sarayında 76 yaşında tutduğu pnevmoniyanın şiddətlənməsindən ölüb.

35-ci Osmanlı padşahı V Mehmed Rəşad da xroniki şəkər xəstəsi olub və şəkərin orqanizmdə törətdiyi fəsadlar nəticəsində 3 iyul 1918-ci ildə vəfat edib.

36-cı və son Osmanlı padşahı VI Mehmed Vahideddin  16 May 1926-cı ildə San-Remoda ürək tutmasından ölüb.