Milli Mədəniyyətin Təbliği İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2016-cı il maliyyə yardımının alınması barədə elan etdiyi müsabiqədə “Yeniyetmələrin təlim tərbiyəsində milli dəyərlərə söykənən davranış və geyim mədəniyyətinin yüksəldilməsi istiqamətində təbliğat və təşviqatın aparılması” layihəsi ilə iştirak etmiş və müsabiqənin qaliblərindən olub.

Layihənin həyata keçirilməsində əsas məqsəd, müasir gənclərimizdə, milli dəyərlərə sökənən gözəl geyinmək zövqünü formalaşdırmaqdır. Necə deyərlər “dəblə geyin, gözəl yaraşanı geyin” şüarı altında təbliğat və təşviqat aparmaqdır. Geyim hər bir insanın, hər bir millətin özünü ifadə formasıdır. Müasir dövrümüzdə geyim mədəniyyəti milli və dini əsaslara söykənən formasını ititimişdir. Qadınların geyimi demək olar ki, dəb anlayışı yoxdur, qabarıq zövqsüzlük fikiri aşılayır. Kişi geyimlərində isə daha çox monotonluq özünü göstərir. Geyim həm də bir kimlik göstərisidir. Müasir gənclərimizin çoxu moda qurbanına çevrilib. Kim nə istədi, özünə uyğun olsa da, olmasa da geyinir. Qısa şalvarlar, qısa topiklər, dizdən çox yuxarı mini ətəklər, beli və çiyni çox açıq köynəklər, yad ölkələrin geyimini mənimsəyib dəb adı ilə geyinirlər və bayağı bizə yad bir görkəm alırlar.

Geyim mədəniyyətində də əsas faktorlar kimi adət-ənənə, ümumi mühit, dini düşüncə və inanclar, ümumi dünyagörüşü və zəka səviyyəsi, iqtisadi durum və coğrafi şərtlər əsas rol oynayır ki, bu amillərin hər biri istənilən toplumun, o cümlədən də bizim cəmiyyətin geyim mədəniyyətini formalaşdırır. Geyimlər insanın daxili aləminin xarici təzahürüdür. İnsanların geyimlərinə baxaraq, onların xarakteri, xasiyyəti, daxili aləmi haqqında ilkin qənaətə gəlmək mümkündür. Geyimlər insanlar haqqında müəyyən fikirləri formalaşdırır.

İnsanların geyim tərzinin formalaşmasında mühit amili, adət-ənənə amili ilə birbaşa təsirə girmiş olur və mühit amili üstünlük əldə edir. Yəni, bütövlükdə mədəniyyətin formalaşmasında olduğu kimi, geyim mədəniyyətinin də formalaşmasında bu amillərin hər biri bir-biri ilə sıx bağlıdır.

Azərbaycan xalqı hər zaman milli dəyərlərə sadiqliyini göstərib, bu dəyərləri əsrlərlə yaşadaraq onu inkişaf etdirib. Tarixin hər bir dövründə ölkəmizdə milli dəyərlərimizin qorunması və onun gələcək nəsillərə çatdırılması aktual olub. 

Etiket fransız sözü olub - davranış qaydaları deməkdir. Ona cəmiyyətdə qəbul edilmiş ədəb və nəzakət qaydaları daxildir. Bir- birinə hörmət etmədən, özünə müəyyən qadağalar qoymadan yaşamaq mümkün olmadığı qədər, bu normalara riayət etmədən heç bir siyasi, iqtisadi, mədəni münasibətlər də yaratmaq mümkünsüzdür. Elə bu səbəbdən də müasir gənclərin təlim tərbiyəsində milli dəyərlərə söykənən adət və ənənələrə uyğun, öz milli mənliyinə və dini mənsubiyyətinə əsaslanan davranış və geyim mədəniyyətinin qorunub saxlanması sahəsində təbliğat və təşviqatın aparılması layihə işinində əsas məqsəd kimi qarşıya qoyulmuşdur. Milli Mədəniyyətin Təbliği İctimai Birliyi 3 may 2016-cı il tarixindən layihənin icrasına başlayır.