Sumqayıtda “Yurdumuzun rəngləri” sərgisi açılıb

ABŞ Gürcüstan hakimiyyətinə “xarici agentlər” haqqında qanunla bağlı çağırış etdi...

Çin lideri Avropaya yollanır, Paris və Pekinin düşündükləri nədir?

Stalinin ruhunu çağırmaq üçün kütləvi dini ayin keçiriləcək - Hər kəs dəvətlidir

"Avropada Rusiyanın diversiyalar törətmək təhlükəsi getdikcə güclənir" - "Financial Times"

Vladimir Putinin yeni avtomobili nümayiş olundu - VİDEO

Heydər Əliyev Fondunun təşəbbüsü ilə keçirilən “Bakı Marafonu 2024” start götürüb

"Putinin həbsinə verilən order ilə Zelenskinin "axtarışa verilməsi" arasında fərq nədən ibarətdir?

Türkiyə tərəfindən İsrailin ticarət blokadası nə qədər davam edəcək?

Sumqayıtda “Yurdumuzun rəngləri” sərgisi açılıb - FOTOLAR

Mədəniyyət

Oxunub: 2179

09 Feb 2016 | 14:00

Sumqayıtda “Yurdumuzun rəngləri” sərgisi açılıb
- FOTOLAR

Bu gün Sumqayıt Dövlət Rəsm Qalereyasında Sumqayıt şəhər Mədəniyyət və Turizm İdarəsi, Sumqayıt Dövlət Rəsm Qalereyası, Uluslararası Aktiv Rəssamlar Birliyi və Femin Art Beynəlxalq Qadın Rəssamlar Birliyinin birgə təşkilatçılığı ilə "Yurdumuzu qarış-qarış gəzək” aktiv rəssamlar qrupunun "Yurdumuzun rəngləri” adlı sərgisi keçirilib.

Sumqayıt şəhər Mədəniyyət və Turizm idarəsinin mətbuat xidmətinin məlumatına görə, sərginin keçirilməsində məqsəd etüd zamanı çəkilmiş rəsmlərin satışından gələn gəlirin müəyyən hissəsini xeyriyə işlərinə xərcləmək, uşaq və qocalar evinə yardım etməkdir.

Sərgidə ümumilikdə 97 əsər nümayiş olunub. Onlardan 3 ədəd qrafika, 3 ədəd xəz dəri üzərində işləmə, 5 ədəd batika, 7 ədəd foto və 79 ədəd rəngkarlıq növündə işlənmiş əsərlərdir.

Sərgidə Nəvai Metin, Gülər Fahad, Əbdüləmi Əliyev,Akif Yarişov, Oktay Əliyev, Naqiyə Rzayeva, Pərviz Əsədov, Aynurə Mustafayeva, İradə Qədirova, Akif Amirovun əsərləri nümayiş olunub.

Sərgini giriş sözü ilə açan Sumqayıt Dövlət rəsm Qalereyasının direktoru Ellada Həsənova rəssamları təbrik edib, yaradıcılıq uğurları arzulayıb. Daha sonra Sumqayıt şəhər Mədəniyyət və Turizm İdarəsinin rəisi Mehman Şükürov çıxış edərək belə sərgilərin şəhərimizin mədəni həyatında oynadığı roldan, rəssamlıq sənətinə marağın artmasından danışıb. O, bildirib ki, bundan sonra da belə tədbirlərin keçirilməsi vacib və zəruridir.

Uluslararası Aktiv Rəssamlar Birliyinin sədri Nəvai Metin tədbirə qatılanlara və sumqayıtlılara verdikləri dəstəyə görə təşəkkür edib və bildirib ki, bu tədbir sübut etdi ki, xalqın incəsənətə marağı böyükdür. İstənilən bölgədə biz bu sevgini, hörməti hiss etdik. Sumqayıtda da eyni isti münasibətin şahidi olduq. Buna görə hər birinizə təşəkkür edirik.

Tədbirdə Əməkdar rəssam Asif Azərelli, Əməkdar İncəsənət Xadimi, sənətşünas Ziyadxan Əliyev, xalçaçı rəssam Fazil Abasquluzadə, Dərbənd Xeyriyyə Cəmiyyətinin Vitse Prezidenti Nurulla Əliyev, Qızıl Aypara Cəmiyyətinin Sumqayıt şəhər bölməsinin sədri Mətanət Məhərrəmova çıxış edərək öz ürək sözlərini bildirib, rəssamlara daima dəstək olduqlarını qeyd ediblər.

Sonda Nəvai Metin Sumqayıt şəhər Mədəniyyət və Turizm idarəsinin rəisi Mehman Şükürova verdiyi dəstəyə, göstərdiyi diqqətə görə təşəkkür edib və birlik adından hədiyyə, sərgidə əsərləri nümayiş olunan gənc rəssamlara diplomlar təqdim edilib.