Ötən il mayın 5-də Bakıda Azərbaycan əsilli alman vətəndaşı 22 yaşlı Vüsal Şilder amansızlıqla qətlə yetirilib və qatillər həbs olunsa da cinayətin digər iştirakçısı, istintaqın qətlin sifarişçisi kimi tanıdığı Xəyal Əlizadə 6 ay öncə Dubayda İnterpol tərəfindən həbs olunsa da ekstradisiyasının yubadılması üzündən məsələ hələ də açıq qalıb. Yəni bu işinin istintaqı hələlik bəlli səbəblərdən yubanır və onun tezliklə başa çatdırılacağına da yenə də bəlli səbəblərdən ümid yoxdur...
Qeyd edək ki,bu qətldən bir neçə gün öncə, aprelin 11-də mərhum Vüsal Şilder daha bir tükürpədici cinayətlə üz-üzə qalıb və onun maşınına narkotik ataraq cinayət məsuliyyətinə cəlb etmək istəyən şəbəkənin uğursuz əməlliyyatıyla özlərini ifşa etməsindən sonra bir neçəsi qandallanaraq dəmir barmaqlıqlar arxasına salınıb. İndi oxuculara təqdim etdiyimiz material da məhz həmin cinayətin təfərrüatlarından bəhs edir:
.”Mən, Azərbaycan Respublikası Baş Prokurorluğunun Ağır cinayətlərə dair işlər üzrə istintaq idarəsinin rəis müavini-Kriminalistika şöbəsinin rəisi, istintaq qrupunun rəhbəri, ədliyyə müşaviri Pərviz İbayev 132006058 â„–-li cinayət işi üzrə Məmmədov İlham Zahid oğlunun Azərbaycan Respublikası CM-nin 186.2.2 və 309.2 maddələri, Novruzov Qurban Tahir oğlunun Azərbaycan Respublikası CM-nin 186.2.2 və 32.5, 309.2 maddələri, Sümer Yaşar Yücel oğlunun Azərbaycan Respublikası CM-nin 186.2.2 və 32.5, 309.2 maddələri, Babayev Kənan Tofiq oğlunun Azərbaycan Respublikası CM-nin 186.2.2 və 308.1 maddələri ilə təqsirləndirilmələrinə dair 132006058 â„–-li cinayət işi üzrə kifayət qədər sübutların toplanmasını və ibtidai istintaqın tamamlanmasını nəzərə alaraq, Azərbaycan Respublikası CPM-nin 289-cu maddəsini rəhbər tutub, 31 oktyabr 2013-cü il tarixdə, saat 14:00-da Bakı şəhərində ittiham aktını tərtib etməyə başladım.
12 may 2013-cü il tarixdə Bakı şəhəri, Nərimanov rayonu, Əhməd Rəcəbli küçəsi, ev 3 B â„–-li yaşayış binasının qarşısında Almaniya Federativ Respublikasının vətəndaşı Şilder Vüsal Adolfun qəsdən öldürülməsi və digər faktlar üzrə Azərbaycan Respublikası CM-nin 120.2.1, 120.2.5 və sair maddələri ilə ibtidai istintaqı aparılan 130066013 â„–-li cinayət işindən 11 aprel 2013-cü il tarixdə Şilder Vüsal Adolf tərəfindən idarə olunan avtomaşının qəsdən zədələnməklə xeyli miqdarda ziyan vurulması, vəzifə səlahiyyətlərini aşma və vəzifə səlahiyyətlərindən sui-istifadə etmə faktları üzrə Məmmədov İlham Zahid oğlu, Novruzov Qurban Tahir oğlu, Sümer Yaşar Yücel oğlu, Babayev Kənan Tofiq oğlu və qeyriləri barəsində Azərbaycan Respublikası CM-nin 186.2.2, 32.5, 309.2, 309.2, və 308.1 maddələri ilə 20 oktyabr 2013-cü il tarixdə 132066058 â„–-li cinayət işi ayrıca icraata ayrılmaqla ibtidai istintaqı davam etdirilmişdir.
Azərbaycan Respublikası Baş prokurorunun birinci müavininin 06 may 2013-cü il tarixli qərarı ilə 11 aprel 2013-cü il tarixdə Novruzov Qurban Tahir oğlundan narkotik vasitə aşkar edilməsi faktı üzrə toplanmış materiallar üzrə cinayət işinin başlanılmasının rədd edilməsi haqqında Binəqədi RPİ-nin 7-ci polis bölməsinin baş təhqiqatçısı, polis mayoru Elçin Əliyevin 17 aprel 2013-cü il tarixli qərarı əsassız olduğundan ləğv edilərək, toplanmış materiallar istintaq yolu ilə araşdırılıb təqsirli şəxslərin müəyyən olunmaqla əməllərinə yekun hüquqi qiymət verilməsi üçün 02 may 2013-cü il tarixdə Almaniya Federativ Respublikasının vətəndaşı Şilder Vüsal Adolfun qəsdən öldürülməsi faktı üzrə Azərbaycan Respublikası CM-nin 120.2.1 və 120.2.5-ci maddələri ilə istintaqı aparılan 130066013 â„–-li cinayət işinə birləşdirilmişdir.
Aparılmış istintaqla müəyyən edilmişdir ki, Məmmədov İlham Zahid oğlu polis mayoru rütbəsində olmaqla Azərbaycan Respublikası Daxili İşlər Nazirliyinin Baş mühafizə idarəsinin Binəqədi rayon mühafizə idarəsinin baş mühafizə inspektoru vəzifəsində işləyərkən 2013-cü ilin aprel ayının əvvəllərindən etibarən Almaniya Federativ Respbulikası vətəndaşı Şilder Vüsal Adolfu qanuni əsas olmadan ifşa etmək məqsədi ilə “Polis haqqında” Azərbaycan Respublikası Qanununa, “Daxili işlər orqanları əməkdaşlarının etik-davranış kodeksi”nə, Azərbaycan Respublikası daxili işlər nazirinin 04 mart 2000-ci il tarixli 80 â„–-li əmrinin tələblərinə və vəzifə təlimatlarına zidd olaraq xidməti səlahiyyətlərinin hüdudlarından açıq-aşkar surətdə kənara çıxan hərəkətlər edərək qabaqcadan cinayət əlaqəsinə girib əlbir olduğu tanışı, Türkiyə Respublikasının vətəndaşı Sümer Yaşar Yücel oğlunun vasitəsi ilə sonuncuya sürücü kimi xidmət edən Novruzov Qurban Tahir oğluna külli miqdarda pul verməyi vəd edərək sonuncunun idarə etdiyi “Wolksvagen Passat” markalı 10-HV-623 dövlət qeydiyyat nişanlı avtomaşında Sümer Yaşarla birlikdə “Mercedes SLK” markalı 10-KU-777 dövlət qeydiyyat nişanlı avtomaşını idarə edən Vüsal Şilderi mütəmadi olaraq izləmiş, həmçinin 11 aprel 2013-cü il tarixdə Qurban Novruzova idarə etmək üçün “Mercedes” markalı 90-EV-660 dövlət qeydiyyat nişanlı avtomaşını və bir bükümdə 0,12 qram çəkidə marixuananı xüsusi vasitə kimi verərək həmin avtomaşınla Vüsal Şilderin idarə etdiyi eyni markalı avtomaşını vurmağı, qəsdən törədilən nəqliyyat vasitələrinin toqquşması hadisəsindən istifadə edib sonuncunu narkotik aludəçisi kimi ifşa etmək məqsədilə polis bölməsinə aparılması üçün narkotik vasitəni avtomaşınına yerləşdirməyi tapşırmış, narkotik vasitəni yerləşdirməkdən imtina edən Qurban Novruzova 3.000 AZN pul və məsuliyyətə cəlb olunmayacağına təminat vəd edərək, sonuncu tərəfindən həmin tarixdə Bakı şəhəri, Nərimanov rayonu, Təbriz küçəsində “McDonalds” restoranının yaxınlığında xüsusi vasitə kimi istifadə edilərək idarə etdiyi “Mercedes” markalı 90-EV-660 dövlət qeydiyyat nişanlı avtomaşınla Vüsal Şilderin idarə etdiyi “Mercedes SLK” markalı 10-KU-777 dövlət qeydiyyat nişanlı avtomaşın vurularaq ümumi təhlükəli üsulla qəsdən zədələnib 1639 manat, “Mercedes” markalı 90-EV-660 dövlət qeydiyyat nişanlı avtomaşının zədələnməsindən isə 3141 manat təşkil edən xeyli miqdarda ziyan vurulduqdan sonra həmin ziyanın ödənilməsi adı ilə Vüsal Şilder Yaşar Sümer və Qurban Novruzov ilə birlikdə Bakı şəhəri, Binəqədi rayon polis idarəsinin 7-ci polis bölməsinin xidməti ərazisi olan 9-cu mikrorayon, Mir-Cəlal küçəsində yerləşən “Favorit” marketin qarşısına gətirildikdə qabaqcadan cinayət əlaqəsinə girib əlbir olduğu tanışı 7-ci polis bölməsinin rəis müavini Babayev Kənan Tofiq oğlu qulluq mənafeyi tələb etdiyi halda bunun qarşısını almayaraq, Azərbaycan Respublikası daxili işlər nazirinin 04 mart 2000-ci il tarixli 80 â„–-li əmrinin tələblərinə və vəzifə təlimatlarına zidd olaraq İlham Məmmədov ilə əvvəlcədən əldə olunmuş razılığa əsasən öz qulluq səlahiyyətlərindən qulluq mənafeyinə qəsdən zidd olaraq istifadə etməklə Vüsal Şilderin polis bölməsinə gətirilməsi barədə tabeliyində olan Bakı şəhəri, Binəqədi rayon polis idarəsinin 7-ci polis bölməsinin əməkdaşlarına qanunsuz göstəriş verərək Vüsal Şilder ilə birlikdə polis bölməsinə gətirilmiş Qurban Novruzovun üzərindən az miqdarda narkotik vasitə aşkar olunmasına, eləcədə əsassız olaraq polis bölməsinə gətirilmiş Vüsal Şilderin hər-hansı bir qanun pozuntusuna yol verməməsinə baxmayaraq “ANS” telekanalından çəkiliş qrupu dəvət etməklə xidməti otağında Vüsal Şilderi Qurban Novruzov ilə birlikdə çəkiliş qrupuna təqdim edib onların videoçəkilişini aparmaqla barələrində narkotik vasitənin istifadəçisi kimi süjet hazırlanaraq 11-12 aprel 2013-cü il tarixlərdə “ANS” televiziya kanalında efirə gedən “Növbətçi” verilişində nümayiş etdirilməsini təşkil edərək Vüsal Şilderin hüquqlarına və qanuni mənafelərinə mühüm zərər vurulmuşdur.
07 may 2013-cü il tarixdə Novruzov Qurban Tahir oğluna Azərbaycan Respublikası CM-nin 186.2.2 və 32.5, 309.2-ci maddələri, 12 oktyabr 2013-cü il tarixdə isə Babayev Kənan Tofiq oğluna Azərbaycan Respublikası CM-nin 186.2.2 və 308.1-ci maddələri ilə ittihamlar elan edilərək Qurban Novruzovun barəsində məhkəmənin qərarı ilə həbs, Kənan Babayevin barəsində isə başqa yerə getməmək haqqında iltizam qətimkan tədbiri seçilmişdir.
07 və 13 may 2013-cü il tarixlərdə Məmmədov İlham Zahid oğlu Azərbaycan Respublikası CM-nin 186.2.2, 309.2 maddələri, Sümer Yaşar Yücel oğlu isə həmin Məcəllənin 186.2.2 və 32.5, 309.2-ci maddələri ilə təqsirləndirilən şəxs qismində cəlb olunmuş, lakin istintaqdan qaçıb gizlənmələri ilə əlaqədar barələrində axtarış elan olunmuş, Yaşar Sümer 14 may 2013-cü il tarixdə, İlham Məmmədov isə 18 oktyabr 2013-cü il tarixdə tutularaq onlara həmin maddələr ilə ittihamlar elan olunmaqla barələrində məhkəmənin qərarı ilə həbs qətimkan tədbiri seçilmişdir.
25 oktyabr 2013-cü il tarixdə İlham Məmmədov, Qurban Novruzov və Yaşar Sümerə Azərbaycan Respublikası CM-nin 186.2.2, 309.2 və 32.5.309.2 maddələri ilə yenidən ittihamlar elan edilmiş, Kənan Babayevə isə Azərbaycan Respublikası CM-nin 186.2.2 və 308.1 maddələri ilə elan edilmiş ittiham qüvvədə saxlanılmışdır.”
Ardı var...
