Ermənistanın Təhlükəsizlik Şurası Silahlı Qüvvələrin Baş Qərargahının keçmiş rəisi Onik Qasparyanın Dağlıq Qarabağda müharibənin 4-cü günü keçirilən Təhlükəsizlik Şurasının iclasında çıxışının tam mətnini məxfilikdən çıxara bilməz.

 

Təhlükəsizlik Şurasının katibi Armen Qriqoryan jurnalistlərlə  brifinqdə, Qasparyanın bir neçə həftə əvvəl səsləndirdiyi "30 sentyabrda Prezident Armen Sarkissyanın və sonra da onun Təhlükəsizlik Şurasının iclasının etdiyi çıxışın tam versiyasının dərc edilməsi" barədə tələbi barədə suala cavab verərkən belə deyib.

 

"Qalan hissələrdə, Ermənistan və Qarabağın təhlükəsizliyi ilə bağlı suallar var ki, bunların fikrimizcə dərc edilməsi məsləhət görülmür. Onik Qasparyanın Silahlı Qüvvələrin Baş Qərargahının keçmiş rəisi olduğu halda bənzər bir tələb irəli sürməsi bizi də təəccübləndirdi. Yeri gəlmişkən, əlavə olaraq yalnız bu hissələri niyə yayımladığımızı da izah etmişik" , - deyə Qrigoryan bildirib. 

 

Müharibə bitdikdən sonra, keçən il noyabrın 17-də Silahlı Qüvvələrin Baş Qərargah rəisi Onik Qasparyan müharibənin 4-cü günü Təhlükəsizlik Şurasının iclasında Ermənistan tərəfinin itkilərini və Silahlı Qüvvələrin mövcud vəziyyətlə bağlı qiymətləndirmələri təqdim edərək müharibəni 1-2 gün ərzində dayandırmaq üçün  lazımi tədbirlərin alınmasını təklif edib. 

 

Bu açıqlamadan dörd ay sonra, yəni Onik Qasparyan və bir sıra yüksək rütbəli hərbi vəzifəlilər Baş nazir Nikol Paşinyanın istefası tələbi ilə bir bəyanat yaydılar. Ardından isə Təhlükəsizlik Şurasın katibi, sonra isə Nikol Paşinyan həmin iclasda Qasparyan müharibəni bitirmə ehtiyacından danışmadığını bəyn etdilər. Sonra, səlahiyyətlilərin fikrincə, ifadələrini sübut edən Qasparyanın həmin iclasdakı çıxışından alıntılar yayımlandı. Bundan sonra Qasparyan çıxışının tam versiyasını dərc edilməsini tələb etdi.

 

“Yüksək vəzifəli təhlükəsizlik məmuru bir hesabatda bir-birinə zidd iki nöqteyi-nəzərini ifadə edə bilməz, çünki hesabatı xatırlayırsınızsa, dərc olunan hissədə Cəbrayıl istiqamətində bir az irəlilədiyimizin, düşmənin isə irəliləmədiyi qeyd olunurdu, bu çox vacibdir. Əgər o "irəliləyiş yoxdur" deyirsə, Təhlükəsizlik Şurasının digər üzvləri mövqeyimizi tərk etmədiyimizi anlaya bilər",- deyə Qriqoryan  bildirib.

 

Üstəlik,  Təhlükəsizlik Şurasının katibi başqa bir təkzib də verib. “Onik Gasparyan 17 noyabr tarixli nəşrində Baş Qərargah rəisi təyin olunduqdan sonra 8 iyun tarixində Təhlükəsizlik Şurasına bölgədəki vəziyyətlə bağlı hesabat təqdim etdiyini və diplomatik - siyasi addımlar atmağı təklif etdiyini bildirib. 8 iyundan sonra ilk iclas 19 iyunda olub və onun məruzəsi olmayıb. İlk açıqlamalarını və ya hesabatını 21 avqustda verib. 10 səhifəlik sənəddə diplomatik addımlar barədə bir kəlmə belə yoxdur”,- deyə Qriqoryan bildirib.

Yerli mətbuat Baş qərargahın keçmiş rəisi Onik Qasparyana Təhlükəsizlik Şurası katibinin bugünkü açıqlamalarına münasibət bildirilməsi xahişi ilə müraciət etsədə, hələ cavab ala bilməyib.

 

 

Armen Qriqoryan da bu gün Ermənistanın üçüncü prezidenti Serj Sarkisyanın 2024-cü ilədək 2500, o cümlədən 2020-ci ilədək 1000-dən çox PUA alması üçün bir proqram təsdiq olunduğunu, lakin Paşinyan hökuməti bu proqramı dəyişdirdiyinə dair iddialara da cavab verib.

 

“Serj Sarkisyan yalan danışır. Əgər 2016-2018-ci illərdə Serj Sarkisyan şərti olaraq X ədəd PUA almışdısa, 2018-ci ildə biz 7X PUA əldə etdik. Əgər Serj Sarkisyan dövründə şərti olaraq 1000 PUA almaq planlaşdırılırdısa, biz 1800 ədəd almaq niyyətindəyik ”deyə Qriqoryan fikrini tamamlayıb.