Moderator.az xəbər verir ki, bu barədə Türkiyənin "Medya Gunlugu" nəşri yazıb.

 

BRICS azad ölkələr birliyidir, Türkiyəni isə NATO üzvü olaraq belə adlandırmaq mümkün deyil. 

 

Türkiyə prezidenti Rəcəb Tayyib Ərdoğanın Rusiyada oktyabrın 22-24-də keçiriləcək BRICS sammitində iştirak etmək qərarı və Türkiyənin bu təşkilata birləşmək istəyi Moskvada polemikaya səbəb olub.

 

O cümlədən adəçəkilən Fyodor Lukyanov bəyan edib ki, Türkiyənin BRICS üzvü olmaq istəyi "siyasi oyundur".

 

"Türkiyənin BRICS-ə daxil olmaq arzusunun bütün iştitakçılar üçün müəyyən dəyəri var. Amma bunun formal gerçəkləşəcəyinin perspektivləri yoxdur. Mən əmin deyiləm ki, BRICS tərəfindən hazırda təşkilatın bundan sonra da genişləndirilməsi barədə qərarlar qəbul ediləcək. İlk genişlənmə ilə məsələni öyrənmək, sonra isə irəliyə getmək lazımdır", - Lukyanov qeyd edib.

 

Daha sonra o, deyib: "Əgər BRICS-də iştirakı səciyyələndirən hər-hansı meyarı qeyd etsək, bu, hərəkət sərbəstliyini məhdudlaşdıran Qərb qarşısında öhdəliklərin olmamasıdır. BRICS ölkələri hazırda Qərblə müxtəlif münasibətlərdədir. 

 

Rusiya kəskin münaqişədədir, İran da həmçinin, Çin münaqişələrdən asılı vəziyyətdədir, digərləri, məsələn, Cənubi Afrika Respublikası, Braziliya və Hindistan kimi ölkələr Qərblə sıx bağlıdır. Bir sözlə, orada əlaqələr müxtəlif dərəcədədir. 

 

Lakin bu ölkələrdən heç birinin Qərb qarşısında icra etməli olduqları formal öhdəlikləri yoxdur, Türkiyənin isə belə öhdəlikləri var. Türkiyə NATO-nun üzvüdür və bu təşkilatdan qətiyyən çıxmaq niyyətində deyil". 

 

Lukyanovun sözlərinə görə, Ankara BRICS amilindən istifadə edərək Qərbə təzyiq göstərməyi planlaşdırır. "Burada prinsipial məhdudiyyətlər var, iki stulda əyləşmək alınmayacaq. Ərdoğan bunu anlayır, əbəs yerə Türkiyə nümayəndələri BRICS-ıə yaxınlaşmaq istəyindən danışandah qeyd edir ki, Avropa onları özündən uzaq salıb, amma BRICS bunu etməyib. Yəni Ankara üçün bu, Qərbə, ilk növbədə Avropa tərəfdaşlarına təzyiq alətidir", - o, əlavə edib.

 

Ərdoğanın 22-24 oktyabrda Rusiyanın Kazan şəhərində keçiriləcək BRICS sammitində iştirakının vacibliyindən danışarkən Lukyanov vuğulayıb:

 

"Ərdoğanın Kazana səfər etmək niyyəti faktının özü çox yaxşıdır. Bu tədbirdə vacib fiqurlar nə qədər çox olarsa, onun əhəmiyyəti bir o qədər artacaq. Ərdoğanın BRICS-lə qarşılıqlı əlaqədə olmaq istəyini bəyan etməsi də çox yaxşıdır, bu da təşkilatın əhəmiyyətini göstərir. Amma Ərdoğanın dönüş edib NATO ilə əlaqələri kəsəcəyini və ya qeyri-Qərb qurumlarını Türkiyənin prioritetləri sistemində üstün tutacağını gözləmək, mənə elə gəlir ki, qətiyyən real deyil. O, bunu etməyəcək". 

 

Lukyanov NATO-nun Türkiyə üçün vacibliyinə diqqət çəkərək deyib: "Ərdoğan istənilən şəraitdə, hətta Qərblə, ABŞ-la, Avropa İttifaqı ilə münasibətlərin gərginləşdiyi zaman həmişə NATO-nun əhəmiyyətini vurğulayır. Və o, tamamilə haqlıdır, çünki obyektiv olaraq belə alınır ki, NATO Ankara üçün çox mühüm əsasdır".

 

Rusiyanın xarici siyasət icmalçısı qeyd edib ki, Türkiyə həm NATO, həm də BRICS-də ola bilməz. O, əlavə edib: "Bu elə məqamdır ki, çevikliyin həddi var. Çünki BRICS nəzəri cəhətdən tərəfdaşların geniş avtonom fəaliyyətinə icazə verə bilər, amma NATO bunu edə bilməz. Madam ki, NATO edə bilməz, demək, BRICS də bunu etməməlidir. Hər şey çox sadədir".

 

 

Rusiya prezidentinin mətbuat katibi Dmitri Peskov bəyan edib ki, prezident Vladimir Putin Türkmənistanda Türkiyə Böyük Millət Məclisinin sədri Numan Kurtulmuşla görüşündə deyib ki, o, Kazanda Ərdoğanı gözləyir.