Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) hesabatında deyilir.

 

Analitiklər hesab edir ki, bu planlar sarsıdıcı məğlubiyyətə düçar ola bilər. Putin və Rusiyanın hərbi komandanlığı əsgərlərə cəbhə xətti boyunca Ukraynanın şərqində və şimal-şərqində il ərzində hücum əməliyyatları aparmağı əmr edib. Bu, Ukrayna Silahlı Qüvvələrini (USQ) tükəndirməli və onlara özlərini əkshücum əməliyyatlarının aparılması üçün lazımi qüvvələr toplamasına imkan verməməlidir. 

 

"Putin və Rusiyanın hərbi komandanlığı, ehtimal ki, bütün hərbi əməliyyatlar teatrında təşəbbüsün əldə saxlanılmasını strateji prioritet kimi nəzərdən keçirir. Onlar planlaşdırılan operativ məqsədlərdən çox uzaq olan tədricən sürüşkən irəliləyişə gətirib çıxaracaq uzunmüddətli hücum əməliyyatlarına tolerantlığını nümayiş etdirib", - ISW izah edib.

 

Hazırda düşmən Kursk vilayətində USQ tərəfindən təhlükənin aradan qaldırılmasına, eyni zamanda şərqdə hücumunu davam etdirməsinə cəhd göstərərək öz çoxdankı operativ məqsədlərini güdür.

 

 

Analitiklər əmindir ki, rusiyalı hərbçilərin  2024-cü ilin yayında Pokrovskun ələ keçirilməsi üçün intensivləşdirilmiş hücumu və Ukraynanın Donetsk vilayətinin qərbində daha geniş hücumunun azaldılması, ehtimal ki, yaxın aylarda kulminasiya nöqtəsinə çatacaq.

 

Rusiya qoşunlarının döyüş qabiliyyətinin vəziyyətinə rəğmən, Kreml bu kulminasiyadan çox əvvəl öz ordusunu bütün hərbi əməliyyatlar teatrında təşəbbüsün əldə saxlanılmasına və Ukrayna Müdafiə Qüvvələrinin tükənməsinə yönələn ümumi strateji səylərinə cəlb etməkdə davam edəcək.

 

"Putinin qələbə planı ona əsaslanır ki, Rusiya qoşunları sonsuzluğadək ardıcıl hücum əməliyyatlarını davam edəcək. Lakin belə yorucu hücumlar, ehtimal ki, Rusiyanı canlı qüvvə və texnika sarıdan elə vəziyyətə salacaq ki, Rusiya qoşunları hər halda cəbhənin ayrı-ayrı sahələrində hücum templərini aşağı salmağa məcbur olacaq. Bu, USQ-yə yarışmağa və ehtimal ki, döyüş meydanında bu ərazilərdə təşəbbüsü ələ almağa imkan verəcək", - analitiklər güman edib.

 

 

Ekspertlərin proqnozlarına görə, Rusiyanın hərbi potensialı və Hərbi-Sənaye Kompleksinin potensialının orta və uzunmüddətli perspektivdə məhdudlaşdırılması təcavüzkarın müharibənin uzadılmasına və Ukraynanın tükəndirilməsinə yönələn ardıcıl hücum əməliyyatlarını aparmaq qabiliyyətini sarsıdacaq.

 

Analitiklər Rusiya hakimiyyətinin əsgərlərin cəlb edilməsi üçün maliyə stimullarının daimi total artırılmasını müşahidə edir. Bu o deməkdir ki, Rusiyada könüllülər ehtiyatı tükənməkdədir.

 

"Rusiya hakimiyyəti ondan narahatdır ki, könüllülərin cəlb edilməsi üzrə cari səyləri getdikcə daha az nəticələri nümayiş etdirir. Və Putin əvvəlkitək Silahlı Qüvvələrinin formalaşdırılması ilə bağlı problemlər fonunda ehtiyatda olanların daha bir qismən səfərbərlik çağırışından yan keçməyə can atır", - ISW-nin hesabatında deyilir.

 

Analitiklər güman edir ki, Rusiya 2022-ci ilin payızında olduğu kimi daha bir qismən səfərbərlik dalğasını keçirə bilər. Lakin bu, yalnız çox güclü təzyiq və ya indiki kriptosəfərbərlik (maddi vəsaitlə orduya cəlbetmə-red.) kampaniyasının ciddi uğursuzluğa məruz qalacağından sonra ediləcək.

 

"Rusiyanın Ukraynada hücum əməliyyatları əhəmiyyətli texniki, xüsusilə zirehli texnika sarıdan itkilərə gətirib çıxarıb. Hərbi-sənayenin gücü ilə, ehtimal ki, orta və uzunmüddətli perspektivdə bu itkiləri əvəzləmək mümkün olmayacaq. Rusiya Ukraynadakı əhəmiyyətli itliləri əvəzləmək üçün hazırda SSRİ zamanının böyük, amma məhdud ehtiyatlarının bərpasına bel bağlayır. Və bu ehtiyatlar getdikcə daha sürətlə tükənməkdədir", - analitiklər qeyd edib.

 

Bundan başqa, Rusiya KXDR və İrandan texnika və mərmilər alır, habelə Çinlə özünün sulah istehsalı üçün kritik mühüm komponentlərin əldə edilməsi üçün əməkdaşlıq edir. Lakin bu, Rusiyanın müharibə üçün maddi-texniki vasitələrə olan bütün tələbatını təmin edə bilməz.

 

"Görünür, Putin şəxsi heyətin növbəti səfərbərliyi kimi tammiqyaslı iqtisadi səfərbərlik aparmağa da həvəsli deyil. Kritik zəif yerlərin və işçi qüvvəsi qıtlığının Rusiyaya öz iqtisadiyyatını hərbi fəaliyyət üçün zəruri olan səviyyəyə tez bir zamanda və tam olaraq səfərbər etməyə imkan verəcəyi isə hələ də aydın deyil", - ISW analitikləri vurğulayıb.