"Bu il Azərbaycandan Avropaya qaz ixracı 13 milyard kub metr artacaq..."

 

"Ukrayna özünün tranzit ölkə rolunu saxlamağa və Qərb qonşularının energetika təhlükəsizliyini təmin etməyə can atır..."

 

"Avropanın sorğusunu ödəmək üçün Xəzər dənizində yeni və mövcud yataqlarda hasilat artacaq..."

 

Azərbaycan Ukrayna və Avropa İttifaqına Ukraynanın qaz-nəqliyyat sistemindən istifadə edərək Avropaya qaz tədarükünü təklif edib. Bu ilin sonunda Rusiya ilə müqavilənin müddəti bitəcək.

 

Moderator.az xəbər verir ki, bu barədə "Bloomberg" nəşri yazıb.

 

Nəşr qeyd edir ki, Ukrayna və Avropa İttifaqı, habelə Rusiya ilə danışıqlar davam edir, bütün tərəflər, görünür ki, tədarükün davam etməsində maraqlıdır.

 

"Biz bacarsaq, kömək edəcəyik, - Azərbaycan prezidenti İlham Əliyev deyib. - Düşünürəm ki, bu sövdələşməni uzatmaq olar".

 

Onun sözlərinə görə, əgər Rusiya qazının Ukrayna vasitəsilə tədarükü dayanarsa, Avstriya və Slovakiya kimi ölkələr "ciddi fəlakətlə" üzləşəcək, çünki onlar digər ölkələrdən qaz almaq üçün "yüz milyonlar" ödəməli olacaq.

 

Bakı "ehtiyatlı" olmağa çalışacaq, çünki keçmişdə yanlış olaraq o, Rusiya qazının yenidən ixracında ittiham edilib, o, əlavə edib.

 

Azərbaycan prezidenti qeyd edib ki, onun ölkəsində qaz hasilatı Xəzər dənizində yeni və mövcud layihələr hesabına artacaq.

 

2022-ci ildə Azərbaycan Avropa Komissiyası ilə qarşılıqlı anlaşma memorandumu imzalayaraq Avropaya qaz ixracının 2027-ci ilədək iki dəfə artıraraq 20 milyard kub metrə çatdırmağa qərar verib.

 

Əliyevin sözlərinə görə, ölkə "bu məqsədə doğru hərəkət edir". Bu il Avropaya qaz ixracı 2023-cü ildəki 11, 8 milyard və 2021-ci ildəki 8 milyard kub metrdən 13 milyard kub metrədək artacaq. 

 

Tədarüklər Azərbaycanı Gürcüstan və Türkiyə vasitəsilə Avropanı birləşdirən "Cənub qaz dəhlizi" ilə həyata keçiriləcək.

 

Azərbaycandan Ukrayna vasitəsilə qaz tranziti-son xəbərlər

 

Rusiyanın Ukraynaya qarşı tammiqyaslı hərbi müdaxiləsindən sonra Avropa İttifaqı özünü Rusiya qazından xilas olmağa cəhd edir, lakin bəzi Avropa ölkələri bu qazı Ukraynadan keçən qaz kəməri ilə almaqda davam edir.

 

Tranzit barədə sazişin müddəti 2024-cü ilin sonunadək bitir, bundan sonra Rusiya qazının tədarükü kəsiləcək.

 

Ukrayna prezidenti Vladimir Zelenski təbii qazın Azərbaycandan Avropa İttifaqına tədarük edilməsi barədə danışıqlar aparır.

 

Bununla da özünün tranzit ölkə rolunu saxlamağa və özünün Qərb qonşularının energetika təhlükəsizliyini təmin etməsinə kömək etməyə can atır.

 

"Rusiya qazının Azərbaycan qazı ilə əvəzlənməsi indi müzakirə edilən təkliflərdən biridir", - Zelenski deyib.