Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) növbəti hesabatında deyilir.

 

Qeyd edilir ki, Putin Macarıstan baş naziri Viktor Orbanla iyulun 5-də görüşündən danışıqlar yolu ilə atəşkəsdən imtina etmək və müharibənin "tam və qəti şəkildə" başa çatmasına öz sadiqliyini ifadə etmək üçün istifadə edib, bu da ona öz məqsədinə-Ukrayna dövlətçiliyinin məhv edilməsinə nail olmağa imkan verərdi.

 

"Putin bəyan edib ki, Rusiya ilə Ukrayna arasında saziş atəşkəsə gətirib çıxarmamalıdır, çünki bu, Ukraynaya öz qüvvələrini yenidən qruplaşdırmağa və yenidən silahlanmağa imkan verəcək və Rusiya münaqişənin "tam" və "qəti" şəkildə başa çatmasına tərəfdardır", - məlumatda deyilir.

 

Putin həm Ukrayna ərazisinin xeyli hissəsini və əhalisini Rusiyanın işğalına verilməsini, həm də ukraynalı hərbçilərin müharibənin başa çatdırılması üzrə istənilən danışıqlardan öncə təslim olmasını tələb edir.

 

Qeyd edilir ki, Putin çoxdandır ki, Ukraynanın "demilitarizasiya" edilməsini, yəni Rusiya təcavüzünə müqavimət göstərmək iqtidarında olmasından imtina etməsini tələb edir ki, Kreml rəhbəri sərbəst şəkildə Ukraynaya öz iradəsini yeridə bilsin.

 

Hesabatda qeyd edilir ki, Putin Ukraynanın təslim olmasından, heç şübhəsiz, özünün digər məqsədinə-demokratik yolla seçilmiş Ukrayna hakimiyyətinin ona xoş olan rusiyayönümlü siyasi sistemlə əvəzlənməsinə nail olmaq üçün istifadə edəcək.

 

Hərbi analitiklər qeyd edir ki, Ukraynanın operativ mühüm ərazilərin azad edilməsi üzrə əkshücum əməliyyatları Putinin Ukraynaya qarşı aqressiv müharibəsinin arzu etdiyi son nəticəsinə inamını sarsıtmağın ən səmərəli üsulu olaraq qalır.

 

Ekspertlərin fikrincə, Putinin Ukraynanın  təslim olmasına və ya Rusiyanın tükənməyə hesablanmış uzunmüddətli müharibəni udmaq qabiliyyətində olmasında əminliyi ona əsaslanır ki, Ukrayna, onun dəyərləndirməsinə görə, əhəmiyyətli əkshücum əməliyyatlarını apara bilməyəcək. 

 

Ekspertlər vurğulayır ki, Qərb əkshücum əməliyyatlarının keçirilməsi üçün Ukraynaya zəruri dəstək göstərməkdə tələsməlidir ki, Putinin niyyətləri çin olmasın və müharibənin Ukrayna və onun tərəfdaşları üçün məqbul sülhün bərqərar olması naminə zəruri olan müddətdən çox olmasından yan keçilsin.

 

 

Rusiya hakimi Putin Orbanla görüşdən sonra brifinqdə bəyan edib ki, Ukrayna təslim olmaqdan və öz ərazilərini Rusiyaya təhvil verməkdən imtina edir, çünki o zaman hərbi vəziyyəti ləğv edib seçkilər keçirmək lazım gələcək.

 

NATO-nun baş katibi Yens Stoltenberq deyib ki, Rusiya diktatorunun Ukraynaya qarşı müharinədən imtina etməsini və sülh danışıqlarına başlamasına hazır olduğunu göstərən heç bir əlamət yoxdur.