"İstintaq Moskvada insanların kütləvi zəhərlənməsi barədə cinayət işi üzrə şübhəli bulinən üç nəfəri saxlayıb..."

 

"Qida botulizmi ağır, ölümcül xəstəlikdir, lazımi emaldan keçməyən məhsulların istifadə edilməsi zamanı baş qaldıra bilər..."

 

Dünən Moskvada 120-dən çox insan zəhərlənmə əlaməti və botulizmə şübhə ilə həkimlərə müraciət edib, 55 nəfər ağır vəziyyətdədir.

 

Moderator.az xəbər verir ki, bu barədə "iz.ru" nəşri məlumat yayıb.

 

Məlumatda deyilir ki, 12 pasiyent botulizm əlamətləri ilə Nijeqorod vilayətindədir.

 

Analoji hallar Qazanda qeydə alınıb, orada 14 nəfər xəstəxanaya yerləşdirilib, onlardan səkkiz nəfər reanimasiyadadır.

 

Bu gün Moskva ətrafında 20 nəfər ilkin botulizm diaqnozu ilə xəstəxanaya yerləşdirilib, onlardan 12 nəfər ağır vəziyyətdədir, qalanları orta ağır dərəcədir.

 

Bu barədə "İnterfaks" agentliyinə regionun Səhiyyə Nazirliyinin mətbuat xidməti məlumat verib.

 

İsteklakçıların hüquqları və insan rifahının müdafiəsi sahəsində nəzarət üzrə Federal Xidmətinin ("Rospotrebnadzor", bundan sonra Federal Xidmət-red.) Moskva İdarəsi qeyd edib ki, zərərçəkənlər "Rayonda mətbəx" şirkətinin hazırladığı "Salat lobio" və "Qastroport" ASC-nin hazırladığı "Tuna balığı, lobya və alma ilə Salat"dan istifadə edib.

 

Rusiya İstintaq Komitəsi məlumat verib ki, Moskvada insanların kütləvi zəhərlənməsi barədə cinayət işi üzrə istintaq şübhəli bilinən üç nəfəri saxlayıb.

 

Bunlar "Qastroport"un faktiki rəhbəri, Moskva regionunda qidanın hazırlanması və çatdırılması üzrə  "Rayonda mətbəx" özəl təşkilatının baş direktoru, habelə bu şirkətin keyfiyyət şöbəsinin rəhbəridir.

 

Federal Xidmət həmçinin qeyd edib ki, istintaqın gedişində "bir neçə xarici vətəndaşın olduğu yer üsrə qanunsuz qeydiyyat faktı aşkar edilib, bununla bağlı qanunsuz miqrasiyanın təşkili barədə cinayət işi açılıb".

 

Moskvalıların botulizmə şübhə ilə kütləvi surətdə xəstəxanaya yerləşdirilməsi və sonrakı yoxlamalar "Rayonda mətbəx" şirkətinin işini dayandırıb. 

 

"Kommersant" nəşri yazıb ki, şirkətin işinin dayandırılması gün ərzində 15 milyon rubl (175 700 dollar) və tərəfdaşlarla müqavilələrin itkisinə səbəb ola bilər. 

 

"Qastroport" salatlarının mağazaların piştaxtalarına dönməsi də asan olmayacaq. Lakin hüquqşünaslar başlıca riskin açılmış cinayət işi və gerçək həbs müddətlərinin təyin edilməsini qeyd edir.

 

Qida botulizmi ağır, potensial ölümcül, nisbətən nadir hallarda rast gəlinən xəstəlikdir. Botulin toksinləri lazımi emaldan keçməyən, bakteriyalar və ya sporların yaşadığı və toksinlər ifraz etdiyi məhsulların istifadə edilməsi zamanı orqanizmə düşür. 

 

Botulin toksinləri neyrotoksikidir, ona görə də sinir sisteminə təsir edir. Qida botulizmi üçün tənəffüs çatışmazlığına gətirib çıxara bilən süst iflic səciyyəvidir.

 

Erkən əlamətləri güclü yorğunluq, zəiflik və baş gicəllənməsi, bundan sonra adətən görmənin tutqunlaşması, ağızda quruluq, həmçinin udmanın və nitqin çətinləşməsidir. Həmçinin qusma, diareya, qəbizlik və köpmə də baş verə bilər.

 

Xəstəlik inkişaf etdikcə boyun və əllərdə zəiflik meydana çıxa bilər, bundan sonra tənəffüs əzələləri və bədənin aşağı hissəsinin əzələləri zədələnir. Hərarət qalxmır və şüurun itməsi baş vermir.

 

Əlamətlər adətən ekspozisiyadan 12-36 saat sonra (ən tezi 4 saatdan, ən geci 8 gündən sonra) meydana çıxır.

 

Botulizmlə xəstələnmə göstəriciləri aşağıdır, lakin ölüm göstəriciləri tez bir zamanda diaqnoz qoyulmadıqda və dərhal müalicə aparılmadıqda yüksəkdir. Xəstəlik 5-10 faiz hallarda ölümlə nəticələnə bilər.