Bu gün – 15 iyun Milli Qəhrəman, telejurnalist Çingiz Mustafayevin şəhidlik zirvəsinə ucaldığı gündür... Onun haqq dünyasına qovuşmasından artıq 32 il  keçir... Bu müddət ərzində Çingiz haqqında onlarla qələm sahibi bəlkə yüzlərlə yazılar qələmə alıb... Fəqət, həmin yazıların arasında Çingiz Mustafayevin özünə, onun qeyri-adiliyinə, bənzərsizliyinə, orijinallığına layiq olanları çox azdır. Belə yazılarla maraqlanarkən rəhmətlik milli qeyrətli həmkarımız, həm də müstəqil siyasətçi olan Qeyrət Quliyevin 27 il öncə bu günlərdə qələmə aldığı “Heç kimə oxşamayan şəhid və ya Çingizsiz 5 il” başlıqlı, qısa olsa da, ictimai-siyasi baxımdan orijinal bir yazısına rast gəldim.

Aktullığını da nəzərə alıb həmin materialı Moderator.az oxucularının diqqətinə çatdırırıq:

 “Heç kimə oxşamayan şəhid və ya Çingizsiz 5 il...”

 

“15 iyunda 5 il tamam oldu ki, aramızda cismən yoxdur.  O, çox böyük ORİJİNALLIQ idi. Əslində  15 mayçıları hakmiyyətə gətirənlərdən biri də Bakı və Kəndlər Birliyi ilə bahəm o idi. Yəni onun Xocalıda çəkdikləri Ayaz Mütəllibovun iflasına güclü təkan vermişdi...

 

Mən xeyli 15 mayçının o vaxt Çingizi mətbuatda ələ salan yazılarını arxivimdən misal gətirə bilərəm. Amma buna ehtiyac yoxdur- istifadə eləmək kimi çıxır... İstifadəşilik qərəzçilikdir və Çingizə yad cəhət idi. İndi, artıq, neçə illərdir həmin istifadəçi mövsümçülər Çingizi başqa şəkildə istifadə edirlər. Ondan bizi ayıran bu 5 ildə ORİJİNALLARIMIZI məhv etməkdə davam ediblər və bizim çoxumuz “palaza bürünüb elnən sürünərək” susmuşuq... Nə vaxta qədər? Bəs deyilmi?..

 

 

Təqdim etdi: 

 

Sultan Laçın