Moderator.az xəbər verir ki, bu barədə "The Hill" nəşrinin icmalçısı Maykl MakKinli yazıb.

 

"ABŞ və Avropa müttəfiqləri tərəfindən hərbi yardım yenidən artır, lakin müharibələr təkcə döyüş meydanında udulmur. Ukraynaya diplomatik dəstəyi də gücləndirmək gərəkdir. 

 

Bu yay baş tutan ikili tədbirlər-iyun ayında İsveçrədə Ukraynada sülh məsələləri üzrə sammit və NATO-nun 75 illiyi ilə əlaqədar olaraq Vaşinqtondakı sammit bunu etmək üçün misli görünməyən imkandır", - o, hesab edir.

 

Onun fikrincə, İsveçrə hökuməti tərəfindən təşkil edilən 15-16 iyun sammiti bu ildə Ukraynada müharibənin qlobal nəticələri haqqında daha geniş beynəlxalq rəyi formalaşdıra bilər. 

 

Müharibədən öncə və sonra olduğu kimi, Bayden administrasiyası həm sülhün əldə olunması üçün diplomatiyada təcili iştirakı, həm də NATO sammitindən bir neçə həftə sonra Ukraynaya müttəfiqləri tərəfindən hərbi dəstəyin konsolidasiyası üçün impuls verə bilər.

 

Son aylar Vaşinqton və Avropa paytaxtlarının əsas məqsədi Ukraynanın hərbi səylərinə maliyyə və hərbi dəstəyin təmin edilməsi olub.

 

Ağ Evə Nümayəndələr Palatasının Ukraynaya 60 milyard dollar məbləğində hərbi yardımı əngəlləmək təklifinin qarşısının alınması üçün yeddi ay tələb olunub. Avropada Macarıstan 50 milyard avro məbləğində yardım paketini ləngidib.

 

Bu itirilən zaman müharibəyə öz təsirini göstərib və Qərbin bunu müzakirə etdiyi, Ukraynanın isə silah ehtiyatının tükəndiyi zaman Rusiya qış aylarını yeni hücuma hazırlıq üçün istifadə edib.

 

"Lakin məhz belə məqamlarda diplomatiya və rəmzlər böyük əhəmiyyətə malikdir və bu savaşda təkcə Ukraynanın taleyinin həll edilmədiyini xatırlada bilər. 

 

İsveçrədəki konfrans bu gün üçün təkcə Ukraynanın müttəfiqlərinin deyil, dünya ölkələrinin dünyada enerji və ərzaq tədarükünü pozan, nüvə münaqişəsi kabusunu yaradan, dünyada kəmiyyətcə ikinci olan qaçqınlar axınını törədən, yüz minlərlə qurbana gətirib çıxaran münaqişənin başa çatmasına dəstək verməyin ən iddialı cəhdidir", - analitik yazıb.

 

O, hesab edir ki, beynəlxalq qətiyyətin gücləndirilməsi üçün sammitdə Vaşinqton və Avropanın əsas müttəfiqləri tərəfindən güclü liderlik gərəkdir.

 

"İndi 2022-ci ilin fevralı ilə paralellər aparmaq olar. Müharibənin əvvəlində prezident və Nazirlər Kabinetinin Kiyevə səfərləri, həmçinin prezident Zelenskinin Vaşinqtona səfərinin ABŞ-ın Ukraynaya həm xalqın şüurunda, həm də müttəfiqlər və əleyhdarlar arasında sədaqətinin möhkəmləndirilməsi üçün həlledici əhəmiyyətə malik olub.

 

Onlar ukraynalılara onların öz hökumətlərinin devrilməsi üçün Rusiyanın total hərbi müdaxiləsinin qarşısını almaqda siyasi və diplomatik dəstəyin birmənalı siqnalını göndərib", - icmalçı qeyd edib.

 

MakKinli əmindir ki, Ukraynanın yenidən bu dəstəyə ehtiyacı var və bunu 2024-cü ilin iyununda Rusiyanın öz məqsədlərində yenidən inamlı olması sübut edir.

 

"Stavkalar yenidən yüksəkdir, Ukrayna hər halda ikinci dünya savaşı və "soyuq müharibə"dən sonra 70 il ərzində hakim olan dünya düzəninin qaydalarına əsalansaq, zəmanəmizin münaqişəsini müəyyən edir.

 

Rusiyanın qələbəsi Birləşmiş Ştatlar və Avropanın təhlükəsizlik və gələcək çiçəklənmə ilə bağlı bütün hesablamalarını alt-üst edə və bütün dünyada dövlətlər arasında zorakılığa olan məhdudiyyəti aradan qaldıra bilər", - jurnalist yazıb.

 

O, düşünür ki, Rusiya, Çin və Birləşmiş Ştatların dəyanətinə şübhə edən digər ölkələr Ukrayna qarşısında beynəlxalq öhdəlikləri sarsıtmağa can atır.

 

"Ukraynalılar Baydenin İsveçrədə sammitdə iştirak etməyəcəyindən məyus olacaq, lakin o, Zelenski ilə Fransada Normandiyaya desant çıxarılmasının 80 illiyi ilə bağlı tədbirlər çərçivəsində görüşüb. 

 

Bundan başqa, sammitdə ABŞ-ı təmsil edəcək vitse-prezident Kəmalə Harris Almaniya, Fransa, Kanada rəhbərləri və digər dünya liderləri ilə işləyərək bu kritik məqamda Ukraynanın tənha olmadığını əks etdirən siqnal göndərə bilər", - ekspert əlavə edib.

 

 

Artıq gələn həftə İsveçrədə 150-dən çox ölkənin iştirak edə biləcəyi sülh sammiti keçiriləcək. Lakin Almaniya kansleri Olaf Şoltsun sözlərinə görə, bu sammitdə Ukrayna ilə Rusiya arasında sülh danışıqları müzakirə edilməyəcək.

 

"Orada sülh danışıqları olmayacaq. Biz hələ bundan çox uzaqıq, hələ ki, Rusiya döyüş meydanında öz məqsədlərinə nail ola biləcəyinə inanır", - o, bəyan edib.

 

Kansler eyni zamanda deyib ki, sammitin məqsədi daha çox ölkəni cəlb etməklə Rusiyaya BMT Nizamnaməsi və beynəlxalq hüququn qüvvədə olmasını dəqiq anlatmaqdır.

 

Hər-hansı sülh danışıqlarından söhbət etmək üçün Moskvanın öz qoşunlarını Ukraynadan çıxarması lazımdır.