Ukrayna Silahlı Qüvvələri iki aviasiya bazası arasında uçan və Su-27 qırıcı təyyarələrinə ehtiyat hissələri daşıyan "Mi-8" helikopterini ələ keçirib.

 

Moderator.az xəbər verir ki, bu barədə "24tv.ru" nəşri məlumat yayıb.

 

Ukraynanın "Senzor.Net" portalının baş redaktoru Yuri Butusovun məlumatına görə, helikopter özü hərbi bazaların birində yerə enib, pilot təslim olub.

 

"Ukrayna Silahlı Qüvvələrinin rəhbərliyi rusiyalı blogerlərin Rusiyanın "Mi-8" döyüş helikopterinin bir qədər əvvəl Ukraynanın aviasiya bazalarının birinə uçub gəlməsi barədə məlumatını təddiq edib", - o, "Facebook" səhifəsində yazıb.

 

Bu məlumatdan görünür ki, pilot ukraynalı hərbçilərlə əməkdaşlıq edib və qəsdən Ukrayna bazasına uçub.

 

Butusov güman edib ki, Rusiya təyyarəçiləri şüurlu surətdə helikopterlə birgə təslim olub.

 

"İki həftə öncə yoxa çıxan" "Mi-8" helikopteri haqqında Rusiyanın "Fighterbomber" resursu bundan əvvəl məlumat verib.

 

O, güman edib ki, hava gəmisi Ukrayna hava limanına enmək üçün  tələyə salınıb və ya naviqasiya işləməyib.

 

"Haraya endiklərini anlayaraq uçuşa cəhd edilib, lakin yerdə helikopterdə güllələniblər. Mən bunun əksi sübut edilməyənədək bütün adekvat insanlardan heç bir başqa versiya yaymamağı xahiş edirəm, çünki başqa versiyalar ola da bilməz", - "Fighterbomber" yazıb.

 

Ukrayna Baş Kəşfiyyat İdarəsi helikopterin ələ keçirilməsi faktını təsdiq edib.

 

İdarə məlumat verib ki, "Mi-8" helikopterinin pilotu altı aydan artıq davam edən əməliyyat nətisəcində tələyə salınmaqla Ukrayna ərazisinə enməyə sövq edilib. Baş Kəşfiyyat İdarəsinin nümayəndələri təfsilatları bir qədər sonra təqdim etməyi vəd edib.

 

Bu zaman Ukrayna mənbələri ekipajın taleyi barədə müxtəlif məlumatlar verir. Pilotun Ukraynada olması, ailəsinin öncədən Rusiyaya çıxarılması bəllidir.

 

"Ukrainskaya pravda" qəzetinin məlumatına görə, bortda olan daha ikinə nəfər aradan götürülüb. Ukrayna MN Baş Kəşfiyyat İdarəsi nümayəndəsinin sözlərinə görə, helikopterin ekipajı sağdır, hazırda onunla "iş aparılır".