"Co Bayden yenidən milyardçının villasında tətildədir. O, öz prezidentlik müddətinin 373 gününü, yəni 39, 7 faizini məzuniyyətdə olub..."

 

"Onun milyardçılara riyakar hücumları hərəkətləri ilə daban-dabana ziddir. O, xalqın prezidenti deyil, zəngin zümrənin adamıdır..."

 

Co Bayden dəyəri 18 milyon dollar olan evdə istirahət edir, prezidentimiz yenidən məzuniyyətdədir.

O, öz prezidentlik müddətinin 373 gününü, yəni 39, 7 faizini istirahətdə keçirib.

 

Moderator.az xəbər verir ki, bu barədə ABŞ-ın "19FortyFive" nəşri yazıb

 

Xalqın adamı və sadə insan olduğunu göstərən prezident bu dəfə milyardçı Tom Steyyerin Taxo gölündə dəyəri 18 milyon dollar olan villasında qonaqdır. 

 

Vaxtilə Steyyer qəzetlərin başlığına 10 milyon dollar xərcləyərək 2017-ci ildə prezident olandan tez bir zaman sonra Donald Trampın impiçmentinə lobbiçilik etməyə cəhd göstərib.

 

Milyardçı "Galvanize Climate Solutions" iqtisadi qərarların investisiya fonduna rəhbərlik edir.

 

Steyyer 2020-ci ildə Baydenin prezidentlik kampaniyasına milyonlar xərcləyib

 

İyun ayında onun "NextGen" ("Yeni nəsil") siyasi fəaliyyət komitəsi Baydenin yenidən namizədliyini irəli sürməsini dəstəkləyib.

 

Ağ ev məlumat verib ki, Baydenlər Steyyerin evini hər həftə ödəniş edilməklə ədalətli bazar qiymətinə icarəyə götürüb.

 

Federal Seçki Komissiyasının məlumatına görə, 2020-ci ildə prezident yarışında özünün namizədliyini irəli sürməyi düşünən Steyyer seçki dövriyyəsinin təkcə son dörd ili ərzində Demokratla Partiyasından namizədlərin maliyyələşdirilməsinə 500 milyon dollardan artıq vəsait xərcləyib.

 

2020-ci il kampaniyasında o, Baydenə "İqlim liderləri Baydeni dəstəkləyir" adlı qrup vasitəsilə ən azı 4 milyon dollar toplamağa kömək edib. "NextGen" komitəsi isə Steyyerin rəhbərliyi altında Bayden üçün 45 milyon dollar toplayıb.

 

"Prezident ailəsi Taxo gölündə yaşamaq üçün özəl ev icarəyə götürüb, - Ağ evin bəyanatında deyilir. - Ev Tom Steyyerə və Ket Teylora məxsusdur. Prezident ailəsi onu ədalətli bazar qiymətinə icarəyə götürüb".

 

Prezidentlə birlikdə birinci xanım Cill Bayden və oğlu Hanter Bayden də oraya ayrıca kommersiya reysi ilə gələcək. Prezidentin qızı Eşli Bayden, nəvələri Meysi və Naomi, Xanterin qızları və Naominin əri Piter Nil Nevadaya dövlət başçısının özü ilə birlikdə ilk təyyarədə gəlib.

 

Co Baydenin şirin həyatı

 

Ağ edə qərarlaşaraq Baydenlər ötən yayları Cənubi Korolinadakı Kiava adasında, Şükranlıq Gününü isə Massaçusetsdəki Nantaket adasında keçirib.

 

Nantaketdəki öz tətilini onlar digər milyardçı, "Carlyle Group"-unun həmtəsisçisi Devid Rubenşteynin evində keçirib.

 

Ötən dekabrda onlar ABŞ-ın Virciniya adalarında Santa-Krusda donor-demokratlar Bill və Konni Nevil cütlüyünün villasında qonaq olub. 

 

"Bu, xidmət əvəzinə xidmət-şəhərətrafı evə səfər əvəzinə hökumət naharına dəvət olsaydı, problem yaradardı. Lakin, bir qayda olaraq, belə sövdələşməni sübut etmək mümkün deyil". 

 

Bunu "The New York Times" qəzetinə ötən il Ağ evin etika şöbəsinin rəhbəri, 2018 və 2022-ci illərdə Minnesota ştatından Konqresə namizədliyini verən Riçard Peynter deyib.

 

"Başlıca problem bundadır ki, varlıların bir qayda olaraq prezidentə çıxışı var. Siz yəqin anlayırsınız ki, prezidenti qonaq çağırırsınız. Sonra isə hansısa təsadüfdən siz özünüz təntənəli şam yeməyinə dəvət alırsınız. Bilirsiniz də, zəngin və məşhur adamlarda bu, necə olur", - o, əlavə edib.

 

2020-ci ildə Nevillər Baydenin Qələbə Fonduna 10 min dollar köçürüb.

 

Ağ ev Baydenin Steyyerə nə qədər ödəniş etdiyi barədə susur

 

Ağ ev Baydenlərə Steyyerin villasında olmasının neçəyə başa gəldiyini açıqlamır. 

 

Bazar ertəsi ptezident məzuniyyətini yarımçıq qoyaraq Maui Havay adasında yanan Laxayn kəndini ziyarət edəcək və meşə yanğınlarından dəyən zərəri dəyərləndirəcək.

 

Baydenin milyardçılara riyakar hücumları onun öz hərəkətləri ilə daban-dabana ziddir. Bu hərəkətlər onun xalqın prezidenti deyil, zəngin zümrənin adamı olduğunu sübut edir.

 

Müəllif: Con Rossomando, müdafiə və terrorçuluqla mübarizə üzrə analitik