Latviya müğənnisi Layma Vaykule deyib ki, Rusiya prezidenti Vladimir Putinlə şəxsən tanışdır. "Biz dost olmamışıq, amma tanışıq".

 

Moderator.az xəbər verir ki, bu barədə o, "QORDON" internet nəşrinin təsisçisi Dmitri Qordona müsahibəsində deyib.

 

Müğənninin sözlərinə görə, Putinlə konsertlər və ya çıxışlar zamanı görüşüb. O, əlavə edib ki, Rusiya prezidenti "çox cazibədar insan ola bilir".

 

Vaykuleyə birbaşa ünsiyyətdə Putinin necə təsir bağışladığı barədə sual ünvanlanıb.

 

"Yaxşı təsir bağışlayıb. İstəsə, bunu bacarır. Mən onun tabeçiliyində olanlarla necə davrandığını bilmirəm, amma o, təəssürat yarada bilir. Amma biz hamımız təəssürat yarada bilərik. İndi nə edək?" - müğənni qeyd edib.

 

O, əlavə edib ki, hamı "kimin kim olduğunu görüb".

 

"Mən heç bilmirəm nə deyim, lakin mənə elə gəlir ki, pandemiya zamanı onunla nəsə baş verib. Mənim pandemiya zamanı tanışlarımdan depressiyaya düşənlər olub, həkimlərin köməyilə vəziyyətdən çıxıb.

 

Bu gün baş verənlərə baxsaq, görərik ki, hamı səfərlərə gedir, təyyarələrlə uçur, amma Vladimir Vladimiroviç hələ də narahatdır, uzun masa arxasında əyləşir. 

 

Deyilənlərə görə, onunla görüşən hər kəs 40 gün karantində olmalıdır. Bütün dünya bunu unudub. Amma o, hələ də qorunmaqda davam edir. Ola bilər ki, o, artıq hər şeyi həll etmir, bu da ola bilər və bu, çox dəhşətlidir", - o, deyib.

 

"Sovet İttifaqını söydüyümə görə heç kim məni bağışlamır. Yaxşı nə olub ki?.."

 

Vaykyle Qərbdə Sovet İttifaqının vətəndaşlarının necə tanınmasından danışıb.

 

 

"Sovet İttifaqını söydüyümə görə heç kim məni bağışlamır. Yaxşı nə olub ki? Təəssüf edənlər gənc olduqlarına görə təəssüf edirlər. Heç bir söz azadlığı olmayıb...

 

Sənin özünün evin, öz torpağın ola bilməzdi. Sən hər zaman dilənçi payı ilə yaşamalı olmusan. "Sənə 70 rubl veririk". Amma eyni zamanda mənə çoxları deyir ki, "biz indikindən daha yaxşı yaşayırdıq". Bunu yaşlı insanlar deyir. Onlar indikindən necə yaxşı yaşayıb? Mən bilmirəm. Yəqin pulsuz səhiyyəni nəzərdə tuturlar. Qoy olsun...

 

Bilirsinizmi, ayaqları yerə basıb, dişləri oyublar. Hər şey çox zəif olub. İnsanlar 50 yaşında artıq qoca hesab edilib. Bu gün biz əczaxanaya gedib normal dərmanlar ala bilirik. Biz Qərbdən geri qalırdıq, amma indi bərabər addımlayırıq", - o, deyib.

 

Vaykule deyib ki, Sovet İttifaqında yaşayan adamlar dünyanın qalan hissəsindən geridə qalıb.

 

"İlk dəfə xaricə gedənlər vitrinlərin qarşısında ağzı açıq qalıb, heç nə anlamırdılar, hansı düyməni basmaq lazımdır...Biz geridə qalmışdıq. Ən əsası, Qərbdə sənin Sovet İttifaqından olduğunu dərhal anlayırdılar. Nədən? İnsanlar qorxu içində olub, hər şeydən utanıb, qorxurdular. Azadlıq olmayıb.

 

"Mən sülh adamıyam". Burada yaxşı nə var ki? Mənə görə, yaxşı o olub ki, biz gənc olmuşuq, ünsiyyət bağlamışıq, çünki başqa heç nə olmayıb. Biz çox ünsiyyətdə olmuşuq. Mənə elə gəlir ki, sovet dövrünün yeganə müsbət cəhəti bu olub", - o, deyib.

 

"Ukraynanın çöküşü barədə düşünmüşəm? Belə bir şeyi bir an belə ağlımdan keçirməmişəm"

 

"Mənim ağlıma gəlməyib ki, ədalətsizlik qalib gələ bilər. Bizi öyrədiblər ki, xeyir qalib gəlir. Başqa cür ola da bilməz. Bu gün gordüklərinə, eşitdiklərinə inana bilmirsən, insanlar sanki ağıllarını itirib, hər şeyi alt-üst edib, hələ Ukraynanı günahkar hesab edirlər ki, o, razılığa gəlmək istəmir, daha nələri istəmir.

 

Mən bir neçə müsahibələr vermişəm və düşünürəm: "Mənin cavab verə biləcəyim şərhlər yoxdur". Çünki elə ağılsız şeylər danışırlar. Cavab verməyə kimsə yoxdur, onlar eşitmir...Onlara elə gəlir ki, mən Rusiyanın əleyhinəyəm", - Vaykule deyib.

 

O, qeyd edib ki, "məsələ Rusiyada deyil, Ukraynaya qarşı törədilən təcavüzdədir. Hər bir normal insan "xətrinə dəyənlərə" kömək edəcək.

 

"Ona görə də Ukraynaya kömək etmək lazımdır. Mən anlaya bilmirəm, bütün bunlara necə dözürsünüz. Çünki biz heç nə edə bilmirik. Sizə dözüm, güc, sağlamlıq və qələbə arzulayıram", - müğənni deyib.

 

O, həmçinin qeyd edib ki, özünü pis hiss edəndə düşünür ki, Ukraynada vəziyyət "dəfələrlə pisdir".

 

"Latviya rusiyalılar üçün sərhədlərini bağlayıb. Biz 90-cı illərdə olduğu kimi, kimsənin gəlib aranı qarışdırmasını istəmirik"

 

"Bizdə ruslara giriş qadağandır. 90-cı illərdən təcrübəmiz var. Litvada da belə olub. Bu, bəlkə də ədalətsizlikdir. Adam ölkəsindən qaçırsa, qapını açıb onu gizlətmək istəyirsən. Bu, normal hiss və arzudur.

 

Amma düşünəndə ki, belələri ilə bərabər başqa niyyətli adamlar da ola bilər, o zaman dövlət, yəqin ki, öz sakinləri barədə düşünməli və onları qorumalıdır", - o, deyib.

 

Müğənni etiraf edib ki, belə hallarda necə davranmağı bilmir.

 

"Biz o qədər təcrübəsizik ki...Xüsusilə artistlər, musiqiçilər. Onlar sadəlövhdür, yaxşıya inanmaq istəyir. Biz pisə, şərə inana bilmirik, buna hazır deyilik. Hər halda mən hazır deyiləm.

 

Mənə elə gəlir ki, "daha insani hərəkət etmək lazımdır". Amma sonra nəyin əsas götürüldüyünü

anlayıram, mən 90-cı illəri nəzərdə tuturam", - o, deyib.

 

Qordon müğənnidən soruşub: "Bu müharibəyə necə son qoymaq olar?" Cavabında Vaykule deyib: "Çox sadə: rusiyalılar, silahlarınızı götürün, Ukraynadan gedin!.."