"Buxarest məmurlarını Böyük Rumıniya layihəsi rahat buraxmır..."

 

"Avropa xəritəsini yenidən tərtib edələr total rusofobiyaya düçar olub"

 

Medvedev Moldovanı təhdid edir...

 

 

Rusiya Təhlükəsizlik Şurası katibinin müavini Dmitri Medvedev Moldovaya xəbərdarıq edərək, Rusiyaya qarşı sanksiyalara qoşulacağı təqdirdə bunun nəticələri ilə üzləşəcəyi ilə təhdid edib.

 

Moderator.az xəbər verir ki, bu barədə o, SİTA-nın xahişi ilə Kişinyovun Avropa İttifaqında namizədlik statusu almasını özünün "Telegram-kanal"ında şərh edib.

 

"Moldova Avropa İttifaqına daxil olmaq üçün onilliklərə uzanan növbədə dayanıb. Yolu açıq olsun! Amma daha tez üzv olmaq istəyir. Ona görə də Avrpopa İttifaqına üzv olmağın başqa üsulu daha aktualdır: yeni Böyük Rumıniyanın yaradılması (Romania Mare)".

 

Medvedev xatırladıb ki, "Brüssel "inteqratorları" tərəfindən ilham alan Buxarest məmurlarını Böyük Vətən müharibəsi illərində Qırmızı ordu tərəfindən dəfn edilən Böyük Rumıniya layihəsi rahat buraxmır".

 

"Son zamanlar onlar açıq şəkildə Moldovanın "leqal" udulması üzrə müxtəlif formatda səylərini artırıb, - Medvedev yazıb. - Həm də Buxarest tərəfindən söhbət hətta "qardaş xalqların" hansısa dövlətəbənzər qurumda birləşməsindən getmir. Rumıniya hakimiyyəti təkəbbürlə Dnestr və Prut çaylararasını özlərinin "müvəqqəti ayrılmış" əyaləti kimi qəbul edir. Ona görə də Moldova cəmiyyətinin yarıdan çoxunun kənardan sırınan anşlyusu qəbul etməməsi təəccüblü deyil. Dnestryanıda sakinlərin mütləq əksəriyyəti isə Böyük Vətən müharibəsi zamanlarının kədəri və əzabları ilə möhkəm assosiasiya olunan Rumıniya bayrağını görmək istəmir".

 

Medvedevin fikrincə, Avropa xəritəsini yenidən tərtib edən müəlliflərin başlıca hərəkətverici qüvvəsi total rusofobiyadır.

 

"Moldova dövlətçiliyinin sürətlə devalvasıyası Ukrayna xətti ilə keçir- ölkəmizə nifrət hissi aşılamaq başlıca vəzifə kimi müəyyən edilir, - Medvedev buna əmindir. - Nasizm üzərində qələbə rəmzi olan Georgi lentləri qadağan edilir, Rusiya KİV-ləri qapadılır, arzu edilməyən müxalifət liderləri müxtəlif bəhanələrlə həbs edilir".

Medvedev baş verənlərə görə Moldova prezidenti Mayya Sandunu ittiham edib.

 

"Öz xalqının xeyli hissəsinin iradəsini görməzdən gələrək, Moldovanın indiki prezidenti ona həvalə edilən ölkənin dövlətçiliyinin üstündən bir həmlə ilə xətt çəkməyə hazırdır", - Medvedev bəyan edib.

 

"Görünür, yeni Romania Mare-də ona uyğun vəzifə vəd edilib. Amma bu, Moldovanın adi vətəndaşlarına lazımdırmı? Axı, onlara heç nə vəd edilməyib. Uzağı Avropa İttifaqında perspektiv vəd edilib. Bunlar isə bahalı enerjidaşıyıcıları və Moldovanın meyvə-tərəvəz və şərabının Rusiya bazarlarından birdəfəlik itirilməsi və, əlbəttə ki, o qədər də zəngin olmayan Moldovanın (bağışlayın, Böyük Rumıniyanın) mağazalarında yüksək Avropa qiymətləri deməkdir.

 

İndi onlar parovozdan qabaqdadır. Öz sahiblərinə xoş gəlmək üçün Avropa İttifaqında olmadan ölkəmizə qarşı sanksiyalara qoşulmağa hazırdır. Nə deyim, qoy özlərini sınasınlar. O zaman onlar 100 faiz əmin ola bilər ki, bizdən nəinki "bahalı" enerji və digər resursları, ümumiyyətlə, heç nə ala bilməyəcək. Qoy Avropa İttifaqına düşmədən, sanksiyalardan feyziyab olsunlar".

 

Öz hədə-qorxularını Medvedev Moldovanın NATO ölkələri ilə ittifaqı halında Rusiyanın mümkün reaksiyasına eyhamları ilə möhkəmləndirir.

 

"Əgər Moldova ilə Rumıniyanın anşlyusu ətafında ciddi proseslər başlayarsa, nəzərə almaq lazımdır ki, Dnestryanıda 220 minədək Rusiya vətəndaşı yaşayır", - Dmitri Medvedev xəbərdarlıq edib.