Moderator.az ənənəsinə sadiq qalaraq çoxsaylı oxucu xahişlərini nəzərə alıb və saytda "Ədəbiyyat" bölümü yaradıb. Bu dəfə də Sizləri daha bir yaradıcı insanın şeirlə yoğrulmuş düşüncələri ilə tanış etmək istəyirik:

Abbasova Fidan Elman qızı 1986-cı ildə Ucar rayonunda anadan olub.1993-204-cü illərdə Ucar rayon 1 saylı orta məktəbdə təhsil alıb.Bakı Dövlət İqtisadiyyat və Humanitar Kollecinin Mühasibat uçotu və audit fakültəsini qırmızı fərqlənmə diplomu ilə bitirib. Hal ”“ hazırda Əmlak Məsələləri Dövlət Komitəsinin 10 saylı ərazi şöbəsində Aparıcı Komputer Mütəxəssisi işləyir.

Ədəbiyyata, poeziyaya erkən yaşlarından maraq göstərir.Dövri mətbuat səhifələrində şeirləri ilə çıxış edib.Şeirləri və Azərbaycan Xalqının Ümummilli Lideri Heydər Əliyev haqqında olan poeması “Ziyalı”, “Vətəndaş Həmrəyliyi”, “Abşeron” qəzetlərində dərc olunub.Rayon üzrə iki dəfə birinciyiliyə layiq görülüb və Fəxri fərmanla təltif olunub.Azərbaycan Dövlət Konservatoriyasında fərdi müəllim yanında muğam dərdləri üzrə təhsil alıb.2013-cü ildən Azərbaycanın Mədəniyyət və Ədəbiyyat Portalının Mətbuat xidmətinin rəhbəridir."Gənc Ədiblər Məktəbi"nin üzvüdür.

Ömrün yollarına səpilən gül tək,

Bir gün çiçək açar, bir gün də solar.

Bu yolda gərəkdir birlikdə gedək

Ən doğru yolumuz elə bu olar.

Ayıra bilməsin bizi kimsələr

Həsrətlə baxsınlar qoy sevgimizə

Oyanıb düşündüm hər gün-hər səhər

Bu sevgi yazılıb ürəyimizə.

Mən xoşbəxt kəslərin arasındayam

Yanımda sən varsan, milyonlar kimi

Bilmirəm zirvənin harasındayam

Bax, necə dillənir qəlbimin simi.

Həsrət qonaq olmaz daha bizlərə

Gəl birgə əll-ələ keçək bu yolu

Qulaq assaq əgər yalan sözlərə

O zaman gələcək sevginin sonu.

Mən sevdim,sevəcəm ömrüm boyunca

Sən mənim dünyamın şah əsərisən

Sarılıb boynuna bir gün doyunca

Fidandır, sevgidir və birdə ki, sən”¦”¦”¦”¦”¦”¦”¦”¦”¦

Bəzən yoxluğuna alışsam da mən

Sanki bir il olur görüşməyəli

Tamamən dəyişib üz cizgilərin

Artıq unutmuşam deməli səni.

Bəlkə də bu sözlər oxuduğun an

Qəlbinə bir bıcaq saplayacaqdır

O mənli günlərdən xatirimizdə

Ən acı, ən iyrənc gün qalacaqdır.

Nə qədər taleyi bədbəxt olanalar

Sonradan ayağa qalxıb dirilib

Deməli bir insan sevmir yalandır

Onun məhəbbəti kinə çevrilib.

Ehtiyac duyduğun zamanlarda mən

Sənin yorğanındım soyuqdan kəsə

Deməli başqası gəlib qəlbinə

Mənim əvəzimdən doğmadır nəsə.

Nə deyə bilirəm, acı bir kəlmə

Nə etdin qarşılıq olacaq bir gün

Bir arzum qalıbdır heç vaxt sevilmə

Peşman ol yaşayıb sən hər gün deyin.

Bitirib cümləmi sona yazıram

Bəlkə bu sözlər də artıqdır sənə

Verdiyim əhdimi indi pozuram

O saxta xəyalar yaraşmır mənə.

Fidan sanma səni xatırlayacaq

Bu gediş son gediş ağılında tut

Mənim əvəzimdə mən olmayacaq

Onunçun ömürlük sən məni unut”¦”¦”¦”¦”¦”¦

Bu dünyada vəfa yoxdur olsa ”“ olsa qəm gətirər

Gül sandığın tikan olub çəmənlikdə kol bitirər

Sevən insan vicdan bilib ürəyində yar götürər

Niyə mənim taleyimi belə yazdın, Ulu Tanrım?

Yəqin mən də günhakaram, öz yolumu bir az azdım”¦”¦”¦”¦”¦..

Qəlbində bir insaf varsa doğru görüb doğru düşün

Nə mənası acı sözlə, təhqir edib pis söyüşün

Yaxşılığı savab üçün göstər de ki, budur işim

Niyə həyat amansızdır bizə qarşı, Ulu Tanrım?

Ürəyimdə insafsıza özü boyda məzar qazdım.

Məni dost bil deyən kəslər gün gəlincə qaçıb getdi

Bir yuxutək yatmış olan arzular da gözdən itdi

Bir gün varam, bir gün yoxam, kim axtardı mərak etdi...

Niyə insan övladının sözü belə, Ulu Tanrım?

Yalan olan yerdə mən də doğru olan şeir yazdım.

Ürəyimi üzən qəmdən sevinc bilib tutan Fidan

Hər kölnünü yaxın bilib sonra səni yalan yozan

Qulağıma səhər tezdən dinlədiyim duam Azan

Məni daha sınaq etmə, yorulmuşam, Ulu Tanrım

Yaşadığım bu ömürdə kaş heç bir də olmayaydım”¦”¦”¦”¦”¦”¦

Nəyin cəzasını çəkdirdin mənə?

Guya ki sən özün əzab çəkmədin

İstəsən daha çox sevə bilərdin

Sevməyə cəsarət edə bilmədin.

İndi düşünürsən sənsiz ölmüşəm

Unutma, o sevgi nağılda qalıb

Danmıram bir zaman mən də sevmişəm

Artıq o günlərim geridə qalıb.

Səni dünənimdə qoyub gedirəm

Sabahım yeni gün gətirəcəkdir

Sanma ki, bir daha sevə bilmərəm

Bu qəlb sənsiz belə seviləcəkdir.

Duyğular bitəndə insan soyuyur

Ətrafda min insan olsa da belə

Ürək yalanlardan o qədər doyur

Sevirəm kəlməsin gətirmir dilə.

Təəssüf, dünyamın qonağı oldun

Fidan, hər gedişin bir dönüşü var

Bir gün hər şeyimdin indi yox oldun

Gedənin yerini zaman doldurar”¦”¦”¦”¦”¦”¦”¦

* * *

Susqun ürəyimi açıram sənə

Sanma ki, unudub sevəcəyəm mən

Bir söz tapsam əgər ağlar qəlbimə

Yenidən dünyaya göz açaram mən.

Bu həsrət nə qədər incitsə məni

Günahı özümdə axtaracağam

Demirəm unudub mən də dünəni

Sabahdan Günəşlə yarışacağam.

Əllərim soyuyub buza dönsə də

O isti nəfəsin gözlərimdədir

Ömrümün çırağı daha sönsə də

Sevgin əbədiyən ürəyimdədir.

Fidan, bir ürəyə qonaq olma heç

Sonunu ayrılıq yazır bu kədər

Bir xoş xatirətək anıb səndə keç

Bir gün gəldiyi tək o dönüb gedər”¦”¦”¦”¦”¦.

Bir rəsmə görə sevirlər indi

Neynəsin zəmanə, insanlıq ölüb

İndi ən bahalı qəlbin cibindi

Kasıbda pul olmur cibi sökülüb.

Axtarır "Ağ atlı oğlan" yerinə

İndiki qızların çoxu ”ağ Nissan”

Nə bir söz tapılır, nə də bir cümlə

Ən çox pulu olan sayılır insan.

Sevgilər düşübdür qiyməti yoxdur

Hər kəsin öz tərzi, öz sevgisi var

Soruşma heç kimdən qiyməti nədir

O qədər ucuzdur alan tapılar.

Nə deyək hər insan bir cür yaşayır

Bəlkə də ən rahat yolu da budur

Nə deyək sizlərə, ay saxtakarlar

Sizin kimilərdən hər yan doludur.

Ay Fidan, bəsdir, bu yalanları sən

Vecinə aldıqca gücün tükənər

Ən gözəl qoy qalsın hər kəs özüyçün

Kim kimi istəyir, onu da sevər.