“Öncə doğum günümü təbrik etdiyiniz üçün sizə və kollektivinizə öz təşəkkürümü bildirirəm. Doğum günü əslində balacalar üçün daha maraqlıdır, tort, şam, hədiyyələr və s. Balacalar doğum günlərində çox sevinirlər. Mənim üçün nə doğum günü? (gülür). Mən heç vaxt dəbdəbəli doğum günü qeyd etməmişəm, yadıma gəlmir. Mən sonbeşiyəm, bacılarımın doğum günü təmtəraqla qeyd olunurdu, məni isə bir gəlinciklə yola verirdilər (gülür)”, - deyə xalq artisti bildirib.

 

“Əslində mən fotosessiya sevmirəm. Hesab edirəm ki, müğənni daha çox musiqisi ilə tamaşaçı qarşısına çıxmalıdır. Amma bu günün tələbatı belədir ki, yutub-mahnı təqdimatı və s. hər yerdə kliplə, mahnılarla birlikdə rəsmlər də təqdim olunmalıdır. Yeni-yeni mahnılar hazırlayacağıq. Çünki işimiz budur. Musiqi ruhun, qəlbin qidasıdır. Ona görə də ondan heç vaxt imtina etmək olmaz. Düzdür, əhval-ruhiyyəmiz musiqiyə görə deyil, amma yenə də özümüzdə güc tapıb, musiqini yaşatmalıyıq”, - deyə bildirib.

 

 

“Biz bütün qohum-əqrəba hamımız mehribanıq. Hər zaman bacılarımın qayğısını görmüşəm, mən də onlara əlbəttə ki, qayğı ilə münasibət bəsləyirəm. Onlara da, onların övladlarına da, nəvələrinə də. Bilirsiniz ki, bacımın nəvəsi Arzu mənim qızım sayılır, qucağımda böyüyür. Bütün xasiyyətləri də mənə bənzəyir. Əlbəttə ki, qohum-əqrəba, mehribançılıq gözəldir. Biz də çalışırıq hər zaman bir-birimizə mehriban olaq. Bundan əlavə, mənim bir xasiyyətim də var, saç ustam artıq 20 ildir ki, bir insandır, makiyaj ustam da həmçinin. Makiyajım üstündə hər zaman Ruha çalışıb. Son zamanlar sadəcə Ruhanın xarici ölkələrdə işi çox olur, Bakıda olmur. Ona görə də Ruha səviyyəsində mənim üçün Elnurdur. Heç nəyi həddindən artıq etmir. Çox sadə və düzgün, rəssam səviyyəsində çalışır. Artıq bir neçə ildir ki, biz Elnurla çalışırıq. Evimdə 28 il bir qadın çalışıb, 15 il bir başqa qadın. Mən insanları dəyişməyi xoşlamıram”, - deyə xalq artisti Brilliant Dadaşova bildirib.