Uca Allah Raziqdir və Öz hikməti əsasında bəzilərinə az və bəzilərinə çox ruzi vermişdir. Müqəddəs Quran buyurur ki, zəngin olmaq hamıya aid deyildir.

 

“Əgər Allah bəndələrinin ruzisini bol etsəydi, şübhəsiz, yer üzündə zülm və tüğyan edərdilər. Lakin O, istədiyini qədər və ölçü ilə nazil edir. Çünki O, bəndələrin(in vəziyyətin)dən xəbərdar və (onların halını) görəndir”. (“Şura” 27).

 

 

 

Allah Təala bu ayə ilə yuxarıdakı sualı cavablandırır və buyurur ki, əgər bu dünyada hamı zəngin olsaydı, o zaman insanlar zülm edər və tüğyan edərdilər. Çünki bu, insanın təbiətində vardır. Allah da bəndələrinin təbiətindən xəbərdar olduğu üçün, bəzilərini zəngin və bəzilərini isə yoxsul etmişdir.

 

 

 

Bəndələrin zəngin və yoxsul olmasında onların əməllərinin rolu da böyükdür. “İnsanların öz əlləri ilə etdikləri (böyük günahlar) üzündən suda və quruda fəsad (zəlzələ, tufan, qıtlıq, xəstəlik, müharibə, qətl, əmniyyətsizlik) aşkar olur. Bununla (Allah) onlara etdiklərinin bəzisini daddırır ki, bəlkə Allaha tərəf qayıtsınlar”. (“Rum” 41).

 

 

 

 

 

 

Bəzən insan mal və dövlətə çatan kimi tüğyan edər və başqalarına zülm edər. Özünü hamıdan ehtiyacsız hiss edər, hətta Allahdan belə. Ona görə də bu dünyada yaşayan insanların hamısının zəngin olması nə insanlara fayda gətirir, nə də Allah bəndəsi olmağa səbəb olur. Allah Təala etdiklərini hikmət üzərindən edir.

 

 

 

Ona görə də ey insanlar! Allahın bizə az nemət verdiyi üçün gileylənməyək. Əksinə, verdiklərinə görə şükür edək ki, Allah nemətlərimizin sayını artırsın və bizə bəndəlik yolunda yardım etsin. (Beytutə)

 

 

/Deyerler.org/