Moderator.az fevralın 9-da Milli Məclisə keçiriləcək növbədənkənar seşkilərdə 120 saylı Cəbrayıl-Qubadlı seçki dairəsindən millət vəkilliyinə bitərəf namizəd, minlərlə insana şəfa verən tanınmış cərrah İsmayılov Mahmud Uğurlu oğlunun seçki platformasını təqdim edir:

"Mən 14 noyabr 1968-ci ildə Cəbrayıl rayonunda anadan olmuşam. 1989-cu ildə Azərbaycan Tibb Universitetinə qəbul olmuşam, 1995-ci ildə həmin universiteti fərqlənmə diplomu ilə bitirmişəm. 2007-ci ildə namizədlik dissertasiyası müdafiə edərək “tibb elmləri namizədi” alimlik dərəcəsi almışam. 2005-2012-ci illərdə ATU-nun uşaq cərrahlığı kafedrasında işləmişəm. Xarici ölkələrdə keçirilən çoxsaylı konfransların iştirakçısıyam. Nəsimi rayon 12 saylı uşaq poliklinikasında və “Premium” klinikada işləyirəm. Hal-hazırda doktorluq dissertasiyası üzərində işləyirəm.

 Mən İsmaylov Mahmud Uğurlu oğlu millət vəkilliyinə namizəd kimi sizləri salamlayıram. Sadə zəhmətkeş bir ailənin övladı kimi bu gün el-obamızın bu çətin günündə sizlərin həyatına biganə qalmamaq ücün seckilərdə iştiraka qərar verdim. Yaşadığımız bu məşəqqətlər, doğma yurdumuzun işğal altında olması həmişə bir Ziyalı olaraq məni narahat edib və qəlbimdə silinməz izlər buraxıb. Həmyerlilərimin ağır sosial durumu ilə barışa bilmirəm, buna görə də ALİ kürsüdən haqq səsimi qaldırmağı özümə borc bilirəm. Bizim yaşadığımız bölgə özünün ziyalıları, zəhmətkeşləri və halal insanları ilə seçilib. Bu gün də mən sizlərə güvənərək bu yola cıxmağa qərar verdim. Həkim olaraq həmişə gecə gündüz demədən, el-obanın yanında olmuşam və bundan qürur duymuşam. Mən bir ziyalı, həkim kimi soydaşlarımızın sağlamlıq durumu ilə bağlı daha ciddi islahatlar aparılmasını zəruri hesab edirəm. Daha ədalətli və işlək qərarların qəbul edilməsi və bu qərarların işlək mexanizminin tapılması ücün daha cidi işlərə ehtiyac var. Müxtəlif zamanlarda elimizi Milli məclisdə təmsil edən, nəbzi xalqımızın nəbzi ilə döyünən ziyalılarımız olub. Onları xoş hislərlə anıram. Bacardıqlarını ediblər. Amma bu günlər daha cıddi və səmərli şəkildə söydaşlarımızın istək və arzularının ALİ kürsülədən ifadə etməyə ciddi zərurət yaranıb. Mən bu seckilərdə bitərəf olaraq iştirak edirəm. Hesab edirəm ki bizim xalq olaraq həmrəyliyə, birliyə daha cox ehtiyacımız var. Ədalət naminə demək lazımdır ki dövlətimiz  tərəfindən məcburi köckünlərin sosial rifah halının yaxşılaşdırılması istiqamətində lazımi adımlar atılır. Ancaq heç bir şey torpaq həsrətin əvəz edə bilməz. Təəsüff  ki, torpaqlarımız işğaldan azad edilməyib. Hələ də beynəlxalq aləmdə problemlərimizə ikili standart qalmaqdadır.

Zaman bizi gözləmir, vətən həsrəti ilə dünyasını dəyişən  doğmalarımızın sayı artmaqdadır.  Bu məsələ bizim ücün milli faciədir. Tələsmək lazımdı. Daha cevik, məcburi köckün soydaşlarımızın acınacaqlı həyatını özündə ehtiva edən qərarlara ehtiyac var. Bu barədə olan düşəcələrimi və təkliflərimi sistemli olaraq təklif etmək, qəbuluna və icrasına nail olmaq ücün sizlərdən, elimdən-obamdan səlahiyyət almağı özümə  mənəvi borc bilirəm. Digər soydaşlarımızdan fərqli olaraq bizim problemlərimizə daha həsas yanaşılmalıdı. Kecən 26 il bizlər ücün  təkcə vətən itkisi yox, həm də genefondumuza vurulan ağır sarsıdıcı zərbələrlə tarixə qovuşur. Bunlar hər birimizin həyatında ağır izlər buraxmaqdadır. Sevindirici hal ondadır ki, bu gün onlarla vətəndaşımız elimizin obamızın elçisi olmaq ücün iddialıdı. Mən hər birinə hörmətimi, isti duyğularımı bildirirəm. Əziz soydaşlarım, biz həmişə Cəbrayilli, Qubadlılı olmağımızla fəxr etmişik. Və bu gün də köksümüzdə bir Cəbrayıl adını qoruyub saxlamışıq. Mən adımıza-sanımıza, qarşısında baş əydiyim ağsaqqal, ziyalı insanlarımızın adına layiq bir mübarizənin tərəfdarıyam. Bu seçki də bizlər ücün bir sınaqdı . Hesab edirəm ki bu yarışmada uduzan olmayacaq. Soydaşlarımız bu mübarizədə layiqlı namizədini secməklə qalıb gəlməlidi.

Mən “asfalt salıb”, “yol düzəltməyəcəyəm”...

Lakin,

- Millət vəkiliniz kimi sizin aranızda olacağam. Vaxtaşırı görüşünüzə gələcəm. 

- Ermənistanla-Azərbaycan arasındakı  müharibənin ən qısa zamanda yekunlaşmasını tələb edəcəyəm.

-Münaqişənin həllinin bu qədər uzanmasının səbəblərinin açıqlanması, xalqa ətraflı izahat verilməsini tələb edəcəyəm.

-Münaqişənin həllində üstünlüyü ələ almaq üçün çox vacib olan informasiya sisteminin qurulması haqda hazırladığım təklifləri hökumətə təqdim edəcəm və bunun  ardıcıl şəkildə həyata keçirilməsi üçün çalışacam. 

-Döyüş vaxtı ən yaxşı müdafiə hücumdur. Nə qədər ki qol vurmamısan qalib gələ bilməzsən taktikasınin həyata keçirilməsini tələb edəcəm.

- Bütün müraciət və təkliflərinizlə birbaşa tanış olub lazımi tədbirlərin görülməsinə çalışacağam.

- Yaşadığınız qəsəbənin sosial-iqtisadi inkişafına nail olmaq üçün konkret, əsaslı təkliflər verib qəbuluna çalışacağam.

- Ərazidə olan bütün nöqsanların cavabdeh orqanlar tərəfindən dərhal aradan qaldırılmasını tələb edəcəm.

- Ərazidə kiçik müəssisələrin açılmasına və işsiz sakinlərin orada işlə təmin olunmasına çalışacağam.

- İpoteka şərtlərinin maksimum sadələşdirilməsi və sosial həyata uyğunlaşdırılmasına çalışacağam.

- Əmək haqqlarının bazarın tələbatına uyğun nizamlanmasına çalışacağam.

- Soydaşlarımıza layiqincə sahib çıxma siyasətinin yürüdülməsini təmin etmək, Azərbaycan Respublikasını dünya azərbaycanlılarının öz dövləti, ümid yerinə çevirmə siyasətini Parlamentdə təmin etmək mənim əsas məqsədim olacaq.

- Türk dünyasına inteqrasiyanın sürətləndirilməsi və münasibətlərin iqtisadi, siyasi və hərbi müstəvidə qurulmasını təkid edəcəyəm".