Bu günlərdə internet saytlarından birində Laçın Rayon İcra Hakimiyyətinin başçısı Aqil Nəzərli haqda əxlaqa sığmayan ittihamlarla dolu növbəti video-yazı təqdim edilib.

Moderator.az  saytına Laçın Rayon İcra Hakimiyyətinin sabiq başçısı Ramiz Cəbrayılovun bəhs edilən materiala münasibətini ifadə etdiyi yazısı daxil olub. Həmin yazını olduğu kimi nəzərinizə çatdırırıq:

“Adını çəkmək istəmədiyim qondarma saytlardan birində  Laçın Rayonu İcra Hakimiyyətinin hazırkı başçısı Aqil Nəzərli haqda üzdəniraq yazını görəndə yadıma ismini Azərbaycan kino tarixinə qızıl hərflərlə yazmış gözəl aktyorumuz, ziyalımız Rasim Balayevin mənəviyyatdan, ailədən, namus-qeyrətdən xəbəri olmayanların xalqa namus-qeyrət, əxlaq dərsi keçməsindən bəhs etdiyi son müsahibəsi düşdü. Və Rasim müəllimin təbirinsə desək,  özləri çirkab içində boğulanların rayon camaatına və rəhbərliyinə təmizlik, əxlaq, namus dərsi keçmək cəhdi  öncə qəlbimdə ikrah hissi doğurdu. Amma az sonra diqqətlə baxdıqda bu bədxahlıq məhsulu mənə çox tanış gəldi. Aydın oldu ki, eyni qəliblə yazılmış, şablon bir cızma-qaradır.  Sanki bu, özüm həmin rayonda icra hakimiyyəti başçısı işlədiyim dövrdə  qondarılmış yalan, böhtan, təhqir dolu eyni qarayaxmalardan biridir. Sadəcə, ad-soyadlar dəyişdirilib. Yəni o yazılardakı Ramiz Cəbrayılov yerinə, indi Aqil Nəzərli yazılıb. Bizdən öncəki icra başçılarının dövründə də eyni dəst-xətlə yazanlar olub. Təşkilatçılar isə yenə də eyni məxluqlardır... 

Yadımdadır ki, mən icra başçısı işləyəndə bu məxluqlar  nadanlardan birinə guya mənim qızımın Bakıda hansısa şadlıq sarayında toyunun keçirildiyi və 3 milyon dollar pul yığılması haqda bir hədyan yazdırmışdı.  Halbuki, həmin vaxt mənim  yeganə övladım olan qızım 8-ci sinifdə oxuyurdu. Və təbii ki, deyilənlər rayon sakinlərinin məni tanıyan böyük bir hissəsinin də təsdiqləyə biləcəyi ağ yalan idi... 

Çox təəssüf ki, bu səpkili şər-böhtanlara hələ Laçın işğal olunmamışdan öncədən alışmışıq. Elə o vaxtdan laçınlı olsa da, ailələrinin milli mənsubiyyəti bəlli olmayan, namus-qeyrət, abır-həya kimi dəyərlərdən, insanlıq, kişilik meyarlarından uzaq bəzi məxluqlar rayonumuzun rəhbər şəxsləri və ziyalılarına qara yaxmaqdan  çəkinməyiblər. Və nə yazıqlar ki, belələri erməni işğalından sonrakı, laçınlıların əzablı məcburi köçkün həyatına məhkum olunduğu ağır günlərdə də öz murdar mərəzlərindən əl çəkməyərək fəaliyyətlərini davam etdirdilər. Onu deyim ki, torpaqlarımızın, o cümlədən Laçının işğalında da həmin millətimizə yad xislətli, milli mənsubiyyəti bəlli olmayanların da dırnaqarası “töhfəsi” olub... 

Belələri daim bulanıq suda balıq tutmaq niyyətində olublar.  Halbuki, Laçın camaatı, Laçın el-obaları dövri-qədimdən hər şeyin yerini, qiymətini, dəyərini bilib, yaxşını-pisdən ayırmağı bacarıb və bu cür yaramazların cavabını verib. Eyni zamanda hesab edirəm ki, bu gün Laçının hər hansı bir rəhbər şəxsinə, ziyalısına jurnalist adına layiq olmayan muzdlu bişərəflərin dəstəyi ilə reket qəzet və saytlarda atılan böhtan və qarayaxmalar hər bir laçınlıya ünvanlanır. Odur ki, bütün Laçın ictimaiyyəti bu cür olaylara, cızma-qaralara sərt təpki göstərərək onları yazanlara da, təşkil edib maliyyə buraxıb yazdıranlara da öz yerlərini tanıtmalıdır. Onlara bildirməliyik ki, Azərbaycan, Qarabağ, o cümlədən Laçın camaatının bir düşməni var, o da işğalçı ermənilərdir. Yetər, çəkilin bu yoldan! Hələ sovet dövründən bəri bu cür şər-şəbədələrlə, dost-yoldaşınıza badalaq gəlməklə nəyə nail olmusunuz? Düzdür, bəziləriniz belə hoqqabazlıq və kələkbazlıqla özünüzə müvəqqəti də olsa, vəzifə kürsüsü, var-dövlət, övladlarınıza ev-eşik, karyera qura bilmisiniz. Amma onu bilin ki, Laçın camaatı arasında bir qotur keçi qədər də dəyəriniz yoxdur. Bilin ki, övladlarınız da üzdə deyə bilməsələr də, qəlblərinin dərinliyində sizin bu ləyaqətsizliyinizdən xəcalət çəkir.  Odur ki, bu günədək qazandığınız pul-para da insani, mənəvi baxımdam mənasız, gərəksiz bir şeydir... 

Öncə dediyim kimi, həmin bu qaragüruh dəstəsi mənim icra başçısı çalışdığım dövrdə də eyni qarayaxma kampaniyaları ilə məşğul olub, şərlə dolu nəfslərindən cızma-qaralar ifraz ediblər. Bunlar həmişə milli, ictimai baxımdam şüursuz adamlardan yararlanaraq özləri daim kölgədə, arxa planda qalıblar. Ancaq xalq belələrini gözəl tanıyır və onu da bilir ki,  onlar ermənilərin bizə yaxmadıqları iftiraları yaxırlar. Əgər ermənilər də Azərbaycan xalqı, xüsusən işğal altındakı bölgələr, o cümlədən Laçın camaatı arasında ayrı-seçkilik, qarşıdurma yaratmağa çalışırlarsa, onda bizim “milli” intriqabazlarla ermənilərin fərqi nədir?.. Yeri gəlsə, bu çirkin şər-şəbədə kampaniyalarını təşkil edənlərin, cızma-qaraların üzdəniraq müəlliflərinin arxasında duranların kimliyi, milli mənsubiyyəti araşdırılsa, onların mütləq şəkildə ermənilərlə qohumluğu üzə çıxar...  

Laçın rəhbərliyinə çirkab kampaniyası icraçılarının arasında elələri də var ki, kişi adına yaraşmayan xislət, davranış və əməllərinə görə həbsxanada bədənlərinə qəbir evinədək daşıyacaqları xüsusi döymələr həkk olunub. Belələri heç olmasa, daşıdıqları o bişərəflik, nakişilik damğalarına baxıb utansınlar. Çifayda, onlarda utanan-qızaran üz yoxdur... Məşhur “Kəlilə və Dəminə” dastanındakı  bir beytdə deyildiyi kimi: 

“Əqrəbin sancması deyil ədavət,

Onun qanındadır bu iyrənc adət...”

Bu gün belələrinin namus-qeyrətdən danışmağa haqqı varmı? Milli mənsubiyyəti bəlli olmayan, milli-mənəvi, əxlaqi dəyərlərdən uzaq, milli dövlətçiliyin, Vətən torpağının müqəddəsliyini anlamayan belələrinin əldə etdikləri, yedikləri maddi nemətlər gec-tez onların burunlarından gələcək... 

Bu minvalla bir qrup yaramaz öz nanəcib əməlləri ilə rayonumuzun adına xələl gətirməyə çalışır. Ancaq Laçının milli əqidəli, dərrakəli, vicdanlı sakinləri də gözəl bilirlər ki, Qarabağın, eləcə də Laçının azadlığı yolu  respublika və rayon rəhbərliklərinin ətrafında sıx birləşməkdən keçir... Bu şərəfli yolda hər bir rayon sakininə uğurlar diləyirəm...

Ramiz Cəbrayılov,  Laçın Rayın İcra Hakimiyyətinin  sabiq başçısı”.