“Hərbi Jurnalistlər” İctimai Birliyinin rəhbəri, hərbi ekspert Üzeyir Cəfərov facebook səhifəsində maraqlı status paylaşıb. Moderator.az həmin statusu oxucuların diqqətinə çatdırırıq:

“Dəyərli dostlar, hörmətli həmkarlar!!!

Mən çox nadir hallarda ixtisasıma və peşəmə uyğun olmayan yazıları səhifəmdə paylaşır və rəy bildirirəm. O da olsa, bu daha çox ictimai əhəmiyyət kəsb edən və Azərbaycanımıza, xalqımıza birbaşa dəxli olan və bizim maraqlarımıza toxunan yazılar olduqda biganə qalmaq mümkün olmur. Amma son günlər millətimin və xalqımın çox əcaib şəkildə sakit, susqunluqla seyr etdiyi rəzalətə dözə bilmədiyim üçün bu haqda öz fikirlərimi qısaca da olsa burada bölüşməyə qərar verdim. Sadəcə baş verən rüsvayçılığa və rəzalətə əlaqədar qurumların, adını ziyalı qoymuş xeyli qadın QHT-lərin də sadəcə seyrçi mövqe sərgiləməsi başadüşülən deyil. Yeganə təsəllimiz odur ki, heç olmasa bəzi həmkarlarımız prinsipial mövqe sərgiləyərək öz etirazlarını dilə gətiriblər. Elə aşağıdakı yazının müəllifi hörmətli Raminə xanım Eyvazqızına və Qafqazinfo saytına minnətdarlıq etmək istərdim. Özünü çox gülünc vəziyyətə qoyan bir qadın 75 milyon Türkiyə Respublikasının və 10 milyona yaxın Azərbaycan Respublikası vətəndaşlarını öz aləmində guya barmağına dolayıb. 64 yaşlı bir qadının hamının aydın şəkildə başa düşdüyü və onun öz dilindən eşitdiyimiz sözü sonradan guya düzgün anlaşılmadığını deməsi, danması, bir daha bu qadının yerində olmayan əxlaqından və səhv yolda olmasını açıq şəkildə sübut etdi. Ola bilsin onun söylədiklərini Türkiyə türkləri tam başa düşməsinlər. Amma biz azərbaycanlılar ki, onun nə deməsini çox böyük xəcalət və utanclıqla həm eşitdik, həm də şahidi olduq. Buna bu qadının hansı təkzibi,yaxud bəraətverici arqumentləri ola bilər ki??!! Şəxsən mənə ağır gələn, içimi ağrıdan o məqamdır ki, nədən bu özünü get-gedə daha biabırçı, rüsvayçı duruma salmaqda davam edən qadına başa salan bir nəfər tapılmır ki, ayıbdır, bəsdir və yetər artıq. Nəslini-kökünü, özünü və Azərbaycan Qadını adında yüksək əxlaqlı, ismətli və həyalı ana və bacılarımızı rüsvay etmə, yanlış yoldan geri dön. Mənə elə gəlir ki, bu yolunu düzgün seçməyən qadın orada nə qədər çox qalsa, Azərbaycanlı xanımlarının indiyə kimi formalaşmış yaxşı adını və imiclərini heçə endirməkdə davam edəcəkdir. 
Allah sonrasından saxlasın!!”