Moderator.az xəbər verir ki, mövzu ilə bağlı Teleqraf.com-a danışan hüquqşünas Sahib Məmmədov bu məsələdə fərqli situasiyanın yarandığını bildirib.

 

 

 

“Misal üçün Nazirlər Kabineti Prezident tərəfindən buraxıldıqda digər bir aktla növbəti kabinet formalaşana qədər həmin şəxslərin səlahiyyətini davam etdirməsi tapşırılır. Amma parlament buraxılarkən bunu etmək mümkün olmur. Çünki bu, hakimiyyətlərin bölgüsü prinsipinə ziddir. Hüquqi məntiqlə isə buraxılmış parlamentin səlahiyyətləri bitmiş sayılmalıdır”.

 

 

“Əgər parlamentin öz vaxtı bitib növbəti seçkiyə getsə, burada hər şey bəlli olur. Çünki parlamentin seçkiləri keçirilib, yeni tərkibdə ilk sessiya başlayana qədər Milli Məclisin deputatları səlahiyyətlərini saxlayır. Parlamentin buraxılması halında isə konstitusiya bunu tənzimləmir”.

 

 

 

“Yəni parlament beynəlxalq təşkilatlarda və hər hansı bir toplantıda Azərbaycanı təmsil edə bilir. Millət vəkilləri də bu statusda həmin proseslərə qatılır.

 

Sadəcə olaraq indi millət vəkilləri məzuniyyətdədir deyə Milli Məclis deputatlarının faktiki olaraq fəaliyyəti dayanıb. Amma deputatlar məzuniyyətdə olmasına baxmayaraq ayrı-ayrı millət vəkilləri beynəlxalq təşkilatlarda öz statuslarına uyğun iştirak edir. Çünki onların statusu növbəti parlament formalaşana qədər öz qüvvəsini saxlayır”.