![Əli Kərimli mətbuat konfransında kimlərə mesaj ünvanladı?](https://moderator.az/cphoto/670x420/2013/06/20/464293.jpg)
AXCP sədri Əli Kərimli son zamanlar partiyanın üzləşdiyi təzyiqlərlə bağlı mətbuat konfransı keçirib.
Moderator.az “Media forum” saytına istinadən xəbər verir ki, iyunun 20-də Reportyorların Azadlıq və Təhlükəsizlik İnstitutunun mətbuat mərkəzində keçirdiyi mətbuat konfransında Əli Kərimli deyib ki, əvvəllər partiyanın rayonlarda reallaşdırdığı konfranslara, tədbirlərə, toplantılara polis müdaxilə etmirdi: “Son bir neçə ay ərzində AXCP-nin rayonlarda keçirdiyi konfranslara polis və hakimiyyət orqanları tərəfindən qanunsuz müdaxilələr edilib. Ağstafa, Sabirabad, Şəki, Ağdaş, Lerik, Lənkəranda keçirdiyimiz tədbirlər polis zorakılığı ilə dağıdılıb, kütləvi həbslər baş verib, bəzi hallarda isə cəbhəçilərin avtomobilləri əzilib, üzvlərimizə xəsarətlər yetirilib. Mən buradan bir neçə mesajı çatdırmaq istəyirəm.
Əvvəla, bu baş verənlər hakimiyyətin sistemli fəaliyyətinin nəticəsidir. Çünki olanlar təsadüfən təkrarlanmır. İki ay ərzində 7 rayonda oxşar hadisələr baş verirsə və AXCP-nin tədbirlərinə hücum edənlər yerli icra hakimiyyəti orqanlarının nümayəndələri, YAP fəalları olursa, zorakılıq polisin gözü qabağında gerçəkləşdirilirsə, deməli, bu, Azərbaycan hökumətinin müxalifətə qarşı planlı və məqsədyönlü siyasətidir. İkincisi, hakimiyyət daxili siyasətini o dərəcədə sərtləşdirib, zorakılığa o səviyyədə üstünlük verib ki, 80-100 nəfər cəbhəçinin iştirakı ilə keçirilən partiya yığıncaqlarına belə dözümsüzlük göstərir. Hətta AXCP Gənclər Komitəsinin 10-15 üzvünün rayonlarda bir yerə yığılmasına da imkan verilmir. Gənclər Komitəsi ümumrespublika konfransına hazırlaşır, amma gəncləri şəxsi mənzillərdə belə toplaşmağa qoymurlar. Çünki hökumət bunu özünə təhlükə hesab edir”.
Əli Kərimli bildirib ki, AXCP üzvlərinin üzləşdiyi təzyiqlər bir çox halda cinayət xarakteri alır, insanlara bədən xəsarətləri yetirilir, şəxsi mülkiyyətə ziyan vurulur: “Baş verənlər şəxsiyyət və mülkiyyət əleyhinə olan cinayətlərdir. Hüquq mühafizə orqanları isə bu cinayətlərin qarşısını almır, onları ört-basdır edir. Hakimiyyət cinayətləri araşdırmağa belə cəhd göstərmir. Mən mətbuat vasitəsilə ilk növbədə daxili işlər naziri Ramil Usubova və baş prokuror Zakir Qaralova müraciət edirəm. Ölkənin güc strukturlarının bir partiyanın əlində repressiya alətinə çevrilməsi artıq bəsdir. Azərbaycan polisi dövlətə xidmət etməlidir, nəinki ayrı-ayrı şəxslərə. Polis heç hökumətə də xidmət etməməlidir. Amma bu gün Azərbaycan polisi YAP hökumətinin əlində repressiya vasitəsinə çevrilib. Polisi öz vəzifələrini yerinə yetirməyə çağırıram. Polis cinayətkarlıqla mübarizə aparmalıdır. Siyasi partiyalarla mübarizə polisin işi deyil.
Baş prokurora müraciət edirəm. Qanunun aliliyinə, polisin qanunlara əməl etməsinə nəzarət edin. AXCP rəhbərliyinə zorakılıqlar edildiyi, partiya üzvlərinin mülkiyyətinə ziyan vurulduğu halda prokurorluğun öz vəzifəsini yerinə yetirməməsi təəssüf doğurur. Baş Prokurorluğu öz səlahiyyətlərini həyata keçirməyə çağırıram.
YAP rəhbərliyinə müraciət edirəm. YAP AXC hakimiyyəti dövründə yaranıb. Az müddətdə olsa müxalifətdə olub. Mən onlardan soruşuram: AXC hakimiyyəti dövründə sizə belə münasibət olubmu?
Bir gün siz də müxalifətdə olacaqsız. Bu gün AXCP rəhbərliyinə qarşı edilən təzyiqin, zorakılığın, hörmətsizliyin YAP rəhbərliyinə edilməsini istəyərsinizmi? Əgər istəmirsinizsə, onda bu günün müxalifəti və sabahın iqtidarı olacaq bir partiyanın rəhbərliyinə qarşı bu münasibəti yığışdırmalısınız.
İlham Əliyev başda olmaqla Azərbaycan hakimiyyətinə müraciət edirəm. Biz hamımız görürük ki, hökumət vaxtaşırı olaraq ölkədə bahalı beynəlxalq tədbirlər keçirir. Bunlar əsasən tolerantlıq mövzusunda olur. Bütün dünyaya göstərmək istəyirlər ki, Azərbaycanda siyasi mədəniyyət, tolerantlıq, özgəfikirliliyə dözümlülük var. Belə tədbirlərə 100 milyon xərcləyirlər ki, guya ölkənin daha sivil olduğunun təqdimatını keçirsinlər. Digər tərəfdən isə ölkə daxilində siyasi rəqiblərə qarşı uydurma cinayət işləri açırlar, onların cibinə narkotik, evlərinə silah qoydurub tutdururlar. Siyasi rəqiblərin hətta öz evlərində keçirdikləri toplantıları da polis zorakılığı ilə dağıdırlar”.
Əli Kərimli qeyd edib ki, seçki yaxınlaşır, ölkənin demokratik qüvvələri Milli Şurada birləşib və xalq bu birliyi dəstəkləyib: “Ona görə hakimiyyət siyasətini daha da aqressivləşdirəcək. Amma üzləşəcəyimiz maneələrə görə ruhdan düşmək olmaz. Bütün həmkarlarıma, Azərbaycan xalqına müraciət edirəm ki, AXCP kimi təşkilatlanmağı davam etdirsinlər”.
![Rusiya artıq Kurska hücuma cavab verir - Peskov](https://moderator.az/photo/213x120/2024/09/01/1725192039_rus-herbi-polis.jpg)
![“Şuşa kart” istifadəyə verildi](https://moderator.az/photo/213x120/2024/09/01/1725193336_susakart_1229271.jpg)
![Qərbin Azərbaycandakı təxribat şəbəkəsinin seçki prosesini pozmaq cəhdi](https://moderator.az/photo/213x120/2024/09/01/1725192775_secki.jpg)
![“MeydanTV”-nin 29 saylı seçki məntəqəsi ilə bağlı yaydığı saxta məlumat](https://moderator.az/photo/213x120/2024/09/01/1725192649_fbe1d8b84a788bb44dd07ba8d49eb75f1725190302-photo.jpeg)
![Toyda dava: Tovuzlu toyu yarımçıq qoyub getdi - Video](https://moderator.az/photo/213x120/2024/09/01/1725191923_-f845cbb2165377169165928454010883252.jpg)
![Növbədənkənar parlament seçkisi: Saat 15:00-a olan seçici fəallığı açıqlandı](https://moderator.az/photo/213x120/2024/09/01/1725191508_ed096f908ab1b7b900e6cfb1b7937366secki1-jpg.jpg)
![Kərə yağı bitki yağı ilə əvəz edilməlidir?](https://moderator.az/photo/213x120/2024/09/01/1725189741_199633167666d18a0d0d4ff.jpg)
![BDU-nun baş müəllimi vəfat etdi](https://moderator.az/photo/213x120/2024/09/01/1725190447_4e591c634ad456793d04034bbfd08221yas-jpg.jpg)
![Şirin çaydan imtina etsəniz nə baş verər? - Cəmi iki günə fərqi hiss edəcəksiniz](https://moderator.az/photo/213x120/2024/09/01/1725189651_240828-081138.png)
![“Pozuntularla bağlı MSK-ya məlumat daxil olmayıb” - Rəsmi](https://moderator.az/photo/213x120/2024/09/01/1725189435_2024-08-29-16-27-11qerryxwrq8gj4nyykum5_file.jpg)
![Bakının bu ərazisində kirayə mənzillər 5000 manatdır - Səbəb bu imiş...](https://moderator.az/photo/213x120/2024/09/01/1725189319_ekvpwke_1725188176-full.png)
![Türkiyənin Yüksək Seçki Şurasının sədri: Azərbaycanda parlament seçkiləri səliqəli və şəffaf keçirilir](https://moderator.az/photo/213x120/2024/09/01/1725189224_bf7ba9ae-1b7c-380e-a647-d4fb2358cbef_850.jpg)
![](https://moderator.az/photo/213x120/2024/09/01/1725188059_1ab6978f-c598-30b9-b1ac-619941b906f0_850.jpg)
![Pomidorla xiyarı birlikdə yeməyin - SƏBƏB](https://moderator.az/photo/213x120/2024/09/01/1725186893_xiyar_pomidor_04512.jpg)
![Yeni ailə quran cütlük bəy və gəlin paltarında səs verdi - FOTO](https://moderator.az/photo/213x120/2024/09/01/1725186971_nisan_uzuk_toy_a.jpg)
![3 günlük meyvə pəhrizi orqanizmə necə təsir edir?](https://moderator.az/photo/213x120/2024/09/01/1725186467_54d480716b72d4a5bd3f9f99c2ae0929.jpg)
![ABŞ-da təyyarə evlərin üzərinə DÜŞDÜ - Ölənlər var](https://moderator.az/photo/213x120/2024/09/01/1725186368_c36cb713c321b82498bdefdf8f558280.jpg)
![Dünən yoxa çıxan helikopterin qalıqları tapıldı: sağ qalan yoxdur](https://moderator.az/photo/213x120/2024/09/01/1725186246_227e656e-af84-3817-80b4-53db8110531e_850.jpeg)
![Rus ordusu bu kəndləri ələ keçirdi](https://moderator.az/photo/213x120/2024/09/01/1725186061_rus-herbci.jpg)
![](https://moderator.az/photo/213x120/2024/09/01/1725185132_bp100849.jpg.jpg)
![Azərbaycanda tarixi seçki: AB və ABŞ istərdi ki… - Markov](https://moderator.az/photo/213x120/2024/09/01/1725184646_sergey-markov.jpg)
![Duz xərçəngin dərmanı ola bilər](https://moderator.az/photo/213x120/2024/09/01/1725184474_b498700cfc7c4b6c24cb49d52b9ed924.jpg)
![Akif Nağı səs verdi](https://moderator.az/photo/213x120/2024/09/01/1725184135_img-20240901-wa0022.jpg)
![Hikmət Hacıyev: Nikol Paşinyan Minsk qrupunun ləğvi ilə bağlı təhriflərə yol verib](https://moderator.az/photo/213x120/2024/09/01/1725183617_6604705e9ef336604705e9ef3417115669426604705e9ef316604705e9ef32.jpg)
![Dağınıq ev hansı ruhi xəstəliklərdən xəbər verir?](https://moderator.az/photo/213x120/2024/09/01/1725183410_64f0de1ba46860226063fecb.webp)
![İnsanların dəfn mərasimində etdikləri böyük səhv- BU HALDA ÖLÜMÜ ÖZÜNÜZLƏ GƏTİRƏ BİLƏRSİNİZ](https://moderator.az/photo/213x120/2024/09/01/1725182794_0537d43a-216e-4260-9404-69735d4de91d.jpg)
![İndiyədək Mətbuat Şurasının “qaynar xətt”inə heç bir müraciət daxil olmayıb](https://moderator.az/photo/213x120/2024/09/01/1725182127_b1e867e5-47ff-3693-93ef-d3cbca0c4f76_850.jpg)
![Rusiya FHN: “Mi-8” helikopterinin qəzaya uğradığı yerdə 17 nəfərin meyiti tapılıb](https://moderator.az/photo/213x120/2024/09/01/1725182001_227e656e-af84-3817-80b4-53db8110531e_850.jpeg)
![Ukraynanın ən yaxşı qorunan xətti yarıldı: indi nə baş verəcək?](https://moderator.az/photo/213x120/2024/09/01/1725181129_uk.jpg)
![Divardan niyə xalça asırdıq?- Dekorasiya, səsqoruyucu, istilik...](https://moderator.az/photo/213x120/2024/09/01/1725180927_14731101_666061993575151_2694313143713739931_n.jpg)