HƏMAS-ın hərbi qanadının rəhbəri Məhəmməd Defin aradan götürüldüyü, demək olar ki, sübut ediləndən sonra İsrailin güc strukturlarının Qəzza bölgəsində növbəti və başlıca hədəfi terrorçuların başçısı Yəhya Sinvar olub. 

 

Moderator.az xəbər verir ki, bu barədə CNN telekanalı məlumat yayıb.

 

Amerika kəşfiyyatının məlumatına görə, HƏMAS yaraqlıları tərəfindən 2023-cü il oktyabrın 7-də İsrailin cənub yaşayış məntəqələrində törətdiyi qanlı qətliamın müəllifi və təşəbbüskarı Yəhya Sinvar onun üçün doğma olan Xan-Yunis rayonunda yeraltı tunellərdə gizlənir və HƏMAS adından girovların azad edilməsi üzrə sövdələşmə barədə qərarları qəbul edən əsas şəxs olaraq qalır, məlumatda deyilir.

 

Telekanalın məlumatına görə, Mərkəzi Kəşfiyyat İdarəsinin (MKİ) direktoru Bill Berns ötən istirahət günləri yüksək vəzifəli məmurlar və ən zəngin biznesmenlərin iştirakı ilə keçirilən qapalı iclasda bəyan edib ki, Yəhya Sinvar atəşkəs haqqında sazişi imzalamağı və Qəzzada davam edən müharibəyə son qoymağı tələb edən qruplaşmanın hərbi qanadının komandirləri tərəfindən böyük təzyiqə məruz qalır. 

 

MKİ rəhbəri həmçinin məlumat verib ki, bölgə terrorçuların başçısı "başı üzərində ölümcül təhlükədən narahat deyil", lakin "Qəzza bölgəsində öz soydaşlarının dəhşətli əzabları" ilə bağlı tənqidlər və ittihamlarla üzləşir. MKİ bu məlumatı şərh etməyib.

 

İsrail kəşfiyyatının son məlumatlarına görə, Sinvar Xan-Yunis rayonunda Rafahdan təxminən 8 km şimalda yerin altında gizlənib. 

 

Fevral ayında İsrail Müdafiə Ordusunun dərc etdiyi kadrlarda Sinvarın tunellərin birinin dərinliyində ailə üzvlərinin bir neçəsinin əhatəsində olduğu güman edilib.

 

Bu şəkil Qəzza bölgəsində müharibəyə təhrik edəb şəxsin "sağ-salamat və hətta kökəlmiş halda olduğunu" sübut edən ilk və hələlik sonuncu videosübut olub.

 

Hal-hazırda Sinvarın aradan götürülməsi məsələsi İsrail Müdafiə Ordusunun HƏMAS-ın mənəvi düşkünlüyünə və məhvinə yönələn böyük məqsədinin əsas elementinə çevrilib.

 

Bundan öncə məlumat verilib ki, Vaşinqtonda NATO sammitinin yekunlarına dair mətbuat konfransında ABŞ prezidenti Co Bayden İsrailin Qəzzada davam edən müharibəsinə diqqət çəkib.

 

O, bəyan edib ki, "bu müharibəyə son qoymağın zamanı yetişib, amma bu o demək deyil ki, Sinvar və HƏMAS-ın təqibindən imtina edilməlidir".