"Bu telefon xuliqanları xarici dövlətlərin birinci şəxslərini telefonla ələ salmaqla tanınır..."

 

Kremldə Rusiyanın telefon xuliqanları-təxribatçılar "Vovan" və "Leksus"a dövlət mükafatları təqdim edilib. Yazıçı Zaxar Prilepin də mükafatlandırılıb. "Vovan" və "Leksus" Dostluq Ordeni, mərasinə uniformada gələn Prilepin isə İgidlik Ordeni alıb.

 

Moderator.az xəbər verir ki, bu barədə "RİA Novosti" agentliyi məlumat verib.

 

Təqdimetmə mərasimi çərşənbə günü, iyulun 3-də keçirilib. Təntənəli mərasimdə onlar "prank-jurnalistlər" (ingiliscədən tərcümədə "şuluqluq", "dəcəllik" mənasındadır-red.) adını alıb.

 

Bu barədə Zaxar Prilepinin əhatəsində olan  mənbə danışıb. Prilepinə həmçinin Rusiya Müdafiə Nazirliyinin "Döyüş birliyinin möhkəmləndirilməsinə görə" medalı təqdim edilib.

 

Bu orden və medalların kim tərəfindən təqdim edilməsi barədə məlumat verilmir.

 

Rusiyanın dövlət mükafatı olan Dostluq Ordeni xalqlar arasında sülhün, dostluğun, əməkdaşlığın və qarşılıqlı anlaşmanın möhkəmləndirilməsi, Rusiyanın mədəni və tarixi irsinin qorunub saxlanılması, artırılması və populyarlaşdırılması, millətlər və xalqların yaxınlaşması və qarşılıqlı surətdə zənginləşdirilməsində xüsusi xidmətlərə görə təqdim edilir.

 

Kreml, görünür, xarici dövlətlərin birinci şəxsləri ilə öz qalmaqallı zarafatlatı (ələsalmaları) ilə tanınan "Vovan" və "Leksus"un fəaliyyətini belə qiymətləndirib.

 

Vladimir Kuznetsov ("Vovan") və Aleksey Stolyarov ("Leksus") telefonla Fransa prezidenti Emmanuel Makronu, Böyük Britaniyanın sabiq baş naziri Boris Consonu, Kanadanın baş naziri Castin Trüdonu, ABŞ-ın sabiq prezidenti oğul Corc Buşu və digər siyasətçiləri telefonla ələ salıb.

 

Onlar həmçinin Putinə qeyri-loyal olan yazıçı, jurnalist və musiqiçilərə də zəng edib.

 

Belə ki, may ayında təxribatçılar sabiq rusiyalı, indi isə israilli musiqiçisi Andrey Makareviçi aldatmağa nail olub.

 

Onlar "Maşina vremeni" ("Zamanın maşını") qrupunun liderini ona, guya, Ukrayna prezidenti Vladimir Zelenskinin zəng etdiyinə inandıra bilib.  

 

Lakin təxribatçıların niyyəti baş tutmayıb. Həqiqi Andrey Makareviç psevdo-Zelenski ilə o qədər ləyaqətlə danışıb ki, ukraynalı və israillilər bir yana, Rusiyanın müharibəəleyhinə ovqatda olan ictimayyətinin gözündə özünün onsuz da "dəmir-beton" nüfuzunu bir qədər də möhkəmləndirib.

 

Yeri gəlmişkən, hər iki şəxs "Sülhməramlı" bazasına daxil edilib. Bu, milli təhlükəsizliyə, sülhə, insan təhlükəsizliyinə və beynəlxalq hüquqa qarşı cinayətlərin əlamətlərini tədqiq edən Ukrayna saytı və ictimai təşkilatdır.

 

Öz təqdiqatının nəticələrini "Sülhməramlı" Mərkəz eyniadlı saytda açıq dərc edir.

[05.07, 00:04] Səttar Həkim: "Ovcunuza nəzər salın, təhlükəli xolesterinin bu əlamətləri dəridə meydana çıxır..."

 

"Xolesterinin miqdarının artmasının səbəbi əsasən yağlı qidadan istifadə, fiziki fəallığın kifayət qədər olmaması, artıq çəki, siqaret çəkmək və alkoqoldan istifadə edilməsidir, hərçənd, bu, həm də irsiyyətlə bağlı ola bilər..."

 

"Gözlərdə, ovuclarda və ya baldırlarda bu əlamətlərin olması xolesterinin yüksək miqdarından xəbər verir".

 

Moderator.az xəbər verir ki, bu barədə Böyük Briraniyanın "Daily Express" nəşri yazıb.

 

Xolesterinin yüksək miqdarı tez-tez ciddi və həyat üçün təhlükəli xəstəliklərdən xəbər verir, bu da o deməkdir ki, xəbərdaredici əlamətlərə diqqət yetirmək vacibdir. 

 

Xolesterin qara ciyərdə yaranan yağabənzər maddədir, sağlamlıq üçün hormonların ifrazı və hüceyrə membranının qurulması kimi bir çox mühüm və faydalı fuksiyaları icra edir. 

 

Xolesterinin yüksək miqdarı o deməkdir ki, sizdə "aşağı sıxlıqlı lipoproteinlər" kimi tanınan "pis" xolesterin həddən artıq çoxdur.

 

Xolesterinin yüksək miqdarı bir qayda olaraq heç bir əlamət törətmir və əksəriyyət hallarda yalnız təcili təhlükəli vəziyyətlərin səbəbi olduğundan qan analizi verib xolesterinin miqdarını yoxlamaq vacibdir.

 

Mütəxəssislərin sözlərinə görə, xolesterinin miqdarının artmasının səbəbi əsasən "yağlı qidadan istifadə, fiziki fəallığın kifayət qədər olmaması, artıq çəki, siqaret çəkmək və alkoqoldan istifadə edilməsidir, hərçənd bu, həm də irsiyyətlə bağlı ola bilər.

 

İnsanın risk amilləri nə qədər çox və ciddi olarsa, sağlamlıq üçün ümumi risk ehtimalı bir o qədər yüksək olacaq.

 

Əgər sizin yaşınız 40-dan çoxdursa, siz tibb müəssisəsində adi tibbi müayinə çərçivəsində analiz verə bilərsiniz. Bu tibbi müayinə ürək xəstəlikləri və diabet kimi problemlərin erkən əlamətlərini aşkar etməyə kömək edəcək. 

 

Amerika Dermatologiya Akademiyası mütəxəssislərinin fikrincə, dəridə sarımtıl-çəhrayı mumabənzər fırların (şişlərin) yaranması xolesterinin miqdarının yüksək olmasına dəlalət edə bilər.

 

"Əgər siz dərinizdə sarımtıl-çəhrayı rəngdə fırlar görürsünüzsə, mümkündür ki, dərinizin altında xolesterin toplanıb. Bu ağrısız çöküntülər bir çox nahiyələrdə, o cümlədən gözlərin kənarında, ovuc xətlərində və baldırların arxa səthində meydana çıxa bilər", - ekspertlər izah edib.

 

Bu o deməkdir ki, əgər siz dərinizdə belə flrları aşkar etmisinizsə, həkimə müraciət etməlisiniz.

 

"Dəridəki fırlardan xolesterinin miqdarına nəzarət etməklə yaxa qurtara bilərsiniz", - dermatoloqlar qeyd edir. 

 

Xolesterinin yüksək miqdarını aşağı salmaq və ciddi fəsadların yaranma riskini azaltmaq üçün, görünür, həyat tərzini dəyişmək lazımdır. 

 

"Xolesterinin miqarı istənilən adamda, hətta siz cavan olsanız, düzgün qidalansanız və idmanla məşğul olsanız belə, yüksək ola bilər", - bunu xolesterinin miqdarının yüksəlməsi problemləri ilə məşğul olan "Hart Yu-Key" ("Heart UK") xeyriyyə təşkilatının mütəxəssisləri izah edir.   

 

"Məsələ burasındadır ki, xolesterinin miqdarı müxtəlif səbəblərdən yüksələ bilər. Bu, qeyri-sağlam həyat tərzindən ola bilər, lakin bu, həm də irsi xarakter daşıya bilər".

 

Xolesterinin yüksək miqdarı qan damarlarının tutulmasına gətirib çıxara bilər. Bu isə ürəklə bağlı problemlərin və ya insultun baş verməsi ehtimalını artırır.

 

"Tamamilə münkündür ki, müalicə həkiminiz xolesterinin miqdarının yüksək olmasından şübhələnəcəyi təqdirdə sizə qan analizi verməyi tövsiyə edəcək", - "Xart Yu-Key" qeyd edir.

 

Təşkilatın mütəxəssislərinin sözlərinə görə, siz həftə ərzində ən azı 2, 5 saat fiziki məşğələlərlə məşğul olmalısınız, siqaret çəkmək isə xolesterinin miqdarını yüksəldə və infarkt, insult və xərçəng kimi ciddi problemlərin yaranması ehtimalını artıra bilər.

 

Xolesterinin miqdarının aşağı salınması üçün ən geniş yayılan dərmanlar statinlərdir.

 

"Əgər sizdə xolesterinizin miqdarı yüksəkdirsə və həyat tərzinizin dəyişilməsi kifayət etmirsə, o zaman həkiminiz dərmanların köməyilə xolesterinin miqdarına nəzarət etməyi təklif edə bilər", - bunu Britaniyanın ürək xəstəlikləri ilə mübarizə Fondunun mütəxəssisləri qeyd edib.

 

Statinlər bu məqsədlə istifadə edilən əsas dərman preparatlarıdır. Xolesterinin yüksək miqdarı ilə bağlı risklərin qarşısını almaq üçün erkən mərhələdə buna müdaxilə etmək həyatı əhəmiyyətə malikdir.

 

"Hart Yu-Key" mütəxəssisləri qida rasionunda bitki yağları, avokado, qoz və toxumlar kimi doymamış yağlara üstünlük verməyi tövsiyə edir.

 

"Yağlı balıq tərkibində yüksək miqdarda doymuş, o cümlədən "Omeqa-3" kimi yağ turşuları olan faydalı yağların gözəl mənbəyidir", - xeyriyyə təşkilatı qeyd edib.