2022-ci ilin mayın əvvəlində Dağıstan ukraynalılarla tammiqyaslı qarşıdurmada Rusiyanın bütün regionları arasında ən yüksək itkilərlə yadda qalıb.

 

Moderator.az xəbər verir ki, bu barədə "The Telegraph" nəşri yazıb.

 

Ukraynada tammiqyaslı müharibə "Rusiyada təhlükəsizlik xülyasını dağıdıb", Rusiya diktaroru Vladimir Putinin total nəzarət ehtirası Rusiya Federal Təhlükəsizlik Xidmətini (FTX) antiterror vəzifələrindən yayındırıb və onun təhlükəsizlik orqanı kimi səmərəliliyini azaldıb.

 

"Rusiya qoşunları 2022-ci ilin fevralında Ukraynaya hərbi müdaxilə edəndə FTX ukraynalıların işğal edilmiş ərazilərdə loyallığını yoxlamaq üçün "suzgəc düşərgələrinin" idarə edilməsilə məşğul olub.

 

Rusiyanın Xarkov və Xersonda alçaldıcı məğlubiyyətlərindən sonra 2022-ci ilin sonunda Putin FTX-ya xarici xüsusi xidmət orqanları və satqınlara qarşı repressiyaları gücləndirməyi tapşırıb", - məqalədə deyilir.

 

Rusiyada bəzi fəallar FTX-nın fəaliyyət istiqamətini dəyişməsini pisləyib. Moskva yaxınlığında yerləşən "Crocus City" konsert salonuna hücumdan sonra rusiyalı jurnalist Kirill Martınov FTX-nı diqqətini "LGBT-ekstremistlərinə" yönəltməkdə kəskin tənqid edib və Qərbin xüsusi xidmət orqanlarının hücumun qaçılmaz olduğu barədə xəbərdarlığını rədd edib. 

 

Rusiyalı müxalifət fəalı İvan Jdanov bəyan edib ki, FTX-nın rusiyalıların izlənilməsi və müharibə əleyhinə olan dissidentlərin cəzalandırılmasına mübtəla olması onun səmərəliliyini məhv edib. 

 

Rusiya dövlət KİV-ləri təbii ki, bu tənqiddən üz döndərərək, ictimai qəzəbi Ukraynaya yönəldib. Bu, FTX rəhbərliyinə onun kəşfiyyatının dəfələrlə iflasa uğramasına tab gətirməsinə və dəyişməz qalmasına imkan verib.

 

FTX-nın məsuliyyətdən imtina etməsi Rusiyanın milli azlıqlarının yaşadığı nüfuzlu olmayan regionlarıda şikayətlərlə üst-üstə düşüb. "Dağıstan Ukrayna müharibəsinin qeyri-bərabər yükünün ən böyük qurbanlarından biridir", - məqalədə deyilir.

 

Dağıstanda 2022-ci ilin mayın əvvəlində Rusiyanın bütün regionları arasında itkilər səviyyəsi ən yüksək olub.

 

Müstəqil tədqiqatlar göstərib ki, ən azı 130 dağıstanlı həlak olub. 2023-cü ilin aprelində bu rəqəm ən azı 806-ya çatıb, həlak olan dağıstanlıların ailələləri var gücü ilə Kremldən kompensasiya almağa cəhd göstərib.

 

Yaşı 40-dan çox olan kişiləri səfərbər edən "Xəzər könüllülər taboru"nun yaradılması ona zəmanət verir ki, çağış səviyyəsi Moskva və Sankt-Peterburq göstəricilərindən xeyli çoxdur. İtkilərin və səfərbər edilənlərin yüksək göstəriciləri Dağıstanda iqtisadi böhranla üst-üstə düşüb. 

 

"Oliqarxiya klanlarının dominantlıq etməsi səbəbindən Dağıstan büdcəsinin 70 faizi Rusiyanın federal subsidiyalarından ibarətdir. Bu, Rusiya regionları arasında ən yüksək göstəricidir. 

 

Dağıstan hakimiyyətinin Ukraynada döyüş əməliyyatlarının Rusiyanın gələcəyi üçün yaxşı olduğunu iddia etdiyi zaman məyusluq keçirən bir çox gənclər bununla razı deyil", - məqalədə deyilir.

 

Xaırladaq ki, iyunun 23-də Dağıstanda naməlum şəxslər sinaqoqa və iki pravoslav kilsəyə hücum edib. Jurnalistlərə bəlli olub ki, keşişin boğazı kəsilib. Rəsmi məlumatlara görə, hücum nəticəsində 15 nəfərdən çox polis və daha altı yaraqlı məhv edilib.

 

Bundan öncə, martin 22-də Moskva ətrafında  yerləşən "Crocus City"-də silahlı şəxslər konsertə gələn insanlara atəş açıb.

 

Rəsmi məlumata görə, nəticədə 100-dən artıq adam qətlə yetirilib, çoxsaylı zərərçəkən olub. Hücuma görə məsuliyyəti İŞİD terrorçu təşkilatı öz üzərinə götürüb. Lakin Rusiya hakimiyyəti terror aktına görə məsuliyyəti Ukrayna tərəfinin üzərinə qoyub.