"Son zamanlar Ukrayna PUA-larının Rusiyanın neft emalı müəssisələrinə hücumları artıb..."

 

Rusiya prezidenti Asiyaya səyahət etdiyi zaman Ukrayna dronları Rusiya ərazisində eyni zamanda bir neçə obyektə kütləvi şəkildə hücum edib. Hücum təhlükəsi Lipetsk, Belqorod, Kursk və Voronej vilayətlərində elan edilib.

 

Moderator.az xəbər verir ki, bu barədə "24tv.ua" nəşri məlumat yayıb.

 

Adıgeydə Taxtamukaysk rayonunun Enem qəsəbəsində neft bazasında yanğın baş verib. Bu barədə qubernator Murat Kumpilov məlumat verib. 

 

Yanğın səhər saat 6-da tamamilə söndürülüb. Yanğının sahəsi təxminən min kv km təşkil edib. Heç kim zərər çəkməyib, sakinlər üçün təhlükə yoxdur, hakimiyyət iddia edib.

 

"Hücum Moskva vaxtilə səhər saat 02:30-da başlayıb. İlkin məlumata görə, dronlar vurulub, lakin onlardan birinin qalıqları sisternə çırpılıb və yanğın başlayıb", - bunu "Baza" kanalı yazıb və dəqiqləşdirib ki, yanğın "Lukoyl-cənub neft məhsulu" neft bazasında baş verib.

 

Obyektdə partlayış gecə baş verib. Bundan sonra Aİ-95 benzininin metal karkaslı anbarında yanğın baş verib. Hadisə yerində operativ xidmətlər işləyir.

 

"Astra" müstəqil jurnalistlər layihəsi yerli sakinlərin çəkdiyi kadrları dərc edib.

 

Həmçinin Ukrayna dronunun zərbəsi nəticəsində Tambov vilayətində Platonovka kəndi yaxınlığında neft bazası yanıb.

 

Yerli sakinlər SHOT nəşrinə danışıb ki, bu gün saat 04:00 radələrində motor səsi eşidilib.

 

"Bundan sonra partlayış səsi eşidilib, insanlar yerli neft bazasının üzərində alov və duman görüb. Partlayış baş verən yerin yaxınlığında yerləşən evlərin şüşələri yerindən çıxıb", - SHOT yazıb.

 

Bundan başqa, Pervomaysk bələdiyyə dairəsində dron qalıqları aşkar edilib, o, havada partlayıb. İlkin məlumata görə, zərərçəkən olmayıb.

 

Krasnodar diyarının Slavyansk-Kuban şəhərində dron hücumu nəticəsində xüsusi ev dağılıb, bir qadın həlak olub. Bu barədə region rəhbəri Veniamin Kondratyev məlumat verib.

 

Kubanda Afipsk neft emalı zavodunda partlayış barədə məlumat verilsə də, bu, dürüst olmayıb.

 

Bu zaman təcili xidmətlər "RİA Novosti" agentliyinə qəsəbədə partlayış haqqında sakinlərin dörd nəfərindən müraciətlər daxil olub.

 

Rusiya Müdafiə Nazirliyi Adıgey üzərində 15, Bryansk vilayəti və Krasnodar diyarı üzərində 6, Belqorod, Rostov və Orlov vilayətləri üzərində hər birində bir olmaqla ələ keçirilən və vurulan dronlar barəsində hesabat verib.

 

Tambov vilayətində dronlar barədə nazirlik məlumat verməyib. Ukrayna bu məlumatı hələlik şərh etməyib.

 

Son aylar Ukrayna PUA-larının Rusiyanın neft emalı müəssisələrinə hücumları artıb.

 

Belə insidentlər o cümlədən Volqoqrad, Kaluqa, Ryazan, Rostov, Samara, Smolensk və Yaroslav vilayətlərində, Krasnodar diyarında, habelə Başqırdıstan və Tatarıstanda qeydə alınıb.