Bunu Moderator.az-a açıqlamasında şikayətçi Toğrul Qurbanzadə bildirib. O daha sonra əlavə edib.

 

 

“İkinci sifarişimi edəndən sonra gördüm ki, birinci sifarişim çatıb göstərir. Bir-iki gün gözləyəndən sonra “Vadi” karqo şirkəti ilə yenidən əlaqə saxladım. Düşündüm ki, yəqin sadə gecikmə səbəbidir. Həmin əşyanı “Ebay” saytından sifariş etmişdim. Karqo şirkətindən bildirildi ki, araşdırın görün nə məsələdir? Satıcıya yazdım, o da dedi ki, bizdə çatdığını göstərir, heç bir problem olmamalıdır. Bir neçə dəfə müraciətimdən sonra “Vadi” karqo şirkətinə özüm getdim. Yaxınlaşıb yenə də məsələni bildirdim. Dedilər ki, bizdə yoxdur, o sizin probleminizdir ki, onu axtarıb tapa bilmirsiz, satıcıya müraciət edin. “Ebay” platformasında da belə bir funksiya var ki, bildirirsən əşya tapılmır və onlar araşdırııb cavab verirlər. Onlara müraciət etdim və mənə cavab gəldi ki, əşya çatdırılıb. Birinci sifarişimə qayıtdıqda kabinetimdə dəyişiklik baş vermədiyinə görə “Vadi”-yə müraciət etdim. “Ebay” satıcısının cavabını, “USPS”-in (ABŞ-da poçt çatdırılması və göndərmə xidmətlərinin təmin edilməsinə cavabdeh olan dövlət qurumu) təqdim etdiyi izləmə kodunu hansılar ki, bildiriblər əşya “Vadi”-yə çatıb həmin şirkətə təqdim etdim. Mənim yazılı müraciətlərimə laqeyd yanaşmanı hiss edib, baş ofisə yaxınlaşmağa qərara gəldim. Əşyanın mahiyyəti də hardasa 80 dollardan bir az çox olardı. Onlardan xahiş etdim ki, Amerikada olan nümayəndələri satıcı yaxud poçt xidmətilə əlaqə yaradsınlar. Lakin mənə köməlik göstərilmədi. Üstəlik mən “USPS”-ə elədiyim müraciətimdə “Vadi”-nin Amerikadakı nömrəsini göstərmişdim. Mənə isə bildirildi ki, həmin nömrə cavab vermiyəcək zənglərə. Maraqlıdır o zaman bu əlaqə vasitəsi nə üçün təqdim olunur?! 10 ildən çoxdur ki, mən karqo şirkətləri ilə əməkdaşlıq edirəm. “Vadi” şirkəti deyir ki, çalışarıq nəsə edək. Yola verirlər, şablon sözlər deyirlər. Əşya həmin ərəfədə tapılmır, məni get-gələ salırlar. Bu zaman nə baş verir? İkinci sifariş etdiyim əşyanın çatdırılmasına görə məndən böyük bir məbləğ tələb olunur. Əşyanın çəkisi 1 kilo, 1 kilo yarım olduğu halda  məndən 76 manat tələb edirlər. Hansı ki, onun qiyməti 15-20 manatdır. Müştəri xidmətindən deyildi ki, ödəniş edib anbardan götürüm bağlamanı. Sonra çəki ölçülüb və yalnış nəsə olsa məbləğ qaytarılacaq. Başqa cür bunu müəyyən edə bilməzlər. Mən də ki, razılaşdım və tələb edilən məbləği ödədim. Get-gəl olduğu halda birinci əşya üçün araşdırma aparırdım. “Vadi” də bizə deyir ki, onlar bizə imzalı məktub göndərsinlər ki, bu əşya bizim anbara təhvil verilib. Xarici şirkətə yazıram, yəni satıcıya, o da deyir ki, bizdən bu tələb olunmadığına görə biz bunu təqdim edə bilmirik. Amerikada da, bizdə də belədir ki, sən evdə olmursansa bağlamanı qapıdakı qutuya qoyub gedə bilərlər. Son neçə ay ərzində onlar araşdırıb və mənə geri dönüş edirdilər. Hər dəfə də deyirdilər ki, biz yoxlanış etdik və sistemdə əşyanın sizə çatdığı göstərilir. Yenidən “Vadi”-yə yaxınlaşıb rəhbərlikdən səlahiyyətli şəxslə görüşmək istədiyimi tələb etdim. Bu zaman Raminə adlı əməkdaş yaxınlaşdı. O, özünün tutduğu vəzifəsini təqdim etmədi və müştəri xidmətinin üzərində səlahiyyətli olduğunu bildirdi. Bağlamanın həcmə görə hesablandığını deyib və 76 manat düzgün olduğunu bildirdi. Baxmayaraq ki, çəki 1,5 kilo təşkil edib. Mən iradımı bildirdim ki, onların müştəriyə istifadə verildiyi mobil tətbiqdə ancaq çəki haqda məlumat var. Əqər həcmə görə tariflər varsa, mən ödənişə etiraz etmərəm. Onların tətbiqdə axtarışları göstərdi ki, yalnız çəki göstərilib. Bu zaman mənə bildirildi ki, veb səhifələrindəki (sayt) səhifənin “FAQ” bölməsində güya bu göstərilib. Lakin mən öncədən bunun olmadığı halda necə öyrənməliydim sualım açıq olaraq qaldı. Hüquqlarımın uzun müdafiəsindən sonra, onlara Amerikanın rəsmi qurumların cavabını təqdim etdiyimdən sonra heç bir nəticə qazanmadım. O, zaman Raminə xanıma təklif etdim ki, itən birinci bağlama təxmini 85 dollar olduğu halda, onun əvəzinə mənim ikinci bağlamamı həcm kimi yox, çəki kimi 1,5 kq hesablansın. Necə deyərlər ziyanın yarısı da xeyirdir. Onlar ziyan görmürlər və mən də az olsa da itkinin əvəzini görərdim. Bu təklifim rədd edildi və 26 manat endirim edə biləcəklərini dedilər. İstəyirəmsə razılaşım, istəmirəmsə özüm bilərəm ultimatum verdilər. Buna mən razı olmadım. Xahiş etdim ki, şirkətdə səlahiyyətli şəxs və yaxud rəhbərlə görüşüm. Bu günə kimi şirkət rəhbəri sir olaraq qorunub saxlanıb, işçilər isə mən müştərinin problemlərini həll etmir” deyə şikayətçi bildirib.

 

 

“Məcbur olub Antiinhisar və İstehlak Bazarına Nəzarət Dövlət Xidmətinə rəsmi müraciət ünvanladım. Bu günə kimi onların davam edən araşdırmaları nəticə vermir. Hətta qurumun rəsmi qəbulunda da olmuşam. Artıq “Vadi” öz saytında həcmlə bağlı məlumatı yerləşdirib. Lakin bunu nə vaxt olunduğunu sübuta yetirmək mümkün deyil. Mən istəmirəm ki, bu cür ziyan və əziyyətlə daha kimsə rastlaşsın. Belə çıxır ki, gündə bir şirkət yaradıb və yuxarıda göstərilən üsulla pul alıb və məsuliyyətdən boyun qaçırmaq mümkündür. Ümüdvaram bunun qarşısını almaq olacaq və haqq öz yerini tapar. Mənə vurulmuş ziyan təxminən 205 manat təşkil edir. Ya bu vəsait mənə qaytarılsın, ya da şirkət məsuliyyətə cəlb edilsin. Hər müştərini mənim kimi aldadıb cəzalandırmamış qalsalar görəsən nə baş verər? Son çıxış yolum kimi “Vadi” karqo şirkətini məhkəməyə verməyim qalır” deyə şikayətçi bildirib.