Rusiyanın "Faydalı tətillər" proqramı işğal edilmiş Ukraynadan 40 min uşağın deportasiyasını maliyyələşdirəcək.

 

Moderator.az xəbər verir ki, bu barədə Amerikanın müharibənin öyrənilməsi İnstitutu (ISW) öz hesabatında yazıb.

 

Məlumatda deyilir ki, Rusiya hakimiyyəti yay ərzində ukraynalı uşaqların öz ərazisinə deportasiyasını fəallaşdırmaq, bununla da Ukraynada soyqırım kampaniyasının daha bir komponentini gücləndirmək niyyətindədir.

 

Analitiklər qeyd edir ki, üzdəniraq "Luqansk xalq respublikası"nın rəhbəri Leonid Paseçnik bəyan edib ki, Rusiya regionları işğal edilmiş Luqansk vilayətindən 2024-cü il ərzində 12 mindən çox uşağı "qəbul edəcək".

 

Eyni zamanda Rusiyanın "Faydalı tətillər" proqramı işğal edilmiş Ukraynadan 40 min uşağın deportasiyasını maliyyələşdirəcək.

 

Onlar, guya, Rusiyanı yay düşərgələrində və maarifləndirici tədbirlərdə iştirak etmək üçün ziyarət edəcək.

 

Paseçnikin sözlərinə görə, işğal edilmiş Krımda və Rusiya ərazisində yay uşaq düşərgələri, o cümlədən Vladivostokda "Okean" yay düşərgəsi, Alyaskaya Ukraynadan daha yaxın yerləşən Primorsk diyarı yay ərzində işğal edilmiş Ukraynadan 600-dən çox uşağı "qəbul etməyə" hazırlaşır.

 

Xerson vilayətinin işğalçı Əmək Nazirliyi həmçinin elan edib ki, regionun işğal edilmiş hissəsindən uşaqlar "təhsil, idman və mədəni proqramda" iştirak etmək üçün "Okean" düşərgəsinə göndəriləcək.

 

İşğalçı senator Andrey Alekseyenko məlumat verib ki, 575 uşaq işğal edilmiş Krımda və Rusiyanın Adıgey Respublikasında üçhəftəlik yay düşərgələrini ziyarət edəcək.

 

"LXR" təhsil və elm nazirliyi həmçinin işğal edilmiş Luqansk vilayətindən olan qeyri-müəyyən sayda yeniyetmənin Rusiyanın Volqoqrad vilayətində "Avanqard" hərbi-vətənpərvərlik idman düşərgəsini ziyarət edəcəyi barədə məlumat verib.

 

Orada onlar hərbi-mühəndis işi, taktika, yanğın işi, paraşüt idmanı, rabitə, milli təhlükəsizliyin əsasları, dronların istismarı və taktiki təbabət üzrə hazırlıq keçəcək.

 

Rusiyanın ukraynalı uşaqlar üçün yay düşərgələrini müvəqqəti təhsil tədbirləri kimi qələmə vermək səylərinə rəğmən, onlar ukraynalıların deportasiyası üzrə kampaniyanın fundamental tərkib hissəsidir.

 

Analitiklər qeyd edir ki, uşaqların bir qrupdan digər qrupa zorən yerdəyişməsi soyqırım aktı kimi tanınıb.

 

Qeyd edilir ki, Rusiyaya belə "tətillərə" və ya "yay düşərgələrinə" deportasiya edilən ukraynalı uşaqlar öz Ukrayna ailələrindən, dilindən, mədəniyyətindən və tarixindən təcridə yönələn ruslaşdırma proqramı ilə üzləşir.

 

Rusiya hakimiyyəti, ehtimal ki, bütün yay ərzində yay tətilləri adı altında deportasiyanı gücləndirəcək, lakin bu proqramlar Rusiyanın onları müvəqqəti və müsbət təhsil imkanları adı altında səylərinə rəğmən, Ukrayna xalqına qarşı soyqırım aktlarıdır.

 

Ukrayna uşaqlarının deportasiyası

 

Ötən ilin sonunda Ukrayna prezidenti Vladimir Zelekski bəyan edib ki, zorən deportasiya bu müharinənin ən riyakar cinayətlərindən biridir. 

 

Onun sözlərinə görə, uşaqlar Ukraynanın işğal edilmiş ərazilərindən, sadəcə, çıxarılmır, Rusiya şüurlu şəkildə uşaqların Vətəni, doğmaları və yaxınları ilə istənilən əlaqəsini məhv etməyə cəhd göstərir.

 

Martın sonunda məlumat verilib ki, Rusiya oğurlanan ukraynalı uşaqların miqyaslı "militarizasiya edilməsi" sistemini nizama salıb və onları müharibəyə, o cümlədən Ukraynaya qarşı bundan sonra da təcavüzdə iştirakı üçün hazırlayır.

 

Deportasiya edilən ukraynalı uşaqların doğum şəhadətnaməsi dəyişdirilir. Yəni onlar Rusiya Federasiyası vətəndaşına çevrilir, qanunsuz övladlığa götürülür, sonradan belə uşağı tapmaq, sadəcə, mümkün olmur.

 

BMT-nin məlumatına görə, Rusiya tammiqyaslı hərbi müdaxilə müddətində 2, 8 milyon ukraynalını deportasiya edib.