Ukrayna Müdafiə Nazirliyi Baş Kəşfiyyat İdarəsi Rusiya diktatorunun bunkerləri barədə mühüm faktları üzə çıxarıb

 

Rusiya diktatoru Vladimir Putinin çoxsaylı bunkerləri var, bu səbəbdən ona "Bunkerli Putin" deyilir.

 

Moderator.az xəbər verir ki, bu barədə Ukrayna Müdafiə Nazirliyi Baş Kəşfiyyat İdarəsinin (BKİ) nümayəndəsi Andrey Yusov deyib. Məlumatı "focus.ua" nəşri yayıb.

 

"Putinin bunkerləri...Bəli, bu barədə məlumat bəllidir və daimi olaraq yenilənir", - o, qeyd edib. Bu zaman Yusov Rusiya duktatorunun istifadə etdiyi bunkerlərin sayını açıqlamaqdan imtina edib.

 

"Gəlin, bu barədə danışmayaq. Amma aydındır ki, Rusiya diktatorunun şərti adlarından biri "Bunkerli Putin"dir. Yəni o, bu şeyə aludədir və qraf Drakula kimi (Brem Stokerin "Drakula" romanının baş qəhrəmanı olan vampir-red.) yerin dərinliklərində gizlənir", - Yusov deyib.

 

Putinin bu bunkerlərə öz oxşarlarını buraxıb-buraxmaması barədə suala cavabında BKİ nümayəndəsi qeyd edib ki, bu, baş vermir.

 

"Yox, o, öz oxşarlarını o qədər də təhlükəsiz olmayan başqa binalara buraxır", - Yusov məlumat verib.

 

Vladimir Putin diqqət mərkəzində-diqqətəlayiq xəbərlər

 

Xəbər verildiyi kimi, 2023-cü ildə "The Business İnsider" nəşri Vladimir Putinin Krasnodar diyarının Gelencik şəhərində yerləşən bunkeri barədə məlumat dərc edib. 

 

Sahəsi 190 min kv funt, dəyəri bir milyard olan bu kompleks Qara dənizə görünüşü olan qayada yerləşir.

 

Nəşr qeyd edib ki, kompleksin çar cah-cəlallı və qəsr mühafizəli olmasına rəğmən, sarayı inşa edənlər bir mühüm detalı nəzərdən qaçırıb.

 

Onlar saray kompleksinin altından keçən iki mürəkkəb tuneli göstərən planları gizlədə bilməyib. Bunlar uğrunda istənilən səriştəli dövlət təhlükəsizlik aparatının var gücü ilə mübarizə aparacağı planlardır. 

 

Onlar açıq şəkildə internetdə yerləşdirilib. Rusiyanın hazırda mövcud olmayan "Metro Style" podratçı təşkilatı 2010-cu ilin əvvəllərində sxemləri öz internet-saytında yerləşdirib. Onlara hələ 2016-cı ildə baxmaq mümkün olub.

 

Putinin sarayının yeraltı kompleksi yerin 50 metr dərinliyinə düşən liftlə birləşdirilən iki ayrıca tuneldən ibarətdir. 

 

Arxitektura planları göstərir ki, qalın betonlu tunellər kifayət qədər içməli su, havalanma sistemi və bir neçə gün və ya həftə ərzində VİP-sakinlərinə dəstək üçün uzun kabellərlə təmin edilib.

 

Jurnalistlər həmçinin güman edib ki, tunellər bombalar və kimyəvi hücuma tab gətirə bilir. 

 

Şəkillərdə o cümlədən hava verilməsi üçün altı ayrıca havalanma şaxtaları görünür. Tunel kompleksinin yanında döyüş sursatlarının çatdırılması üçün güman edilən yol var.