Cənub-Qərbi Asiyada yeni geosiyasi proseslər baş verməyə başlayır. İraq və Suriyadan sonra növbə Yəmənə çatdı. Lakin fərqli tezislərdə. Məsələ burasındadır ki, Yəməndə müsəlman ölkələrinin maraqları toqquşmağa başladı. 20-ci əsrdə Məhəmməd (ə.s) peyğəmbərin nəsli Haşimilər devrildi və Səidilər nəsli  hakimiyyətə gətirildi. 1932-ci ildə Səudiyyə (Səidilər) Krallığı yarandı. Haşimilər şiə, Səidilər isə sünni idilər. Bu elə bir dövrə təsadüf edirdi ki, neft dünyada aparıcı qüvvəyə çevrilirdi. Neftlə zəngin olan ölkə sümürgəcilərin nəzarətinə keçməyə başladı. Baxmayaraq ki, sonralar neft sənayesi Səudiyyə Ərəbistanında  milliləşdirildi. Bu gün də krallıq qərbin maraqlarına xidmət etməkdədir. İran və Rusiya isə kral ailəsinin devrilməsində maraqlıdırlar. ABŞ bu amildən istifadə edərək Rusiyaya təsir edir. Neftin ucuzlaşması İİR-nın gəlirlərini azaldır. Krallıq  İranın çağırışlarına cavab vermədi. Bu isə ABŞ-nın maraqlarına xidmət edirdi. Bu amil Yəmən Respublikasına yönəlmiş daxili siyasətdə özünü büruzə verdi. İran İslam Respublikası gündə təxminən bir milyon barel neft istehsal edir. ABŞ-nın fikrincə İran bir gündə maksimum üç milyon barel neft istehsal edə bilər. Hətta bəzi fikirlərə görə İran artıq neftini hazırlayıb ki, Yəmən hadisələrindən sonra neftin qiyməti kəskin qalxacağı təqdirdə tətbiq edilən sanksiyaların, hal-hazırda isə dünyada süni yaradılmış neft durğunluğunun nəticəsində itirilmiş vəsaitləri geri qaytarsın. Rusiyada bu işdə maraqlı olmaya bilməz. İran İslam Respublikası Məhəmməd (ə.s) peyğəmbərin aid olduğu Haşimilər nəslini hakimiyyətə gətirmək və neft manipulyasiyasından və artan və real təhlükəyə çevrilən vəhabi məfkurəsinin bir dəfəlik qarşısını almaq istəyir. Nədənsə Türkiyə Respublikası və İran İslam Respublikası sümürgəcilərin planlarına qarşı birlikdə çıxmaq əvəzinə, Yəməndə maraqları toqquşmağa başladı və Yəmənə ordu göndərəcəyini bildirdi. Sünni və şiə məfkurəsinin bu ölkələrin yaddaşlarında qabarıq olması özünü kəskin şəkildə büruzə verdi. Türkiyə Səudiyyə Ərəbistanının rəhbərliyi ilə real birliyə sahib olmaq istəyir. Əgər İran istəyinə nail olub, kral ailəsini devirə bilsə, İsrail dövlətinin varlığı sual altına düşür və bu birbaşa ABŞ-nın maraqlarına ziddir. 1979-cu ildə Pəhləvilər hakimiyyətdən devrilib İmam Xomeyni hakimiyyətə gəldikdən sonra İran şiə ixracatçısına çevrildi. Maraqlı olan məsələlərdən biri də İŞİD-nin məhz şiələrə müharibə elan etməsidir. Görünən odur ki, həlqənin zəif və güclü  yeri tapıldı. Yəmən dövləti Babül-məndəb boğazının sahilində yerləşir. Bu 32 km-lik  boğaz vasitəsilə Avropaya və məhz ABŞ-a milyonlarla barel tankerlərlə neft daşınır. Misir və Liviyadan sonra Əl-Qaidənin ən sıx məskunlaşdığı bölgə Yəməndir. Əgər boğaza İrana  xidmət edən qüvvələr nəzarət edərsə, qərbin hansı vəziyyətə düşəcəyi göz önündədir. İran öz dövlətçiliyinə qarşı yönəlmiş zərbəni dəf etmək üçün bu addımı atdı. Çünki real olaraq sanksiyalarla əzilməsi və ABŞ-dan qaynaqlanan təhlükəyə qarşı hardasa ediləcək bir gediş idi. Təəssüf hissi ilə qeyd etmək lazımdır ki, ortada günahsız insanların qanı tökülür...