“Şəhid balalarımıza “bədbəxt” deməyin!.. -Bədbəxt

"Bir milyona yaxın dinc əhali Rafahı tərk edib" - BMT-nin fələstinli qaçqınlar üzrə Agentliyi

"Nüvə savaşında 72 saata 5 milyard insan həlak olacaq, yalnız iki ölkə salamat çıxacaq" - "Daily Star"

"Ukraynadan qalan yalnız Lvov olacaq" - Xodorkovski

İran Prezidentini daşıyan helikopter sərt eniş edib, Rəisinin vəziyyəti məlum deyil

Rusiyalılar mülki ukraynalıları qətlə yetirir, Xersonda insanların üzərinə drondan partlayıcı maddə atılıb

"Hücumun birinci fazası: Volçanskın zəbt edilməsi rusiyalılara nə üçün lazımdır?" - ISW

"Ukrayna Rusiyadakı obyektlərə zərbələr endirmək üçün ABŞ-dan icazə istəyir" - "The Wall Street Journal"

Ziyafətdən sonra necə TEZ AYILMAQ OLAR? - Sadə və təsirli üsullar

“Şəhid balalarımıza “bədbəxt” deməyin!.. -Bədbəxt - qatillər, baiskarlardır...”

Oxunub: 4423

28 Oct 2020 | 10:29

“Şəhid balalarımıza “bədbəxt” deməyin!.. -Bədbəxt - qatillər, baiskarlardır...”

Vətən müharibəsi aparırırıq... Ölkəmizin hər qarışına ətdən çəpər çəkmişik... Bu gün hər birimiz TORPAQ uğrunda potensial qurban, şəhidik...

***

Əvvəla, ümumiyyətlə, ölümün kimi harada haqlayacağı Allahdan savayı heç kəsə bəlli deyil... İkincisi də, mənfur, xain düşmən Azərbaycanın hər bir nöqtəsini oda, ölümə bələməyə cəhd edir... Son bir ayda Tərtər, Ağdam, Gəncə, Bərdə, Ağcabədi, Beyləqandan savayı cəbhə, sərhəd xəttindən 100-300-500 km uzaq olan ərazilərimizə: Gəncəyə, Abşerona, Xızıya, Qəbələyə, Kürdəmirə, Yevlağa və s. düşmən raketləri atıldı... Eyni zamanda düşmən hər bir şəhərimizdə, binamızda, metro, avtobus, avtomobilimizdə, gəmimizdə, təyyarəmizdə və s. müxtəlif növ kütləvi terror cəhdləri edə bilər...

***

Doğrudur, ən böyük həyati riski ön cəbhədə olan qəhrəman əsgər, zabit və generallarımız yaşayır. Arxa cəbhədəkilərin raket, mərmi zərbəsinə ürcah olmasının ehtimalı çox azdırsa, o döyüşçülərimizin başı üzərindən, sağından, solundan, az qala, hər an raketlər, mərmilər, qumbaralar, qəlpələr, güllələr uçur. Eyni zamanda irəli – düşmən üzərinə gedərkən ayaqları altında da, Allah eləməmiş, mina partlaya bilər...

***

Bir sözlə, hər birimiz hər an ayıq-sayıq, eyni zamanda təmkinli, mətin, iradəli, dözümlü olmağa çalışmalıyıq... Hər birimiz yaşımıza-başımıza, bədən zəifliyimizə rəğmən rəğmən dövlətimizin lazım bildiyi andaca ön cəbhədəki hərbçilərimizin yanına getməyə hazır olmalıyıq...

***

Vətən savaşımızın ilk günlərində Bərdə şəhərinə atılan erməni raketlərindən biri yaşayıb-işlədiyim evdən 150-200 metr məsafədəki qonşu evə düşdü – həlak olan yaralananlar oldu, ev yanıb külə döndü... Ondan öncə reportaj üçün getdiyim Tərtər, Ağdam istiqamətindəki kəndlərə, yollara da düşmən raket, mərmisi düşə bilərdi...

***

Dünən – oktyabrın 27-də isə paşinyanların “Smerç” raketlərindən biri Bərdənin Qarayusifli kəndinə bacımın hal-hazırda azyaşlı nəvələri ilə birgə yaşadığı bitişik Alpoud kəndindəki evindən təxminən 200 metr məsafədəki evlərin yanına düşdü – ikisi uşaq olmaqla 4 soydaşımız şəhid oldu... Allah qəni-qəni rəhmət eləsin! Məzarları nurla dolsun!..

***

Amma gəlin, digərləri kimi xain erməni hücumu nəticəsində dünyasını dəyişən bu soydaşlarımıza, xüsusən o fidan balalarımıza “bədbəxt” deməyək... Çünki əvvəla, torpaqlarımızın azadlığı uğrunda apardığımız Vətən savaş zamanı düşmən raketinə tuş gəlmiş bu insanlar da, yəqin ki, Allah qatında şəhid sayılır. Ona görə ki, həyatlarını məhz müqəddəs torpaq uğrunda mübarizəmizə görə itiriblər. və İkincisi də, nə qədər ağır olsa da, dünyamızda baş verən hər bir olay kimi bu faciəmizə də daim and içdiyimiz Qurani-Kərim prizmasından, yəni həm bu dünyanı, həm də Axirətimizi düşünərək baxmağa çalışaq...

***

Bilirik ki, bu dəqiqə Gəncədə, Bərdədə, Goranboyda, Tərtərdə erməni hücumundan həlak olmuş fidan balalarımızın ata-analarına, əzizlərinə təsəlli vermək çox çətindir....

***

İnanın ki, hər bir Vətən qeyrətli Azərbaycan vətəndaşının qəlbi sizin yanınızdadır, əziz şəhid ata-anaları, övladları, qardaş, bacıları, əzizləri...

***

Bu yazını da o körpə şəhidlərimizi göz önünə gətirərək göz yaşları içində yazıram... Amma var gücümüzü toplayaraq mətin olmaq gərəkdir. Çünki bundan sonrakı qətlləri durdurmaq üçün bizim çıxış yolumuz yalnız düşməni sonadək torpaqlarımızdan qovub QƏLƏBƏ çalmaqdır....

Odur ki, Allaha güvənərək hər birimiz öz sahəmizdə mümkün mübarizəmi davam etdirməliyik...

****

Peyğəmbərimiz(s) buyurur ki, qəlblər yalnız Allahı zikr etməklə, Quran oxumaqla hüzur tapar...

***

Allah-Təalanın Qurani-Kərimdə şəhidlər haqda buyurduğu bir neçə ayəni yada salaq:

“Allah yolunda öldürülənlərə (şəhid olanlara) “ölü” deməyin. Əksinə, onlar (Allah dərgahında) diridirlər, lakin siz bunu dərk etmirsiniz” (Əl-Bəqərə, 154).

“Allah yolunda öldürülənləri (şəhid olanları) heç də ölü zənn etmə! Əsl həqiqətdə onlar diridirlər. Onlara Rəbbi yanında ruzi (cənnət ruzisi) əta olunur.

Onlar Allahın Öz mərhəmətindən onlara bəxş etdiyi nemətə (şəhidlik rütbəsinə) sevinir, arxalarınca gəlib hələ özlərinə çatmamış (şəhidlik səadətinə hələ nail olmamış) kəslərin (axirətdə) heç bir qorxusu olmayacağına və onların qəm-qüssə görməyəcəklərinə görə şadlıq edirlər

Onlar Allahdan gələn nemət və mərhəmətə görə, həm də Allahın möminlərin mükafatını puça çıxarmayacağına görə sevincək olurlar ”(Ali-İmran, 169-170-171).

***

Bu ayələrin məntiqi ilə şəhidlərimizə, o cümlədən düşmənlərin qətlə yetirdiyi o məsum, fidan balalara “bədbəxt” də demək olmaz... Bədbəxt – onları qətlə yetirərək hələ də həyatda qalıb yeni qətllər planlaşdırılan kafirlərdir... Bədbəxt – bu qətllərin baş verməsinə öncədən bais olan, onları təşkil edən kafirlərdir... Bədbəxt – bu haqsızlıqlara göz yumanlar, erməni faşizmini durdurmaq, “Azərbaycan torpaqlarından çıx” əmrini verməyə gücü ola-ola bunları etməyən kafirlərdir...

***

Kafirlərə veriləcək cəzalar haqda isə Quran ayələri onlarladır...

***

Allah Müsəlman-Türk dünyasını, Azərbaycanımızı, ordumuzu, əsgərlərimizi, Ali Baş Komandanımızı, hər bir soydaşımızı, övladlarımızı qorusun! Və kafir qövm üzərində bizə Qələbə - Şuşada, Xankəndində, Kəlbəcərdə, Laçında üçrəngli bayrağımızın ucaldılmasını görməyi nəsib etsin!..