İlləri vecinə almayan Yıldız Tilbə yeni albom çıxarıb. Elə bu münasibətlə də məşhur jurnalist Ayşə Armana müsahibə verib.

 

 

O, həqiqətən də, çox qeyri-adi qadındır. Seriallarda gördüyümüz qadınlar bir-birlərinə çox oxşayırlar, Yıldız Tilbə isə heç kimə oxşamır. Bu da onu bənzərsiz edir. Bir az vəhşi, bir az yalnızdır. Amma olduqca açıqsözlü, şəffaf bir qadındır. Bu, onunla ilk müsahibəmdir. Amma bilirəm ki, son müsahibəm olmayacaq. Onunla qəhvə içə-içə həyatdan, eşqdən, yalnızlıqdan və kişilərdən danışmaq gözəl idi. Onunla yenə danışmaq, bu səmimi qadının gözlərinə yenidən baxmaq istərdim...

- Demək olar ki, hə. Amma bəzi xasiyyətlərim xoşuma gəlmir. Öz-özümə deyirəm ki, "Az ye!", amma çox yeyirəm. "Az iç!” deyirəm, amma çox içirəm. Yenə də özümlə barışmışam.

 

- Ələbəttə ki, yox.

 

- Özümü idarə etməyi bacarmaq istəyərdim. Amma olmur. Biz türkiyəlilər beləyik.

 

- Təbii ki, mahnılarıma görə. O mahnılar insanlarla aramdakı körpüdür. Kiməsə aşiq oluruq, sonra bir mahnı bəyənirik, sevinəndə o mahnı ilə rəqs edirik, kədərlənəndə o mahnını dinləyib  ağlayırıq. Mənim mahnılarım həmin mahnılardandır. Məni özlərindən biri kimi görürlər. Ötən gün yolda bir dinləyicim ilə qarşılaşdım. Deyir ki, “Sən heç bilirsən ki, mən sənin mahnılarınla nələr yaşamışam?”. Haradan bilim axı, amma o sevəndə, canı ağrıyanda məni dinləyib. Tutaq ki, bir qadın evli bir adama aşiq olub. Bunu dilə gətirə bilməz, amma mahnı vasitəsilə deyir. Mən insanların ortaq diliyəm.

 

- Bir az elədi. Çünki mənim üçün belə rahatdır. Başqa cür ola bilmirəm. Özümü idarə etməyə çalışıram, ancaq elə bir nöqtəyə gəlib çatıram ki, orada idarəni itirirəm. Ürəyimdən keçənləri edirəm. Məni Allah qoruyur.

- Yox. Əsla elə bir şey olmayıb.

 

- Uzaya Allah rəhmət eləsin. Ötən gün Zeynəb Tunuslunu gördüm, onunla da bu mövzuda danışdıq. Dedim ki, “Bir dəfə ikimiz də çox sərxoş idik, bir qələt elədik. Üstümüzə yapışıb qaldı”.

 

- Elə bir şey olmayıb. Heç vaxt dalaşmamışıq.

 

 - Mənim sənin rəqsindən, daha doğrusu, rəqs edə bilməməyindən də çox xoşum gəlir.

- Rəqs bədənin hərəkət etməsi deyil? Mən də onu edirəm də.

-Yox, uyğunlaşır. Səhnədə bədənim musiqi alətinə çevrilir. Mən ritmi bədənimlə hiss edib, onu rəqsə çevirirəm. Ritmi tuta bilməyən sizsiniz.

 

- Mahnılarının sözləri hamıya təsir edir. Bu qədər dərindən, ürəkdən yazmağı necə bacarırsan?

- Hər şey yaradılışla bağlıdır. Mən çox həssasam. Bu, əslində, yaxşı bir xüsusiyyət deyil. Deməli, belə olmalı imiş, müğənni olmaq üçün yaradılmışam.

 

- Mahnı oxumağa uşaqlıqdan başlamışam. Məhəlləmizdə elektrik xətti yox idi. Televizora baxmaq üçün 4-5 məhəllə uzağa gedirdim. Gecə evə qayıdarkən çox qorxurdum. Var gücümlə qışqıra-qışqıra mahnı oxuyurdum. Səsimi eşidən evin işığını yandırırdı. Sonra məhəllə toylarında oxumağa başladım. Bacılarımın dinlədikləri mahnıları əzbərləyirdim. Yəni mən bu işlə uşaqlıqdan bəri məşğul oluram. Sonra evləndim, maddi vəziyyətimiz yaxşı deyildi, sadəcə, mahnı oxumağı bacarırdım. Ona görə də, müğənni olmağa qərar verdim.

 

- O xəbərlər yalandır. Sadəcə, dayəlik eləmişəm.

- Yox. Mənim bir uşağım oldu. Anam dedi ki, “ikinci uşağı doğma. Sən baxa bilməzsən”. Həqiqətən də qızıma ailəm baxıb. Mən 17 yaşımda ana olmuşam. Anam mənə “doğmuş qız” deyirdi. Qadın olmamışdım, uşaq idim hələ də...

 

- Şansdır, təbii ki. Yoxluq, insanı mümkünsüzü mümkün etməyə məcbur qoyur. Bir daha dünyaya gəlsəm, yenə eyni ana-atanın qızı olmaq istəyərdim. 22 yaşımda anamı, 34 yaşımda isə atamı itirdim. Anam 6 uşaq böyütmüş qadındı. Yorulmuşdu. Həyat yormuşdu onu. 57 yaşında öldü. Yıldız Tilbə olduğumu görmədi. Halbuki müğənni olmağımı çox istəyirdi. Ana tərəfimlə ata tərəfim arasında çox fərq var. Ata tərəfim qatı dindarlardır, çarşaf geyinirlər. Ana tərəfim isə ələvidir, dünyagörüşləri fərqlidir.

 

- Biri xaricdədir, ikisi İstanbulda, biri İzmitdə, digəri də İzmirdə. Hamısı ilə tez-tez görüşürəm.

 

- İnsanoğlu qəribədir. 25 yaşımda olanda özümü 100 yaşlı qoca kimi hiss edirdim. İndi isə özümü çox gənc hiss edirəm. Xaricdən qocalıram, daxilən gəncləşirəm.

 

- İnsan yetkinləşir. Qorxuları azalır. 10 il öncə mənə intiharı düşündürən şeyləri indi vecimə almıram.

- Heç biri ilə əlaqəm yoxdur. Mən Yıldız Tilbəyəm. Hamıdan bir dənədir.

- Üzməyi biləndən sonra hər dəfə yenidən öyrənməyinə ehtiyac qalmır. Bu da eynilə belədir. Bir dəfə o hissləri yaşamışam, eşqi bilirəm, tanıyıram. Ancaq həyatımda eşq olanda mahnılar daha dərin alınır.

 

- Aradabir aşiq oluram. Amma platonik olur. Çox qısqancam. Deyək ki, kimsə xoşuma gəldi. Adamın onu bəyəndiyimdən xəbəri belə yoxdur. Mən isə xəyanət etməsi ehtimalı qarşısında onu öldürmə planları qururam. Normal deyiləm.

- Fikrimcə, başqasına baxmaq da xəyanətdir. Hətta adam aynada özünə bir az çox baxsa, dəli olaram.

 

- Allahdan qorxmayan hər kişi xəyanət edər. Çünki Allahdan qorxmayan kişi, qadından da qorxmur.

 

- Təəssüf ki, elə olur. Mənə özüm kimi biri lazımdır, ancaq o da yoxdur. Məndə naz yoxdur. Sibel Can üçün ürəyim gedir, qadının hər yerindən naz-qəmzə tökülür. Mən heç vaxt elə ola bilməmişəm. Atam kimi bir adam axtarıram. Amma elə saf insan tapmaq imkansızdır.

 

- Yox, vaxt sərf edə bilmərəm. Ona süd verəcəyəm? Bu saatdan sonra gənc sevgili məni əsəbiləşdirər.

 

- Yaşlı da istəmirəm. Ağlı başında bir insan olsun. Yenə də Allah bilən məsləhətdir.

 

- Üç dəfə “Balıklı Rum”da, iki dəfə də “Lape”də yatmışam. Amma ağıllı çıxdım, Allaha min şükür! Terapevtlə danışanda qucağımda bir qutu salfet olur. Ağlayıram. Amma terapevt mənə heç nə deyə bilməz. Məni necə sakitləşdirəcək axı?  İnsan həyatda yalnızdır. Kim olur, olsun, dərdi nə olur olsun, özü həll etməyə məcburdur.

 

- Aşiq oldum, it kimi sevdim. Adam evli çıxdı. Çox pis oldum. Elə bilirdim ki, ölürəm. Onu fikirləşəndə içimdə nə isə böyüyürdü. Həkimə getdim, xəstə olduğumu öyrəndim. Onu unutmağa çalışdım, çox çətin olsa da, bacardım. Ondan sonra da sağaldım. Yenə elə sevə bilərəm, amma heç kimi o qədər çox sevmək istəmirəm.

 

- Heç nə, nə edəcək? Evinə qayıtdı. Bütün evli kişilər kimi... Evli kişilər qadınlara qarşı subaylardan daha cəsarətli olurlar və daha çox yalan danışırlar. Adam həm sevgilisini məhv edir, həm də arvadını. Sonra da heç nə olmamış kimi evinə qayıdır.