2025-ci ilin QORXUNC ÜZÜ: hücumlar, xəstəliklər...

 

Moderator.az bildirir ki, Yenisabah.az astroloqların 2025-ci il haqda proqnozlarını araşdırıb. Astroloqlar bu ilin yer üçün əhəmiyyətli olacağını ifadə edirlər. Pluton Dolça bürcünə keçdi. Mayın 25-də Saturn Balıqlardan Qoç bürcünə, Neptun isə bir müddət Balıqlar bürcündə qaldıqdan sonra Qoça keçid edəcək. Səma ciddi təsirlər altında olacaq. Plutonun Dolça bürcünə keçməsi ilə insanlar artıq daha sərbəst düşünən, humanist yanaşmanı mənimsəyən, bərabərlik və ədalət mövzusu ilə kütləvi şəkildə hərəkət edən bir şüura sahib olacaqlar. Yupiter Xərçəng bürcünə keçəcək. Xərçəng emosional əlamətdir. Ailə, evlilik və uşaq sahibi olmaq kimi mövzularla diqqəti çəkir. Ona görə də deyə bilərik ki, bu il əslində evlilik və uşaq ili olacaq. Bürcü və yüksələn bürcü Əqrəb olanlar həyatlarının eşqinə rast gələ bilərlər. Dolçalar yeni həyat dövrünə girəcəklər. İnsanların həyatında zəruri dəyişikliklər olacaq.

 

Astroloqlar onu da vurğulayır ki, bu il özümüzü sanki sürət qatarındaymış kimi hiss edəcəyik. Əsrlərdə ilk dəfə baş verən səma mövqeləri, mühüm planet keçidləri və tutulmalar da daxil olmaqla, dünyada köklü dəyişikliklərin baş verəcəyi bir ilə qədəm qoyuruq.

 

Su problemi dünya üçün əsas stress mənbəyinə çevrilə bilər. Su böhranları təbii olaraq quraqlığın artmasına səbəb ola bilər ki, bu da avtomatik olaraq tərəvəz, meyvə və torpaqda yetişdirilən bütün məhsullara təsir göstərəcək. Bununla paralel olaraq ərzaq məhsullarında yüksək qiymət artımları müşahidə olunur. Bu dövrdə boğazlara, dənizlərə, limanlara və liman şəhərlərinə hücumlar ola bilər, ya da belə yerlərdə böhranlar, stresli hadisələr baş verə bilər. Beyinlə əlaqəli xəstəliklər, yaddaşla əlaqəli xəstəliklər, demans və Alzheimer kimi xəstəliklərin müalicəsində böyük inkişaflar ola bilər. Universitetləri maraqlandıran təhsil və imtahan sistemləri ilə bağlı ciddi çaşqınlıq ola bilər.