Almaniyanın "Statista" plarformasının məlumatına görə, ən çox çay işməyi sevənlər Türkiyə vətəndaşlarıdır. Bu ölkədə rəyi soruşulanların 87 faizi bəyan edib ki, onlar müntəzəm olaraq isti çay içir. 

 

Moderator.az xəbər verir ki, bu barədə "lifehacker.ru" nəşri yazıb.

 

Reytinqdə daha sonra çay həvəskarlarından olan ölkələrdən Keniya və Pakistan, sonra Hindistan gəlir. Bütün bu ölkələrdə yayda havanın hərarəti 30 dərəcədən yüksək olur, Türkiyədə isə 38 dərəcəyə yüksəlir.

 

İsti havada isti çay içmək ənənəsi həm də MDB ölkələrindən Rusiya və Qazaxıstanda var və bu, çoxdan belədir. 

 

Belə ki, 1889-cu ildə öz oçerkində etnoqraf Aleksey Xaruzin xatırladıb ki, qazaxlar və ruslar "çayı həm sərt şaxtada, həm də boğucu istilərdə xoşagələn içki hesab edir".

 

Yazıçı İvan Zaxarin isə öz kitabında qeyd edib ki, bu içki rus zabitlərinə yorğunluğun öhdəsindən gəlməyə kömək edib.

 

"35 il öz çöllərdə hərbi xidmət keçmiş" döyüş zabitlərinin sözlərinə görə, "hətta yayda, ən dəhşətli istidə günorta saat 2-3-də çay qeyri-adi müalicəvi təsir göstərir. 

 

Əvvəlcə güclü tər ifrazı meydana çıxır, sonra bədən bir qədər quruyanda son dərəcə yüngüllük yaranır, yorğunluq ötüb keçir və insan möhkəm və sağlam olur".

 

Ola bilsin ki, isti ölkələrdən olan çay həvəskarları, sadəcə, bu içkini xoşlayır və ondan istənilən havada zovq almağa hazırdır. Və yaxud onlar görüb ki, isti çay istilik verməyi artırır və bədənin soyumasına kömək edir. Bu, həqiqətən belədir, lakin yalnız müəyyən şəraiti nəzərə alınmalıdır.

 

 

Təcrübələrin birində alimlər müxtəlif hərarətdə olan içkilərin bədənin məşğələlər zamanı istiliyi saxlamaq qabiliyyətini yoxlayıb.

 

9 kişi 75 dəqiqə ərzində velosipedin pedallarını fırladıb və hər 15 dəqiqədən bir müxtəlif hərarətdə - soyuq (C üzrə1, 5 dərəcə) və isti (C üzrə 50 dərəcə) su içib.

 

İsti sudan sonra rütubətin buxarlanması hesabına dərinin soyumaq qabiliyyəti artıb, soyuq sudan sonra isə, əksinə, azalıb. Nəticədə 50 dərəcəli su iştirakçılarda daha çox istilik itirməyə kömək edib.

 

Siz isti və ya qaynar içki içəndə, orqanizm soyuma sistemini işə salır və sürətlə tər ifraz edir. Rütubət buxarlanaraq istiliyi azaldır və bədən soyuyur.

 

Burada qeyd etmək lazımdır ki, ətraf mühitin hərarəti təcrübədə cəmi 23 dərəcə, nisbi rütubət isə 23 faiz olub. Otaqda rahatılq və sağlamlıq üçün rütubətin 40-60 faiz olduğu məsləhət görüldüyündən, tədqiqatda hava həqiqətən quru olub.

 

Əgər insan isti və rütubətli mühitdədirsə, üstəlik, bu zaman məşq edirsə, tər o qədər də yaxşı buxarlanmayacaq və orqanizm kifayət qədər soyumayacaq. Nəticədə insan maye itirəcək, ondan damcılarla tər axacaq və bədənin hərarəti aşağı düşməyəcək.

 

Ona görə də isti, rütubətli və küləksiz şəraitdə soyuq və hətta buzlu içki yararlı olacaq. Bədən onu mədədə isitmək üçün istilik verəcək və bu, orqanizmi bir qədər soyudacaq. Bu zaman az tər ifraz ediləcək, lakin bu proses onsuz da effektli olmadığından insan heç nə itirməyəcək.

 

 

İlk növbədə bu, tərin dəridən səmərəli şəkildə buxarlanmasından asılıdır. Əgər içkidən sonra sizin ventilyator qoşmağa və ya təmiz havaya çıxmaq imkanınız varsa, isti içki kömək edəcək. Əgər sizdən tər axırsa, ətrafda isə hava istidirsə, çay yaxşı heç nə verməyəcək.

 

Rəsmi tövsiyələrə gəldikdə, Böyük Britaniya Milli Səhiyyə Xidmətinin ekspertləri isti havada isti içkilərdən istifadə etməyi məsləhət görmür. Bu zaman onlar bunun təfərrüatlarına varmır.

 

ABŞ-ın xəstəliklərinə nəzarət və profilaktika üzrə Mərkəzi içkiləri xatırlatmır, amma isti və ağır qidalardan çəkinməyi tövsiyə edir, çünki bu, bədənin hərarəyini yüksəldə bilər. 

 

Lakin əgər siz isti çayı çox sevirsinizsə və hava şəraitinə görə ondan imtina etmək istəmirsinizsə, böyük ehtimalla, heç bir dəhşətli şey baş verməyəcək.

 

İsti havada siz sürətlə rütubət itirirsiziniz, belə şəraitdə istənilən içki yararlı ola bilər. Əsas odur ki, içki alkoqolsuz olsun, çünki etanol susuzluq riskini artırır.