Kamal 2022-ci ilin mayının axırlarında tanışı Aydanın yaşadığı Abşeron rayonu, Novxanı qəsəbəsində nömrəsiz fərdi yaşayış evinə gəlib. O, həmin evin birinci mərtəbəsində yataq otağında qarşılıqlı razılıq əsasında onunla qeyri-təbii yolla cinsi əlaqədə olub, ona qarşı digər seksual xarakterli hərəkətlər edib.

 

Hadisəni törədən Kamalın barəsində Cinayət Məcəlləsinin 152.2-ci (on iki yaşına çatmış, lakin on dörd yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.

 

Cinayət işi üzrə təqsirləndirilən şəxs qismində ifadə verən Kamal ona elan olunmuş ittiham üzrə özünü təqsirli bilib. O bildirib ki, ailə üzvləri ilə birlikdə Novxanı Bağlar massivində yaşayır: “Novxanı kəndində tam orta məktəbin 11 sinif şagirdiyəm. Aydanı tanıyıram, onunla münasibətim yaxşı olub. O da həmin məktəbdə təhsil alır. Hazırda 9 sinif şagirdidir. Aydanla 2022-ci ilin fevral ayından tanış olmuşam, onunla telefon vasitəsi ilə danışmışıq. Həmin danışıq əsnasında aramızda sevgi münasibətləri başladı.

 

Aydanla görüşmək qərarına gəldik. 2022-ci ilin təxminən may ayının axırlarında onunla telefon əlaqəsi saxlayaraq yaşadığı evə gəlmək istədiyimi bildirdim. Ondan evdə kiminsə olub-olmamasını soruşdum. Aydan isə evdə tək olduğunu bildirdi. Təxminən günorta saat 14 radələrində Aydanın yaşadığı evə gəldim, girişin sol tərəfində yerləşən yataq otağına daxil oldum. Orada çarpayıda onunla qeyri-təbii yolla cinsi əlaqədə olmağı təklif etdim.

 

Aramızda razılıq olduqdan sonra Aydan yatdığı çarpayıya üzü üstə uzandı. Biz on dəqiqə ərzində cinsi əlaqədə olduq. Sonra evimə getdim. Bu hadisədən bir neçə ay sonra Aydanla telefon vasitəsi ilə danışsam da görüşmədik”.

 

Kamalın ifadəsinə görə, Aydanın anası Səmayə telefonla danışmalarından xəbər tutduğu üçün onları danışmağa qoymayıb: “Qeyri-təbii yolla cinsi əlaqədə olmağımız barədə heç kimin məlumatı olmayıb. Daha sonra Aydanın evdən qaçması ilə bağlı oktyabr ayında Saray Polis Bölməsində araşdırma aparılan zaman mənimlə qeyri-təbii yolla cinsi əlaqədə olmağı barədə izahat verib.

 

Məni polis bölməsinə dəvət edən zaman Aydanla qeyri-təbii yolla cinsi əlaqədə olduğumu boynuma aldım. Onunla öz razılığı əsasında bir dəfə əlaqədə olmuşam. Aydana zor tətbiq etməmişəm və ya döyməmişım. Onun 14 yaşının tamam olmaması haqqında məlumatım olub. Əməlimdən peşmanam”.

 

İş üzrə zərərçəkmiş qismində ifadə verən Aydanın sözlərinə görə, ailə üzvləri ilə birlikdə İsmayıllı rayonunun kəndində qeydiyyatda olsalar da, Abşeron rayonu, Novxanı kəndində qeydiyyatsız yaşayırlar: “Mən evin yaşca böyük uşağıyam, məndən kiçik bir bacım, bir qardaşım var. Bacım məndən iki yaş, qardaşım isə altı yaş balacadır. Hər üçümüz Novxanı kənd orta məktəbində təhsil alırıq. Mən hazırda həmin məktəbin 9 sinif şagirdiyəm. Kamalı tanıyıram, oxuduğum məktəbdə 11-ci sinifdə təhsil alır. Onunla 2022-ci ilin fevral ayından tanış olmuşam. Sonradan aramızda olan münasibət sevgi münasibətlərinə çevrildi”.

 

Zərərçəkmiş qeyd edib ki, Kamalla sevgi münasibətləri daha da gücləndiyi üçün onunla görüşmək qərarına gəlib: “2022-ci ilin təxminən may ayının axırlarında Kamal mənimlə telefon əlaqəsi saxlayaraq yaşadığım evə gəlmək istədiyini bildirdi. Həmin vaxt isə anam Samirə İsmayıllı rayonunda, atam Pərviz isə işdə idi. Bacımla qardaşım isə nənəmin yaşadığı evdəydi.

 

Təxminən günorta saat 14 radələrində Kamal evimizə gəldi. O, qeyri-təbii yolla cinsi əlaqədə olmağı təklif etdi. Mən də razılaşdım, yatdığım çarpayıda cinsi əlaqədə olduq. Həmin günü biz evdə tək olmuşuq. Evdə ikimizdən başqa heç kim olmayıb.

 

Bu hadisədən bir neçə ay sonra Kamalla telefonda danışsam da, onunla görüşmədim. Anam bizim telefonla danışmağımızı bildi və mənə əlaqəni kəsməyi tapşırdı. Anamın Kamalla qeyri-təbii yolla cinsi əlaqədə olmağım barədə heç bir məlumatı olmayıb”.

 

Aydanın ifadəsinə görə, bir neçə ay sonra anasının ona qarşı hərəkətlərindən bezib və evdən qaçmaq qərarına gəlib: “3 oktyabr 2022-ci ildə səhər tezdən oxuduğum məktəbə getdim. Saat 14 radələrində dərsdən çıxan vaxt anam qardaşımı məktəbə gətirdi. Məni isə məktəbdən Masazır qəsəbəsinə hazırlığa yola saldı.

 

Mən hazırlıqda iştirak etdim, saat 16:50-də hazırlıqdan çıxdım. Anam mənə zəng vuraraq harada olmağımı soruşdu. Mən isə anamı aldadaraq hazırlıqdan çıxdığımı, evə gəldiyimi bildirdim. Bundan sonra sinif yoldaşım Əsmər adlı qızla telefon əlaqəsi saxladım, görüşmək istədiyimi və bezdiyim üçün evə getməyəcəyimi bildirdim.

 

Əsmər Novxanı qəsəbəsində yaşasa da, məni Sumqayıt şəhərinə “Göyərçin” deyilən yerin qarşısına dəvət etdi.

 

Mən marşurut avtobusu ilə Sumqayıt şəhərinə getdikdən sonra Əsmərlə telefon əlaqəsi saxladım. Amma o, zənglərimə cavab vermədi. Mən evdən qaçdığım üçün geri dönmək istəmədim. Ona görə də məcbur qalaraq Sumqayıt şəhərində gəzməyə başladım. Valideynlərim mənə zəng vuraraq axtarmasın deyə mobil telefonumu söndürdüm.

 

Sumqayıt şəhərində gəzişən zaman təsadüfən tanımadığım 3 qızla tanış oldum. Onlara başıma gələn hadisəni danışdım. Qızlar məni kirayə yaşadıqları evə dəvət edərək çöldə qalmamağımı bildirdilər. Qızlarla birlikdə onların Zabrat qəsəbəsində kirayə yaşadıqları evə getdim. Həmin evi hazırda xatırlamıram, bir gün onlarla qaldıqdan sonra qızlar mənə evə qayıtmağı məsləhət bildilər”.

 

Aydan qeyd edib ki, oktyabrın 4-də marşurut avtobusuna minərək yaşadığı evə gəlib: “Atam mənim itkin düşməyimlə bağlı polisə məlumat verdiyini bildirdi. Atamla Saray Polis Bölməsinə getdik. Orada mənim izahatımı aldılar. Sonra bədən səthimdə xəsarətim olub-olmaması, bakirəliyimin pozulub-pozulmaması ilə bağlı məhkəmə tibbi ekspertizası təyin olundu.

 

Mən ekspertizadan keçdikdən sonra qeyri-təbii yolla cinsi əlaqədə olmağımı göstərən əlamətlər müəyyən edildi. Yenidən Saray Polis Bölməsində izahat verərək səmimi olaraq Kamalla əlaqəmin olduğunu bildirdim. Kamal mənə zor tətbiq etməyib və ya məni döyməyib. Razılıq əsasında qeyri-təbii yol ilə cinsi əlaqədə olmuşuq. Başqa şəxslərlə nə təbii yolla, nə də qeyri-təbii yolla cinsi əlaqədə olmamışam”.

 

Bu cinayət işinə Abşeron Rayon Məhkəməsində baxılıb. Məhkəmənin hökmü ilə Kamalın barəsində Cinayət Məcəlləsinin 70-ci (şərti məhkum etmə) maddəsi tətbiq olunub.

 

Ona 2 il sınaq müddəti olmaqla 3 il şərti cəza verilib. /Teleqraf.com/