Yüksək xərclər, enerji böhranı və siyasi qarışıqlıq: Almaniya iflas edir?

Bizi sosial şəbəkələrdən izləyin:

Biznes liderləri Almaniyanın biznesdə tarixi bir qırılma yaşadığını və rəqabət qabiliyyətini itirdiyini deyirlər. Ekspertlər bildiriblər ki, korporativ miqrasiya ölkənin iqtisadi gələcəyini təhdid edir.

Moderator.az xəbər verir ki, Federal Topdansatış, Xarici Ticarət və Xidmətlər Assosiasiyasının (BGA) prezidenti Dirk Jandura iddia edib ki, şirkətlərin ölkədən kütləvi şəkildə getməsi ölkənin faktiki olaraq “iflas etdiyini” göstərir. Jandura əlavə edib ki, yüksək xərclər səbəbindən 2025-ci ildə daha çox şirkətin sənayeni tərk edəcəyini gözləyir.

“Xərclər çox yüksəkdir”

BGA prezidentinin sözlərinə görə, yüksək enerji xərcləri ilə bağlı problemlər aradan qaldırılmasa, kimya, metal və maşınqayırma sektorunun istehsalçıları ölkəni tərk etməyə davam edəcək.

"Burada xərclər çox yüksəkdir. Şirkətlərin üçdə biri investisiyalarını azaltmağı planlaşdırır. Bu, gələcək artım üçün yaxşı perspektiv deyil", - Jandura bildirib.

Almaniya Sənaye və Ticarət Palatasının prezidenti Peter Adrian da eyni fikri bölüşüb və ölkənin artıq beynəlxalq miqyasda rəqabət apara bilməyəcəyini bildirib.

"Bu ölkədəki şirkətlər son illərdə bir çox yeni yüklərin və hökumətin həddindən artıq müdaxiləsinin öhdəsindən gəlməli oldu",- Adrian qeyd edib.

Fevralın 23-də növbədənkənar seçki

Almaniya da son vaxtlar siyasi böhranla mübarizə aparır. Prezident Frank-Valter Ştaynmayer cümə günü kansler Olaf Şolzun parlamentin buraxılması və növbədənkənar seçkilərin tarixini fevralın 23-nə təyin etmək tələbini qəbul etdiyini açıqlayıb.

Əvvəlki həftələrdə hakim koalisiya hökumətinin dağılmasının ardınca Scholz etimad səsverməsi çağırışı uğursuz olmuşdu.

Bundestaqın ötən bazar ertəsi Scholz-a qarşı verdiyi etimad səsverməsi 1949-cu ildən bəri ölkədə keçirilən altıncı etimad səsverməsi idi. Bu səsvermə ilə Almaniya tarixində üçüncü dəfə bir administrasiya vaxtından əvvəl sona çatdı.

Mehin Mehmanqızı