2024-cü il kripto bazarının vəziyyəti və bu nəticələrin 2025-ci ilə təsiri

Binance şirkətinin Baş İcraçı Direktoru Riçard Teng 2025-ci ildə kriptovalyuta sənayesində bizi nələr gözləyir sualını cavablandırıb. Riçard Teng deyir ki, 2024-cü il kripto üçün yeni bir dövr idi və əhəmiyyətli hadisələrlə zəngin olub. Bu dövr ərzində bitcoin və ümumi kripto bazarının ümumi dəyəri yeni ən yüksək səviyyələrə çatıb. ABŞ-ın spot Bitcoin ETF-ləri $31 milyarddan çox xalis axın toplayıb və $100 milyarddan çox idarə olunan aktivlərə (AUM) sahib olub. 2024-cü ilin iyul ayında spot Ether ETF-ləri də onlara qoşulub və bu ETF-lər $730 milyon dollardan çox axın və $9 milyarddan çox idarə olunan aktiv əldə edib.

 

Dünyada, xüsusilə Avropada MiCA qanunverciliyi daxil olmaqla, tənzimləyici qaydalar hazırlanıb. Pro-kripto prezident seçilən Donald Trump və Senat və Nümayəndələr Palatasında seçilən bir sıra pro-kripto siyasətçilərin olması, 2025-ci ildə kripto qanunvericiliyində yeniliklərin  olacağına işarə edir.

 

Riçard Teng  2025-ci ildə hərtərəfli yeniliklər gözlədiklərini vurğulayıb: “Kripto tənzimləmələri 2024-cü ildə dünya üzrə böyük artım gördü və 2025-ci ildə daha çox inkişaf təxmin edilir. Son ABŞ prezident seçkiləri və yeni hökumət tərəfindən gözlənilən kripto tənzimləmələri nəzərə alınaraq, digər ölkələrin də ABŞ-ın yolunu gedəcəyini və dünya üzrə daha çox qanunvericilik qəbul edəcəyini proqnozlaşdırırıq. İnstitusional maraqlar baxımından, 2024-cü ildə maliyyə nəhəngləri olan BlackRock və Fidelity kripto biznesinə daxil oldular və gələn il daha çox yeni iştirakçı görəcəyimizi gözləyirik. Daha çox şirkət kripto barədə məlumat əldə edir və tokenləşdirmə kimi kripto xüsusiyyətlərini öz bizneslərinə inteqrasiya edir. Bu, illərdir böyüyən bir tendensiyadır və daha çox inkişaf proqnozlaşdırırıq”.